ქალაქ ზუგდიდის მაჟორიტარმა დეპუტატმა ბიურო გახსნა [ვიდეო]
ქალაქ ზუგდიდის მაჟორიტარმა დეპუტატმა მერაბ ქვარაიამ ცენტრალური
ბიბლიოთეკის
შენობაში საკუთარი ბიურო გახსნა. მას „ქართული ოცნების“ წევრი ჯონი
ჯიქია ხელმძღვანელობს. ბიუროში სულ ოთხი ადამიანი მუშაობს.
„მოქალაქეებს შეეძლებათ მიმართონ ბიუროს წინადადებებით, საჭიროებებით, რომელიც მათ გააჩნიათ. პერიოდულად დაიგეგმება შეხვედრები მაჟორიტარ დეპუტატთან. ეს დღეები კი წინასწარ იქნება ცნობილი. ჩვენ ვიქნებით მჭიდრო კომუნიკაციაში მოსახლეობასთან“, - განაცხადა მერაბ ქავარაიამ.
ქალაქის მაჟორიტარმა დეპუტატმა ბიუროს გახსნაზე თანაქალაქელების შეკითხვებს უპასუხა. მათ შორის იყვნენ ადგილობრივი ხელისუფლების, ასევე არასამთავრობო ორგანიზაციების წარმომადგენლები.
ბიუროს ხელმძღვანელის ჯონი ჯიქიას თქმით, ბიუროში ყველა პირობაა, რათა მოქალაქეებს კომფორტულად მოემსახურონ.
ჯონი ჯიქია არის „ქართული ოცნების“ წევრი. 2007 წელს ის ზუგდიდის საკრებულოს დეპუტატი იყო "კონსერვატიული" პარტიიდან. აქვს პოლიტიკური პატიმრის სტატუსი. ზუგდიდის საკრებულოს ყოფილი წევრი 2007 წელს ნარკოტიკული ნივთიერება „ჰეროინის“ შეძენა-შენახვის ბრალდებით 2 ოქტომბერს, ზუგდიდის ცენტრში დააკავეს. იმავე დღეს ჯიქიას საცხოვრებელ სახლში ასაფეთქებელი ნივთიერება აღმოაჩინეს. იმავე წლის, 28 დეკემბერს ზუგდიდის რაიონულმა სასამართლომ საკრებულოს ოპოზიციონერ დეპუტატს 10 წლითა და 6 თვით თავისუფლების აღკვეთა მიუსაჯა. მოგვიანებით, ქუთაისის სააპელაციო სასამართლომ ჯიქიას ასაფეთქებელი ნივთიერების უკანონო შეძენა-შენახვის ბრალდება მოუხსნა და სასჯელის ზომად 7 წლით თავისუფლების აღკვეთა განსაზღვრა. ჯონი ჯიქია ამბობს, რომ იმ დროს სასამართლომ არ გაითვალისწინა დაცვის მხარის შუამდგომლობა და არ დაკითხა უამრავი მოწმე, რომელიც მის უდანაშაულობას დაამტკიცებდა.
„მოქალაქეებს შეეძლებათ მიმართონ ბიუროს წინადადებებით, საჭიროებებით, რომელიც მათ გააჩნიათ. პერიოდულად დაიგეგმება შეხვედრები მაჟორიტარ დეპუტატთან. ეს დღეები კი წინასწარ იქნება ცნობილი. ჩვენ ვიქნებით მჭიდრო კომუნიკაციაში მოსახლეობასთან“, - განაცხადა მერაბ ქავარაიამ.
ქალაქის მაჟორიტარმა დეპუტატმა ბიუროს გახსნაზე თანაქალაქელების შეკითხვებს უპასუხა. მათ შორის იყვნენ ადგილობრივი ხელისუფლების, ასევე არასამთავრობო ორგანიზაციების წარმომადგენლები.
ბიუროს ხელმძღვანელის ჯონი ჯიქიას თქმით, ბიუროში ყველა პირობაა, რათა მოქალაქეებს კომფორტულად მოემსახურონ.
ჯონი ჯიქია არის „ქართული ოცნების“ წევრი. 2007 წელს ის ზუგდიდის საკრებულოს დეპუტატი იყო "კონსერვატიული" პარტიიდან. აქვს პოლიტიკური პატიმრის სტატუსი. ზუგდიდის საკრებულოს ყოფილი წევრი 2007 წელს ნარკოტიკული ნივთიერება „ჰეროინის“ შეძენა-შენახვის ბრალდებით 2 ოქტომბერს, ზუგდიდის ცენტრში დააკავეს. იმავე დღეს ჯიქიას საცხოვრებელ სახლში ასაფეთქებელი ნივთიერება აღმოაჩინეს. იმავე წლის, 28 დეკემბერს ზუგდიდის რაიონულმა სასამართლომ საკრებულოს ოპოზიციონერ დეპუტატს 10 წლითა და 6 თვით თავისუფლების აღკვეთა მიუსაჯა. მოგვიანებით, ქუთაისის სააპელაციო სასამართლომ ჯიქიას ასაფეთქებელი ნივთიერების უკანონო შეძენა-შენახვის ბრალდება მოუხსნა და სასჯელის ზომად 7 წლით თავისუფლების აღკვეთა განსაზღვრა. ჯონი ჯიქია ამბობს, რომ იმ დროს სასამართლომ არ გაითვალისწინა დაცვის მხარის შუამდგომლობა და არ დაკითხა უამრავი მოწმე, რომელიც მის უდანაშაულობას დაამტკიცებდა.