ახალი ამბები
დე ფაქტო პროკურატურა: ქართველებზე პასპორტების უკანონოდ გაცემის საქმის ძიება დასრულდა
აფხაზეთის დე ფაქტო რესპუბლიკის გენერალურმა პროკურატურამ დაასრულა სისხლის სამართლის საქმის ძიება ე.წ. პასპორტების საქმესთან დაკავშირებით. საქმეში მთავარი ბრალდებული გალის დე ფაქტო ადმინისტრაციის ყოფილი უფროსი, ბესლან არშბაა. მას გამოძიება სამსახურებრივი უფლება-მოსილების გადამეტებას ედავება და ბრალიც შესაბამისი მუხლით აქვს წაყენებული. სააგენტო „აფსნიპრესის“ ცნობით, სისხლის სამართლის საქმე განსახილველად პროკურატურამ გალის რაიონის სასამართლოს გადასცა.

გამოძიებამ დაადგინა, რომ ბესლან არშბამ გალის ადმინისტრაციის უფროსის თანამდებობაზე ყოფნისას შექმნა და თავად ხელმძღვანელობდა კომისიას, რომელიც პასპორტების გაცემას კურირებდა. გამოძიების ცნობითვე, სწორედ ამ კომისიამ 2007 -დან 2014 წლამდე „აფხაზეთის მოქალაქის პასპორტი“ გასცა გალის რაიონის 14 988 მცხოვრებზე, რომლებიც რეალურად საქართველოს მოქალაქეები იყვნენ.

დე ფაქტო რესპუბლიკის საგამოძიებო უწყებაში აცხადებენ, რომ შესაბამისი ქმედებით ბესლან არშბამ დაარღვია კანონი „აფხაზეთის მოქალაქეობის მინიჭების შესახებ, რომელიც გამონაკლისის სახით უცხო ქვეყნის მოქალაქეებიდან მხოლოდ რუსეთის მოქალაქეებზე გასცემს პასპორტებს“.

ბრალის დამტკიცების შემთხვევაში გალის რაიონის ადმინისტრაციის ყოფილ უფროსს 3-დან 7 წლამდე თავისუფლების აღკვეთა ემუქრება.
| Print |  E-mail
FaceBook Twitter Google
სხვა მასალები ამ კატეგორიიდან






ზუგდიდის ქორეოგრაფიულმა ანსამბლმა „ჩელამ“და ვაჟთა ფოლკლორულმა
11:52 / 23.06.2018
ზუგდიდის ქორეოგრაფიულმა ანსამბლმა „ჩელამ“და ვაჟთა ფოლკლორულმა






ზუგდიდის ცენტრში, მეორე საჯარო სკოლის მიმდებარედ მოქმედი კაფის
11:43 / 23.06.2018
ზუგდიდის ცენტრში, მეორე საჯარო სკოლის მიმდებარედ მოქმედი კაფის






შინაგან საქმეთა სამინისტროს სამეგრელო-ზემო სვანეთის პოლიციის
დეპარტამენტის
10:46 / 23.06.2018
შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის






გალის რაიონში ძლიერმა ქარმა რამდენიმე ხე მოგლიჯა და
ელექტროგადამცემი ხაზები
10:01 / 23.06.2018
გალის რაიონში ძლიერმა ქარმა რამდენიმე ხე მოგლიჯა და ელექტროგადამცემი ხაზები
ცოცხალი ისტორიები
ქეთო ნინიძე - მეღვინე
ბექა ყორშია -  აღმოსავლეთმცოდნე
მერიკო ფიფია - სტუდენტი
როზა ჯიქია - პენსიონერი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.