ახალი ამბები
საკრებულოს წევრი: გაუგებარია რატომ მოიწონა უმრავლესობამ მთავრობის წინადადება, როცა პროექტიც არ უნახავს
ზუგდიდის მუნიციპალიტეტის საკრებულოს წევრის ლაშა თოდუას განცხადებით, მისთვის გაუგებარია რატომ დაუჭირა მხარი უმრავლესობამ საქართველოს რეგიონული განვითარების სამთავრობო კომისიის წინადადებას ქალაქისა და თემის გაერთიანების შესახებ, მაშინ როცა მოსალოდნელი რეფორმის შესახებ არავის უნახავს დოკუმენტი პროექტის სახითაც.

„რესპუბლიკური პარტიის“ ყოფილი წევრი ლაშა თოდუა ერთ-ერთი იყო იმ სამ დეპუტატს შორის, რომელმაც სხდომაზე წარმოდგენილ წერილის მოწონებას მხარი არ დაუჭირა.

გარდა იმ მიზეზისა, რომ დეპუტატებისთვის არავის წარმოუდგენია მოსალოდნელი ცვლილებების შესახებ დეტალური დოკუმენტი, ის საუბრობს სხვა ფაქტორებზეც რის გამოც საკითხს ხმა წინააღმდეგ მისცა:

„ეს არის ცენტრალიზაციისკენ გადადგმული ნაბიჯი. ის რეფორმა რაც განხორციელდსა 2014 წელს თვითმმართველობებში, ემსახურებოდა დეცენტრალიზაციის პროცესს. მან უფრო მეტი შესაძლებლობა მისცა თვითმმართველ ქალაქს და თვითმმართველ თემს მეტი პროექტის განხორციელების, მოსახლეობისთვის უფრო მეტი სერვისის მიწოდების და საქმიანობის უფრო ეფექტური განხორციელების. ახალი რეფორმა, რომელიც ემსახურება თვითმმართველობების გაერთიანების შედეგად მათ გამსხვილებას, ხელს შეუშლის სერვისების ხელმისაწვდომობას და მოსახლეობის ჩართულობას თვითმმართველობის საქმიანობაში“, - განაცხადა ლაშა თოდუამ.

დღეს ზუგდიდის მუნიციპალიტეტის საკრებულოში ჩატარდა რიგგარეშე სხდომა, სადაც უმრავლესობამ მოიწონა საქართველოს რეგიონული განვითარების სამთავრობო კომისიის წერილი, თემის და ქალაქის გაერთიანების შესახებ. ამ გადაწყვეტილებას სხდომაზე მყოფი არასამთავრობო ორგანიზაციების მხრიდან სტვენა და უკმაყოფილება მოჰყვა. მანმადე მათ ამ საკითხზე გამოხატეს საკუთარი მოსაზრებები და გააკრიტიკეს ადგილობრივი ხელისუფლება, რომ გადაწყვეტილების მიღებისას არ გაითვალისწინეს მოსახლეობის აზრი. საპასუხოდ მაიზერ ნანავამ სხდომაზეც და მოგვიანებით ჟურნალისტებთან საუბარში აღნიშნა, რომ თავად შეხვდა რამდენიმე ადმინისტრაციულ ერთეულში მოსახლეობას, რომელთა 80% ამ წინადადებას მხარს უჭერს. თავისმხრივ არასამთავრობო ორგანიზაციების წარმომადგენლებმა მისი სიტყვების დასადასტურებლად მოითხოვეს გამართული საჯარო შეხვედრების შესახებ ოქმი რაც სხდომაზე არავის წარმოუდგენია.

საბოლოო ჯამში რეგიონული განვითარების სამთავრობო კომისიის წინადადებას თემის და ქალაქის გაერთიანების თაობაზე მხარი დაუჭირა 24-მა დეპუტატმა სამის წინააღმდეგ. კენჭისყრაში მონაწილეობა არ მიუღია „ერთიანი ნაციონალური მოძრაობის“ წევრებს. „ევროპული საქართველოდან“ ორმა წარმომადგენელმა და „რესპუბლიკური პარტიის“ ყოფილმა წევრმა ლაშა თოდუამ ხმა წინააღმდეგ მისცეს.
| Print |  E-mail
FaceBook Twitter Google
სხვა მასალები ამ კატეგორიიდან
სამეგრელო-ზემო სვანეთის პოლიციის დეპარტამენტის
19:39 / 23.07.2017
სამეგრელო-ზემო სვანეთის პოლიციის დეპარტამენტის
ძლიერმა წვიმამ ზუგდიდის მუნიციპალიტეტის სოფლებში,
19:24 / 23.07.2017
ძლიერმა წვიმამ ზუგდიდის მუნიციპალიტეტის სოფლებში,
ზუგდიდის მუნიციპალიტეტის გამგეობის სამხედრო აღრიცხვისა და გაწვევის
სამსახურმა ექვსი
12:02 / 22.07.2017
ზუგდიდის მუნიციპალიტეტის გამგეობის სამხედრო აღრიცხვისა და გაწვევის სამსახურმა ექვსი
აფხაზეთის დე ფაქტო რესპუბლიკის უსაფრთხოების სამსახურმა სოხუმში
10:36 / 22.07.2017
აფხაზეთის დე ფაქტო რესპუბლიკის უსაფრთხოების სამსახურმა სოხუმში
რედაქტორის რჩევით
ქალაქ ზუგდიდის მე-13 საბავშვო ბაღში ძიძამ ერთ-ერთ
პატარა ბიჭი საქანელაზე ქანაობს და ღიღინებს.
არჩევნებიდან დღემდე, ექვსი თვის განმავლობაში, პარლამენტში საკანონმდებლო
ქალაქ გალის მილიციაში დაძაბულ ფონზე მიმდნარეობს ბინადრობის
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.