ჯიხაშკარის უბნის დარბევაში ბრალდებულის ადვოკატი: მოწმემ პროკურატურაში მისვლის შემდეგ ჩვენება შეცვალა
ჯიხაშკარის #108-ე საარჩევნო უბნის დარბევაში ბრალდებულ კაკო ტიბუას
ადვოკატის, როლანდ შონიას განცხადებით, მოწმემ პროკურატურაში მისვლის
შემდეგ ჩვენება შეცვალა. საქმე ეხება დარბეული საარჩევნო უბნის
თავმჯდომარე ნიკა ჩალიგავას, რომელიც დღეს ზუგდიდის რაიონულ
სასამართლოში მოწმის სახით დაიკითხა.
როლანდ შონიამ სხდომაზე მას ჰკითხა, იყო თუ არა პროკურატურაში მისული, რაც მოწმემ დაადასტურა. ადვოკატის მტკიცებით, ნიკა ჩალიგავამ ჩვენება შეცვალა, თუმცა არ დაუკონკრეტებია რა ნაწილში. მან მოსამართლე შოთა ბიჭიას მიმართა რომ მიიღოს გარკვეული ზომები, თუნდაც შენიშვნა მისცეს პროკურორ ილია ტორუას.
„წინააღმდეგ შემთხვევაში არის შესაძლებლობა, რომ პროკურორმა შემდგომში დაცვის მხარის მოწმეებზეც იქონიოს გავლენა“, - აღნიშნა როლანდ შონიამ.
მოსამართლემ მას განუმარტა, რომ შეუძლია მიმართოს შესაბამის ორგანოებს:
„ჩემთვის გაუგებარია რას ითხოვთ და მე როგორ შეიძლება ჩავერიო ამ შემთხვევაში. თქვენ გქონდათ შესაძლებლობა კითხვები დაგესვათ მოწმისთვის“, - განაცხადა შოთა ბიჭიამ.
სხდომის დასრულების შემდეგ ილია ტორუამ „ლაივპრესთან“ საუბარში აღნიშნა, რომ მოწმე ნიკა ჩალიგავა იმყოფებოდა პროკურატურაში ისევე როგორც სხვა მოწმეები რათა დაეკვალიანებინათ პროცედურულ საკითხებთან დაკავშირებით.
„ჩვეულებრივად ვუხსნით მათ ფიცის დადების პროცედურას და ა.შ.“, - აღნიშნა ილია ტორუამ და დასძინა, რომ მოწმეს ჩვენება არ შეუცვლია. პროკურორის სიტყვებით, ნიკა ჩალიგავამ იგივე ინფორმაცია მიაწოდა დღეს სასამართლოს, რაც პოლიციაში დაკითხვისას.
ჯიხაშკარის მკვიდრმა ნიკა ჩალიგავამ სხდომაზე განმარტა, რომ არ იცის ვინ იყვნენ უბანში დაახლოებით 11:00 საათისთვის შეჭრილი პირები და ვერც ის დაადასტურა იყო თუ არა მათ შორის ბრალდებული კაკო ტიმბუა. მოწმემ აღნიშნა, რომ დღის განმავლობაში პროცესი მშვიდ ვითარებაში მიმდინარეობდა, მხოლოდ ხმის დათვლის პროცესის დროს გაიგეს ფანჯრის ჩამსხვრევის ხმა საიდანაც ათამდე პირი შემოიჭრა. როგორც ნიკა ჩალიგავა განმარტავს, ახსოვს მხოლოდ ის რომ უბანი დაარბიეს და ბიულეტენები დაბლა დაყარეს.
სააჩევნო უბანზე შემოჭრილების შესახებ ინფორმაცია ვერც უბნის დამკვირვებელმა მიაწოდა სასამართლოს. ჯიხაშკარში მცხოვრები ჯონი ჯიქის განცხადებით, მან დარბევის პროცესში უბანი დატოვა, გარეთ გამოსულმა კი ჭიშკართან პოლიცია შეამჩნია.
თქვენ ჭიშკართან პოლიცია ნახეთ და არ უთხარით, რომ უბანს არბევდნენ“, - ჰკითხა მოწმეს ადვოკატმა, რაზეც უარყოფითი პასუხი მიიღო.
როლანდ შონიას მორიგ კითხვაზე, შევიდა თუ არა პოლიცია უბანზე, ჯონი ჯიქიამ აღნიშნა: „მე ისე წამოვედი, პოლიცია შიგნით არ მინახავს“.
სასამართლოს ხდომაზე ბრალდების კიდევ ერთმა მოწმემ, უბნის დამკვირვებელმა, ბორის სიჭინავამ განაცხადა, რომ დარბევისას უბანზე არ იმყოფებოდა. მისი სიტყვებით, ის არის კაკო ტიბუას მეგობარი და შეუძლია თქვას მხოლოდ ის, რომ ბრალდებული პატიოსანი ადამიანია.
საქმეზე მორიგი სასამართლო პროცესი 25 მაისს, 15:00 საათზე ჩაინიშნა. პროკურორის თქმით, მომდევნო სხდომაზე ის 7-8 მოწმეს წარადგენს.
კაკო ტიბუას ბრალი საქართველოს სისხლის სამართლის კოდექსის 163-ე მუხლით აქვს წარდგენილი. ის თავს უდანაშაულოდ მიიჩნევს. ტიბუას ზუგდიდის სასამართლომ აღკვეთი ღონისძიების სახით, 10 ათასი ლარის ოდენობის გირაოს გადახდა 13 ოქტომბერს დააკისრა და გაათავისუფლა. 2016 წლის 8 ოქტომბერს, სოფელ ჯიხაშკარის 108-ე და 79-ე საარჩევნო უბანზე შეიჭრნენ უცნობი პირები, გატეხეს ყუთი, ჩაამსხვრიეს მინები და დააზიანეს ინვენტარი, რის გამოც ამ უბანზე არჩევნები ჩაიშალა. საქმესთან დაკავშირებით სულ სამი პირია ბრალდებული. მათ შორის ზუგდიდის სასამართლომ ჯიხაშკარის 79-ე საარჩევნო უბნის დარბევაში კიდევ ერთ ბრალდებულ გიორგი მხეიძეს 11 ოქტომბერს აღმკვეთ ღონისძიებად პატიმრობა შეუფარდა. თუმცა 10 ნოემბერს გამართულ სხდომაზე ის გირაოს სანაცვლოდ სასამართლო დარბაზიდან გაათავისუფლა. კიდევ ერთი ბრალდებული მანუჩარ გაბეჩავა კი ამდრომდე პატიმრობაში რჩება.
როლანდ შონიამ სხდომაზე მას ჰკითხა, იყო თუ არა პროკურატურაში მისული, რაც მოწმემ დაადასტურა. ადვოკატის მტკიცებით, ნიკა ჩალიგავამ ჩვენება შეცვალა, თუმცა არ დაუკონკრეტებია რა ნაწილში. მან მოსამართლე შოთა ბიჭიას მიმართა რომ მიიღოს გარკვეული ზომები, თუნდაც შენიშვნა მისცეს პროკურორ ილია ტორუას.
„წინააღმდეგ შემთხვევაში არის შესაძლებლობა, რომ პროკურორმა შემდგომში დაცვის მხარის მოწმეებზეც იქონიოს გავლენა“, - აღნიშნა როლანდ შონიამ.
მოსამართლემ მას განუმარტა, რომ შეუძლია მიმართოს შესაბამის ორგანოებს:
„ჩემთვის გაუგებარია რას ითხოვთ და მე როგორ შეიძლება ჩავერიო ამ შემთხვევაში. თქვენ გქონდათ შესაძლებლობა კითხვები დაგესვათ მოწმისთვის“, - განაცხადა შოთა ბიჭიამ.
სხდომის დასრულების შემდეგ ილია ტორუამ „ლაივპრესთან“ საუბარში აღნიშნა, რომ მოწმე ნიკა ჩალიგავა იმყოფებოდა პროკურატურაში ისევე როგორც სხვა მოწმეები რათა დაეკვალიანებინათ პროცედურულ საკითხებთან დაკავშირებით.
„ჩვეულებრივად ვუხსნით მათ ფიცის დადების პროცედურას და ა.შ.“, - აღნიშნა ილია ტორუამ და დასძინა, რომ მოწმეს ჩვენება არ შეუცვლია. პროკურორის სიტყვებით, ნიკა ჩალიგავამ იგივე ინფორმაცია მიაწოდა დღეს სასამართლოს, რაც პოლიციაში დაკითხვისას.
ჯიხაშკარის მკვიდრმა ნიკა ჩალიგავამ სხდომაზე განმარტა, რომ არ იცის ვინ იყვნენ უბანში დაახლოებით 11:00 საათისთვის შეჭრილი პირები და ვერც ის დაადასტურა იყო თუ არა მათ შორის ბრალდებული კაკო ტიმბუა. მოწმემ აღნიშნა, რომ დღის განმავლობაში პროცესი მშვიდ ვითარებაში მიმდინარეობდა, მხოლოდ ხმის დათვლის პროცესის დროს გაიგეს ფანჯრის ჩამსხვრევის ხმა საიდანაც ათამდე პირი შემოიჭრა. როგორც ნიკა ჩალიგავა განმარტავს, ახსოვს მხოლოდ ის რომ უბანი დაარბიეს და ბიულეტენები დაბლა დაყარეს.
სააჩევნო უბანზე შემოჭრილების შესახებ ინფორმაცია ვერც უბნის დამკვირვებელმა მიაწოდა სასამართლოს. ჯიხაშკარში მცხოვრები ჯონი ჯიქის განცხადებით, მან დარბევის პროცესში უბანი დატოვა, გარეთ გამოსულმა კი ჭიშკართან პოლიცია შეამჩნია.
თქვენ ჭიშკართან პოლიცია ნახეთ და არ უთხარით, რომ უბანს არბევდნენ“, - ჰკითხა მოწმეს ადვოკატმა, რაზეც უარყოფითი პასუხი მიიღო.
როლანდ შონიას მორიგ კითხვაზე, შევიდა თუ არა პოლიცია უბანზე, ჯონი ჯიქიამ აღნიშნა: „მე ისე წამოვედი, პოლიცია შიგნით არ მინახავს“.
სასამართლოს ხდომაზე ბრალდების კიდევ ერთმა მოწმემ, უბნის დამკვირვებელმა, ბორის სიჭინავამ განაცხადა, რომ დარბევისას უბანზე არ იმყოფებოდა. მისი სიტყვებით, ის არის კაკო ტიბუას მეგობარი და შეუძლია თქვას მხოლოდ ის, რომ ბრალდებული პატიოსანი ადამიანია.
საქმეზე მორიგი სასამართლო პროცესი 25 მაისს, 15:00 საათზე ჩაინიშნა. პროკურორის თქმით, მომდევნო სხდომაზე ის 7-8 მოწმეს წარადგენს.
კაკო ტიბუას ბრალი საქართველოს სისხლის სამართლის კოდექსის 163-ე მუხლით აქვს წარდგენილი. ის თავს უდანაშაულოდ მიიჩნევს. ტიბუას ზუგდიდის სასამართლომ აღკვეთი ღონისძიების სახით, 10 ათასი ლარის ოდენობის გირაოს გადახდა 13 ოქტომბერს დააკისრა და გაათავისუფლა. 2016 წლის 8 ოქტომბერს, სოფელ ჯიხაშკარის 108-ე და 79-ე საარჩევნო უბანზე შეიჭრნენ უცნობი პირები, გატეხეს ყუთი, ჩაამსხვრიეს მინები და დააზიანეს ინვენტარი, რის გამოც ამ უბანზე არჩევნები ჩაიშალა. საქმესთან დაკავშირებით სულ სამი პირია ბრალდებული. მათ შორის ზუგდიდის სასამართლომ ჯიხაშკარის 79-ე საარჩევნო უბნის დარბევაში კიდევ ერთ ბრალდებულ გიორგი მხეიძეს 11 ოქტომბერს აღმკვეთ ღონისძიებად პატიმრობა შეუფარდა. თუმცა 10 ნოემბერს გამართულ სხდომაზე ის გირაოს სანაცვლოდ სასამართლო დარბაზიდან გაათავისუფლა. კიდევ ერთი ბრალდებული მანუჩარ გაბეჩავა კი ამდრომდე პატიმრობაში რჩება.