Ажәaбжь ҿыцқәa
Рухтәи ахәышәтәырҭа аргыларатә усурақәа хыркәшахоит ашықәс анҵәамҭанӡа
FaceBook Twitter
E-mail Print
Жәыргьыҭтәи араион иаҵанакәа Рухи ақыҭаҿы афункциарацәа зауа ауниверситеттә клиникаҿы аргыларатә усурақәа мҩаҧысуеит. Агәабзиарахьчара аминистрра аҟынтә „Лаипресс“ иазаарыцҳаит уажәазы ахәышәтәырҭа аҩнуҵҟатәи усурақәа шымҩаҧысуа. Аргыларатә процесс ашықәс анҵәамҭанӡа ихыркәшахоит.

„Аусурақәа ианрылгалак ашьҭахь ауп ахәышәтәырҭа аартра арыцхә анырҳәо “, - ирҳәеит аминистрраҿы.

Аргыларатә усурақәа рҳәаақәа ирҭагӡаны, аргыларатә еилахәыра алифтқәа ршахтақәа рреконструкциатә усурақәа рзы атендер аанацҳаит, ари аус иазоушьҭуп 95 664 нызқь лари.

Ажәалагалақәа рыдыркылоит рашәара 28 инаркны ҧхынгәы 3-нӡа.

Атендер аҿы аиааира зго аилахәыра аусурақәа ирылагароуп аиқәшаҳаҭра анапаҵаҩра инаркны 5 мшы рыҩнуҵҟала.
Аусурақәа хыркәшазароуп аиқәшаҳаҭра анапаҵаҩра инаркны 60 амзартә мшы рыҩнуҵҟала.

Қырҭтәыла аиҳабыра рыӡбара ала, афункциарацәа зауа Рухтәи ауниверситеттә клиника аргыларатә усурақәа мҩаҧнагоит Қырҭтәыла арегионалтә аҿиареи аинфраструктуреи рминистрра иаҵанакәа „Аҳәынҭқарратә аргыларатә еилахәыра“. Аргылараҿы аус руеит 154ҩык ауааҧсыра. Урҭ реиҳара аҭыҧантәи ауааҧсыра роуп.

Ауниверситеттә клиника 225ҩык апациентцәа рзы иазҧхьагәаҭоуп. Уаҟа еиҿыркаауеит 7 блокки аинџьныр-техникатә ргыламҭақәеи. Ақырҭуаа инарываргыланы, аклиника рхы иадырхәар рылшоит аҧсуа пациентцәагь Аҳәынҭқарратә биуџьет аҟынтә ари апроект иазоушьҭуп 41 миллион 264 нызқь лари.

Аргыларатә усурақәа 2017 шықәсазы ихдыркәшараны иҟан, аха шықәсык ала аҿҳәара дырдууит. Аҿҳәара ахырҧара зыхҟьаз аминистрраҿы ирымҳәеит.
Print E-mail
Twitter
Амультимедиa
Ашколахь асабрадала  - Ашколтә уадақәа рҿы аҵара еиҭалагеит  [афото]
Апандемиа амшала анахарала имҩаҧысуаз аҵаратә процесс иахьа,
Авакцинациа автобус аҿы [афото]
Жәыргьыҭтәи амуниципалитет ақыҭақәеи ақалақьқәеи ирықәынхо
„Ишәарҭамзаап“ – Авакцинациа ақыҭатә амбулаториаҿы  [афото]
74 шықәса зхыҵуа Заур Џьиқиа арасаҭраҿы дызҿыз аусқәа аамҭала