ახალი ამბები
ვემხრობი შიდსის დამარცხებას - სამეგრელოს სტატისტიკა და გამოწვევები [Video]
FaceBook Twitter
E-mail Print
შიდსი - დაავადების სტატისტიკა საქართველოში, სამეგრელოს რეგიონი ამ სტატისტიკაში, პრევენცია და საზოგადოებაში დამკვიდრებული სტიგმები - ეს ის საკითხები იყო, რაც არასამთავრობო, ადგილობრივი თვითმმართველობის და სამედიცინო სფეროს წარმომადგენელთა მონაწილეობით გამართულ შეხვედრაზე განიხილეს.

უკვე მერამდენე წელია სამეგრელოს რეგიონი ქვეყნის მასშტაბით მეორეა აივ-ინფიცირებულთა რაოდენობით, რაც 811 ადამიანს შეადგენს. თუ რატომ, ძირითად მიზეზად შიდსით დაავადებულთა დახმარების ფონდის კონსულტანტი ლია ჭურღულია ხშირ მიგრაციაა მიიჩნევს. პირველ ადგილზე კვლავ დედაქალაქი რჩება 2 072 შემთხვევით. მესამე - მეოთხე პოზიციაზე იმერეთი და აჭარაა.

სულ ქვეყანაში 2016 წლის 11 თვის მონაცემებით, ინფექციური პათოლოგიის, შიდსის და კლინიკური იმუნოლოგიის სამეცნიერო ცენტრში რეგისტრირებულია აივ-ით ინფიცირების 6 065 შემთხვევა. მათგან 4 508 მამაკაცი, 1 557 კი ქალია. გამოვლინდა ახალი 663 დაავადებული. თუმცა, ლია ჭურღულიას განმარტებით, ახალი შემთხვევების მატება უკავშირდება იმას, რომ გამოკვლევებს უფრო მეტი ადამიანი მიმართავს, რასაც ხელი C ჰეპატიტის ელიმინაციის პროგრამამაც შეუწყო.

პაციენტთა უმრავლესობის ასაკი ქვეყნის მასშტაბით დაფიქსირებულ მონაცემებს შორის 29-დან 40 წელია. შიდსი სულ 3 399 ადამიანს განუვითარდა. 1 201 გარდაიცვალა. მაღალეფექტურ არვ მკურნალობას გადის 3 550 პირი, მათგან 401 აფხაზეთში.

შეხვედრის მონაწილეთა განმარტებით, ინფექციის გადაცემის საშუალებებს შორის კვლავ აქტუალურია ნარკოტიკების ინექციური გზით მოხმარება - 44,7% და დაუცველი სქესობრივი კავშირი - 52,4%. მათ შორის 8,8% ჰომოსექსუალური კავშირის შედეგად.

შიდსით დაავადებულთა დახმარების ფონდის კონსულტანტის თქმით, დაავადებულებს უამრავი პრობლემა ექმნებათ ყოველდღიურად. დასაქმება, თუნდაც სტომატოლოგიური მომსახურეობით სარგებლობა. ლია ჭურღულია აღნიშნავს, რომ ბევრი სტომატოლოგი უარს ამბობს აივ-ინფიცირებული პაციენტის მიღებასა და მკურნალობაზე, რაც შემდეგ ამ ადამიანებს თრგუნავს და საზოგადოებისგან განარიდებს.

საიას ზუგდიდის ოფისის ხელმძღვანელმა ჯემალ ჭკადუამ გამოთქვა მზადყოფნა, კონფიდენციალობის დაცვის პირობით, სამართლებრივი დახმარება აღმოუჩინოს დისკრიმინირებულ პირებს. თავის მხრივ, საკუთარი კომპეტენციის ფარგლებში ასეთ ადამიანებს რეგიონში სახალხო დამცველის წარმომადგენლობაც დაეხმარება.

ლია ჭურღულიამ კიდევ ერთ პრობლემაზე გაამახვილა ყურადღება, რასაც აივ ინფიცირებულები არც თუ იშვიათად აწყდებიან. მისი თქმით, მიუხედავად იმისა, რომ სამართალდამცველებმა კარგად იციან, თუ რა გზით გადადის, ან არ გადადის დაავადება, შიდსით ინფიცირებულების მიმართ მაინც არსებობს განსხვავებული, სტიგმატიზირებული მიდგომები, როცა მაგალითად პოლიცია ყველა იმ ნივთს, რომელსაც დაავადებული ეხება, ან სანაგვე ყუთებში ყრიან, ან ოთახებიდან გააქვთ. მანვე გაიხსენა წალენჯიხის ერთ-ერთ რესტორანში რამდენიმე წლის წინ მომხდარი ფაქტი, როცა ოფიციანტი მხოლოდ იმის გამო დაითხოვეს, რომ ის აივ-ით იყო ინფიცირებული. მოგვიანებით, ეს ადამიანი სამსახურში აღადგინეს, თუმცა უკვე თავად განაცხადა უარი მუშაობის გაგრძელებაზე.

ლია ჭურღულია ამბობს, რომ აუცილებელია საზოგადოება სწორად იყოს ინფორმირებული, თუ რა გზებით გადადის დაავადება და არ ეშინოდეთ იმის, რისიც არ უნდა ეშინოდეთ.

„ეს დღე ერთ-ერთი უმნიშვენლოვანესია ჯანდაცვის საკითხებთან დაკავშირებით. აღნიშნული დღე გაეროს აივ შიდსის პროგრამის მიერ ახალი კამპანიით იქნა შეთავაზებული მსოფლიოსთვის - „ვემხრობი შიდსის დამარცხებას“. დღევანდელი შეხვედრა მიზნად ისახავს ჩვენს რეგიონში არსებული ვითარების ანალიზს, ასევე იმ აუცილებელი ინტერვენციების მიმოხილვას, რომელიც საჭიროა აივ ინფექციის გავრცელების ტემპების მართვის და ზოგადად, ამ ინფექციის დამარცხებისთვის“, - განაცხადა ასოციაცია „ქსენონის“ ხელმძღვანელმა ნინო ჯანაშიამ, ვისი ინიციატივით და ორგანიზებითაც ეს შეხვედრა გაიმართა.

მისი თქმით, გაეროს შიდსის პროგრამა ითვალისწინებს მომდევნო 5 წლის განმავლობაში მიზანმიმართული ქმედებების განხორციელებას, რომელსაც შეუძლია უკვე 2030 წლისთვის წერტილი დაუსვას აივ-ინფექციის ეპიდემიას.

„ქსენონმა“ ზუგდიდში მრგვალი მაგიდის ფორმატის შეხვედრამდე შიდსთან ბრძოლის საერთაშორისო დღესთან დაკავშირებით გამართა ღონისძიება, რომლითაც მობილური ამბულატორიების ბაზაზე მოქალაქეთა ნებაყოფლობითი ტესტირება განხორციელდა აივ შიდსსა და C ჰეპატიტზე.

Print E-mail
Twitter
სხვა მასალები
ინტერნეტგამოცემა
11:47 / 01.02.2023
ინტერნეტგამოცემა "ლაივპრესი" ინფორმაციას, რეგიონში, თუ ქვეყნის მასშტაბით მიმდინარე მოვლენებზე,
5 იანვრამდე საქართველოში უმეტესად უნალექო ამინდია მოსალოდნელი.
გარემოს ეროვნული
13:55 / 30.12.2022
5 იანვრამდე საქართველოში უმეტესად უნალექო ამინდია მოსალოდნელი. გარემოს ეროვნული
აშშ-ის პრეზიდენტმა, ჯო ბაიდენმა ხელი მოაწერა ბიუჯეტს, რომელიც
უკრაინისა და საქართველოსთვის
10:28 / 30.12.2022
აშშ-ის პრეზიდენტმა, ჯო ბაიდენმა ხელი მოაწერა ბიუჯეტს, რომელიც უკრაინისა და საქართველოსთვის
სალომე ზურაბიშვილმა 13 წლის მარიტა მეფარიშვილი და დევი მეზურნიშვილი
მედლით დააჯილდოვა
16:13 / 29.12.2022
სალომე ზურაბიშვილმა 13 წლის მარიტა მეფარიშვილი და დევი მეზურნიშვილი მედლით დააჯილდოვა
კორონავირუსი

საბჭოთა რეპრესიები

ვიდეო
პატარა “სანტები” თანატოლების დასახმარებლად [ვიდეო]
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
ისევ მშივრები, ისევ ქუჩაში - მოქალაქეთა აქტივიზმით გადარჩენილი სიცოცხლეები [ვიდეო]
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
პირველი მეგრულენოვანი ანიმაცია - ხობელი ანიმატორის სტუდია დიდი გეგმებით [ვიდეო]
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
სკოლის ნათხოვარ შენობაში დაწყებული ჩხოროწყუელი მოსწავლეების ბრძოლა უკეთესი გარემოსთვის [ვიდეო]
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.