ინოვატორები საქართველოდან და ამერიკის გამოცდილება - შეხვედრა ტექნოპარკში [ვიდეო]
ზუგდიდის ტექნოპარკში გაიმართა შეხვედრა წარმატებულ ქართველ
ინოვატორებსა
და მეწარმეებზე ამერიკაში, ინოვაციების მნიშვნელობასა და მისი
დანერგვა-განვითარების ტენდენციებზე საქართველოსა და შეერთებულ
შტატებში. პრეზენტაციის დაწყებამდე ახალგაზრდებს მიმართა საელჩოს
პოლიტიკურ-ეკონომიკური განყოფილების ოფიცერმა დანიელ კაპონემ. მისი
თქმით, ძალიან მნიშვნელოვანია ერთი გარემოება - არ შეეშინდეთ
წარუმატებლობის, რადგან წარუმატებლობის გარეშე წარმატებაც არ
არსებობს. ამერიკელმა დიპლომატმა განმარტა, რომ სწორედ ინოვაციები და
ინოვაციური ბიზნესი არის წამყვანი დღევანდელ მსოფლიოში, და რომ მისი
ქვეყანაც ერთგვარად მიბმულია ამ ყველაფერთან.
თავის მხრივ, ჟურნალისტებთან საუბარში საელჩოს საზოგადოებრივ საქმეთა განყოფილების საინფორმაციო რესურსცენტრის წარმომადგენელმა ნანა შუღლაძემ აღნიშნა, რომ საქართველოშიც იკიდებს ფეხს ტექნიკური სიახლეები, შეერთებული შტატები კი განსაკუთრებით უწყობს ხელს მის განვითარებას სხვადასხვა პროგრამის, პრეზენტაციების თუ შეხვედრების გზით.
ინოვაციების მნიშვნელობაზე თანამედროვე სამყაროსთვის საკუთარ პრეზენტაციაში ისაუბრა სტუდენტმა გიორგი გასაშვილმაც. მისი თქმით, აუცილებელ პირობას, რომ ქვეყანამ მსოფლიო ბაზარზე ადგილის დამკვიდრება შეძლოს, სწორედ ინოვაციური მიდგომები წარმოადგენს.
„მნიშვნელოვანია ახალგაზრდები და არამხოლოდ ახალგაზრდები მოვიდნენ ტექნოპარკში, გააკეთონ რამე ახალი. ინტერნეტი ყველას აძლევს შესაძლებლობას, რაღაც თემა შეისწავლოს. აქ კი დაეხმარებიან მაქსიმალურად, შექმნან საკუთარი იდეა, შექმნან პროტოტიპები საწყის დონეზე და შემდგომ უკვე გაიტანონ ბაზარზე”, - აღნიშნა მან.
თავის მხრივ, მერიის ტურიზმის და ძეგლთა განყოფილების უფროსის, ბესიკ არახამიას თქმით, ბევრმა ღირსეულმა ქართველმა ასახელა საკუთარი ქვეყანა საზღვრებს გარეთ, უჩვენეს მთელ მსოფლიოს, რომ ისინი იმ სახელმწიფოდან არიან, სადაც ფიქრობენ ინოვაციაზე, მომავალზე, კულტურასა და მის თვითმყოფადობაზე.
ბეკის არახამიამ აღნიშნა, რომ ჯერ კიდევ 1921 წლიდან იწყება ქართველთა ემიგრაცია შეერთებულ შტატებში, იძულებითი გასაბჭოების შემდეგ, მოგვიანებით კი სწორედ ამ ადამიანებმა ითამაშეს მნიშვნელოვანი როლი ორი ქვეყნის ურთიერთობების განვითარებაში.
„აქ ილაპარაკეს ალექსანდრე ქართველზე, რომელმაც განსაკუთრებული როლი ითამაშა ამერიკული ავიაციის შექმნაში. ლაპარაკი იყო მაჩაბელზე, რომელმაც დიდი როლი ითამაშა პარფიუმერიის და სუნამოების შექმნაში. მთელ რიგ მეწარმეებზე, რომლებმაც ყველასგან დამოუკიდებლად შექმნეს ეს ყველაფერი“.
შეხვედრის განმავლობაში ამერიკიდან სკაიპის საშუალებით ჩაერთო აუდიტორიას ზუგდიდელი ქეთევან ჯოლია. მან საქართველო წლების წინ დატოვა, დღეს კი შეერთებულ შტატებში დიზაინერად მუშაობს და კაბების კოლექციას, მათ შორის ჰოლივუდის ვარსკვლავებისთვისაც ქმნის. მან ისაუბრა საკუთარ გამოცდილებასა და იმ სირთულეებზე, რაც წარმატების მისაღწევად დასჭირდა.
ამერიკა-საქართველოს დიპლომატიური ურთიერთობების 25 წლის იუბილეს აღსანიშნავად საქართველოს მასშტაბით, მათ შორის ზუგდიდში 24-დან 28 აპრილის ჩათვლით საზეიმო ღონისძიებები იმართება.
თავის მხრივ, ჟურნალისტებთან საუბარში საელჩოს საზოგადოებრივ საქმეთა განყოფილების საინფორმაციო რესურსცენტრის წარმომადგენელმა ნანა შუღლაძემ აღნიშნა, რომ საქართველოშიც იკიდებს ფეხს ტექნიკური სიახლეები, შეერთებული შტატები კი განსაკუთრებით უწყობს ხელს მის განვითარებას სხვადასხვა პროგრამის, პრეზენტაციების თუ შეხვედრების გზით.
ინოვაციების მნიშვნელობაზე თანამედროვე სამყაროსთვის საკუთარ პრეზენტაციაში ისაუბრა სტუდენტმა გიორგი გასაშვილმაც. მისი თქმით, აუცილებელ პირობას, რომ ქვეყანამ მსოფლიო ბაზარზე ადგილის დამკვიდრება შეძლოს, სწორედ ინოვაციური მიდგომები წარმოადგენს.
„მნიშვნელოვანია ახალგაზრდები და არამხოლოდ ახალგაზრდები მოვიდნენ ტექნოპარკში, გააკეთონ რამე ახალი. ინტერნეტი ყველას აძლევს შესაძლებლობას, რაღაც თემა შეისწავლოს. აქ კი დაეხმარებიან მაქსიმალურად, შექმნან საკუთარი იდეა, შექმნან პროტოტიპები საწყის დონეზე და შემდგომ უკვე გაიტანონ ბაზარზე”, - აღნიშნა მან.
თავის მხრივ, მერიის ტურიზმის და ძეგლთა განყოფილების უფროსის, ბესიკ არახამიას თქმით, ბევრმა ღირსეულმა ქართველმა ასახელა საკუთარი ქვეყანა საზღვრებს გარეთ, უჩვენეს მთელ მსოფლიოს, რომ ისინი იმ სახელმწიფოდან არიან, სადაც ფიქრობენ ინოვაციაზე, მომავალზე, კულტურასა და მის თვითმყოფადობაზე.
ბეკის არახამიამ აღნიშნა, რომ ჯერ კიდევ 1921 წლიდან იწყება ქართველთა ემიგრაცია შეერთებულ შტატებში, იძულებითი გასაბჭოების შემდეგ, მოგვიანებით კი სწორედ ამ ადამიანებმა ითამაშეს მნიშვნელოვანი როლი ორი ქვეყნის ურთიერთობების განვითარებაში.
„აქ ილაპარაკეს ალექსანდრე ქართველზე, რომელმაც განსაკუთრებული როლი ითამაშა ამერიკული ავიაციის შექმნაში. ლაპარაკი იყო მაჩაბელზე, რომელმაც დიდი როლი ითამაშა პარფიუმერიის და სუნამოების შექმნაში. მთელ რიგ მეწარმეებზე, რომლებმაც ყველასგან დამოუკიდებლად შექმნეს ეს ყველაფერი“.
შეხვედრის განმავლობაში ამერიკიდან სკაიპის საშუალებით ჩაერთო აუდიტორიას ზუგდიდელი ქეთევან ჯოლია. მან საქართველო წლების წინ დატოვა, დღეს კი შეერთებულ შტატებში დიზაინერად მუშაობს და კაბების კოლექციას, მათ შორის ჰოლივუდის ვარსკვლავებისთვისაც ქმნის. მან ისაუბრა საკუთარ გამოცდილებასა და იმ სირთულეებზე, რაც წარმატების მისაღწევად დასჭირდა.
ამერიკა-საქართველოს დიპლომატიური ურთიერთობების 25 წლის იუბილეს აღსანიშნავად საქართველოს მასშტაბით, მათ შორის ზუგდიდში 24-დან 28 აპრილის ჩათვლით საზეიმო ღონისძიებები იმართება.