ზუგდიდის თეატრის დირექტორი: დაიწყო სამუშაოების პირველი ეტაპი [Photo]
ზუგდიდის შალვა დადიანის სახელობის დრამატული თეატრის შენობის
რეკონსტრუქციის გეგმის ფარგლებში სამუშაოების პირველი ეტაპი
დაიწყო. როგორც თეატრის დირექტორმა ზურაბ ეგუტიამ „ლიავპრესს"
განუცხადა, პირველი ეტაპი შენობის ტექნიკურ შესწავლას გულსხმობს.
მისი ინფორმაციით, სამუშაოებს 2 დღის განმავლობაში აწარმოებდა ლევან სამხარაულის სახელობის ექსპერტიზის ეროვნული ბიურო. მასალები შესასწავლად თბილისის ლაბორატორიაში გადატანილი. სპეციალისტები აპირებენ მუშაობის გაგრძელებას 3 თვის განმავლობაში.
„ისინი სწავლობენ როგორია შენობის ბეტონი, მისი სახურავი, რა მასალაა, რა არის გამოსაცვლელი და რა არის გასაძლიერებელი. ეს არის პირველი ეტაპი, უკვე მეორე ეტაპი იქნება შენობის პროექტირება“, - აცხადებს ზურაბ ეგუტია.
მისი ინფორმაციით, პირველი ეტაპისთვის საჭირო თანხა საქართველოს კულტურისა და ძეგლთა დაცვის სამინისტრომ გამოყო. სამინისტრო გეგმავს შემდეგი სამუშაოებისთვის თანხების მოძიებასაც.
ზუგდიდის შალვა დადიანის სახელობის თეატრის შენობის საკითხზე რომ მუშაობა მიმდინარეობს, ამის შესახებ 25 ივნისს სენაკში, კულტურის მინისტრმა მიხეილ გიორგაძემ განაცხადა, რომელმაც პრემიერ-მინისტრთან ერთად აკაკი ხორავას სახელობის სახელმწიფო თეატრი დაათვალიერა. მინისტრის თქმით, სამწუხაროდ ვერ მოხერხდა კორეულ კომპანიასთან მოლაპარაკების მიღწევა, რადგან საჭირო თანხები ამ კომპანიამ ვერ მოიძია. მაგრამ თანხა კულტურის სამინისტრომ საკუთარ ბიუჯეტში მოიძია. მიხეილ გიორგაძემ აღნიშნა, რომ პროექტი შემუშავების პროცესშია და როგორც კი დასრულდება პროექტირება, ფიზიკური სამუშაოებიც დაიწყება.
ზუგდიდის თეატრის შენობა მძიმე მდგომარეობაშია. სპექტაკლები რამდენიმე თვეა არ იმართება. მოთხოვნით, რომ ქალაქს თეატრი სჭირდება, არაერთხელ გაიმართა აქცია. ადგილობრივ ხელისუფლებაში იმედი აქვთ, რომ რეკონსტრუქცია 2018 წელს დასრულდება, როცა თეატრს 150 წელი შეუსრულდება. მერიაში აცხადებენ, რომ ამ თარიღს თეატრის აღდგენილ შენობაში შეხვდებიან.
მისი ინფორმაციით, სამუშაოებს 2 დღის განმავლობაში აწარმოებდა ლევან სამხარაულის სახელობის ექსპერტიზის ეროვნული ბიურო. მასალები შესასწავლად თბილისის ლაბორატორიაში გადატანილი. სპეციალისტები აპირებენ მუშაობის გაგრძელებას 3 თვის განმავლობაში.
„ისინი სწავლობენ როგორია შენობის ბეტონი, მისი სახურავი, რა მასალაა, რა არის გამოსაცვლელი და რა არის გასაძლიერებელი. ეს არის პირველი ეტაპი, უკვე მეორე ეტაპი იქნება შენობის პროექტირება“, - აცხადებს ზურაბ ეგუტია.
მისი ინფორმაციით, პირველი ეტაპისთვის საჭირო თანხა საქართველოს კულტურისა და ძეგლთა დაცვის სამინისტრომ გამოყო. სამინისტრო გეგმავს შემდეგი სამუშაოებისთვის თანხების მოძიებასაც.
ზუგდიდის შალვა დადიანის სახელობის თეატრის შენობის საკითხზე რომ მუშაობა მიმდინარეობს, ამის შესახებ 25 ივნისს სენაკში, კულტურის მინისტრმა მიხეილ გიორგაძემ განაცხადა, რომელმაც პრემიერ-მინისტრთან ერთად აკაკი ხორავას სახელობის სახელმწიფო თეატრი დაათვალიერა. მინისტრის თქმით, სამწუხაროდ ვერ მოხერხდა კორეულ კომპანიასთან მოლაპარაკების მიღწევა, რადგან საჭირო თანხები ამ კომპანიამ ვერ მოიძია. მაგრამ თანხა კულტურის სამინისტრომ საკუთარ ბიუჯეტში მოიძია. მიხეილ გიორგაძემ აღნიშნა, რომ პროექტი შემუშავების პროცესშია და როგორც კი დასრულდება პროექტირება, ფიზიკური სამუშაოებიც დაიწყება.
ზუგდიდის თეატრის შენობა მძიმე მდგომარეობაშია. სპექტაკლები რამდენიმე თვეა არ იმართება. მოთხოვნით, რომ ქალაქს თეატრი სჭირდება, არაერთხელ გაიმართა აქცია. ადგილობრივ ხელისუფლებაში იმედი აქვთ, რომ რეკონსტრუქცია 2018 წელს დასრულდება, როცა თეატრს 150 წელი შეუსრულდება. მერიაში აცხადებენ, რომ ამ თარიღს თეატრის აღდგენილ შენობაში შეხვდებიან.