ახალი ამბები
ვიზეარის პრეზიდენტის რჩევები მომხმარებელს - კონფერენცია თბილისში
დაბალბიუჯეტიანი ავიაკომპანია ვიზეარის პრეზიდენტი ჯოზეფ ბარადი მომხმარებლებს ავიაბილეთების იაფად შესაძენად რჩევებს აძლევს. დღეს თბილისში გამართულ პრესკონფერენციაზე ბარადიმ განაცხადა, რომ ბილეთების იაფად შეძენის პრინციპი ადრე დაგეგმვას გულისხმობს.

ვიზეარის პრეზიდენტის განმარტებით, საშობაოდ, საახალწლოდ, აღდგომის პერიოდისთვის ძალიან დიდი მოთხოვნაა, ბილეთების შოვნა უფრო რთულია და ფასებიც შესაბამისად იზრდება. მისივე თქმით, არის თვეები, მაგალითად როგორიცაა თებერვალი და ნოემბერი, როდესაც უფრო იაფად შეიძლება ბილეთების შეძენა.

ჯოზეფ ბარადიმ აღნიშნა, რომ ავიაბილეთის მინიმალური ფასი 45 ლარი, საშუალო კი - 150 ლარია, თუმცა თუ მომხმარებელი გაფრენამდე ორი საათით ადრე გადაწყვეტს ბილეთის შეძენას, არ არის გამორიცხული ღირებულებამ 400-500 ლარიც შეადგინოს.

ჯოზეფ ვარადის თქმით კი, მას შემდეგ, რაც 6 თვის წინ ვიზეარმა ქუთაისში ბაზა გახსნა, ავიაკომპანია 100 ათასზე მეტ მგზავრს მოემსახურა. ვიზეარის პრეზიდენტს მიაჩნია, რომ ევროკავშირთან უვიზო მიმოსვლა მოთხოვნას კიდევ უფრო გაზრდის.

თავის მხრივ, საქართველოს აეროპორტების გაერთიანების დირექტორმა ქეთევან ალექსიძემ კონფერენციაზე განაცხადა, რომ 2017 წლის იანვარი-მარტის პერიოდი ქართული ავიაციისთვის ძალიან წარმატებული იყო. მიაჩნია, რომ წლევანდელი ზრდა ბევრად შთამბეჭდავი იქნება, ვიდრე შარშანდელი.

„წელს გვექნება ერთი ახალი მიმართულება ვიზეარის მიერ ლონდონის მიმართულებით, რომელიც 17 ივნისს დაიწყება. პრაქტიკულად, 200 პროცენტს გადააჭარბა ამ ავიაკომპანიის მგზავრნაკადის ზრდამ“, - აღნიშნა მან.

ქეთევან ალექსიძის თქმით, არსებული ტენდენციები და სავიზო ლიბერალიზაცია გახდა მათთვის ერთ-ერთი საინტერესო საშუალება, რითაც ავიაკომპანიებს ესაუბრებიან. მისი ცნობით, რამდენიმე დღეში დაიწყება ბელფასტში ერთ-ერთი უმსხვილესი საავიაციო ფორუმი, სადაც ჩანიშნულია ბევრი შეხვედრა.

„აღსანიშნავია, რომ ვიზალიბერალიზაციის შემდეგ ავიაკომპანიების მიერ ძალიან გაიზარდა ინტერესი. ვესაუბრებით რა თქმა უნდა რამდენიმე ავიაკომპანიას. ძირითადად საუბარია 2018 წელზე და რა თქმა უდნა არსებულ ავიაკომპანიებსაც ვესაუბრებით სიხშირეების დამატებაზე“, - აღნიშნა ალექსიძემ.
| Print |  E-mail
FaceBook Twitter Google
სხვა მასალები ამ კატეგორიიდან
სამეგრელო-ზემო სვანეთის პოლიციის დეპარტამენტის
19:39 / 23.07.2017
სამეგრელო-ზემო სვანეთის პოლიციის დეპარტამენტის
ძლიერმა წვიმამ ზუგდიდის მუნიციპალიტეტის სოფლებში,
19:24 / 23.07.2017
ძლიერმა წვიმამ ზუგდიდის მუნიციპალიტეტის სოფლებში,
ზუგდიდის მუნიციპალიტეტის გამგეობის სამხედრო აღრიცხვისა და გაწვევის
სამსახურმა ექვსი
12:02 / 22.07.2017
ზუგდიდის მუნიციპალიტეტის გამგეობის სამხედრო აღრიცხვისა და გაწვევის სამსახურმა ექვსი
აფხაზეთის დე ფაქტო რესპუბლიკის უსაფრთხოების სამსახურმა სოხუმში
10:36 / 22.07.2017
აფხაზეთის დე ფაქტო რესპუბლიკის უსაფრთხოების სამსახურმა სოხუმში
რედაქტორის რჩევით
ქალაქ ზუგდიდის მე-13 საბავშვო ბაღში ძიძამ ერთ-ერთ
პატარა ბიჭი საქანელაზე ქანაობს და ღიღინებს.
არჩევნებიდან დღემდე, ექვსი თვის განმავლობაში, პარლამენტში საკანონმდებლო
ქალაქ გალის მილიციაში დაძაბულ ფონზე მიმდნარეობს ბინადრობის
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.