ბიბლიოთეკის დირექტორი საკრებულოს წევრს ცრუ ინფორმაციის გავრცელებაში ადანაშაულებს [ფოტო]
ზუგდიდის მუნიციპალიტეტის აკაკი წერეთლის სახელობის
ბიბლიოთეკის დირექტორი მადონა მაქაცარია პოლიტიკური პარტია „ევროპული
საქართველოს“ წევრის, ბათლომე შელიას განცხადებას პასუხობს, რომელიც
მან „რუსთავი 2-ის“ გადაცემა „არჩევანში“ გააკეთა.
ქალაქის საკრებულოს ოპოზიციონერმა დეპუტატმა ბათლომე შელიამ გადაცემაში მიწვეულ თემის საკრებულოს თავმჯდომარე მაიზერ ნანავას მიმართა და შეახსენა წლების წინ, „ორ ოთახში, წიგნების გარეშე“ გახსნილი ბიბლიოთეკა:
„რატომ არ გახსოვთ ეს? იმიტომ, რომ დაგესაქმებინათ თქვენი სიის მეშვიდე ნომერი, ბიბლიოთეკა წიგნის გარეშე გახსენით. ყველაფერს, რომ თავი დავანებოთ, ბიბლიოთეკა დააფუძნეს, წიგნი რომ არ ჰქონდათ ისე. შეიხედეთ მერიაში - ოთახებში ადგილები არ ჰყოფნით თანამშრომლებს. შეამცირეთ ესენი და მიიღებთ ოპტიმიზირებულ ბიუჯეტს“.
მის ამ განცხადებას მადონა მაქაცარია ფეისბუკზე ყოფილი ხელისუფლების დროს გაუქმებული ბიბლიოთეკებიდან გამოტანილი წიგნების ფოტო-არქივით და პოსტით გამოეხმაურა.
„ბათლომე შელია პირდაპირ შეეხო ჩემს პიროვნებას, ვითომ მე, რიგით მეშვიდე ადამიანი, რომელიც სიით უნდა გავსულიყავი და ვერ გავედი, დაუსაქმებელი დაასაქმეს და შეყარეს ერთი წიგნის გარეშე ორ ცარიელ ოთახში და გაიხსნა ბიბლიოთეკა. ჩვენი აიპი არ დაფუძნებულა დაუსაქმებელი ხალხის დასასაქმებლად. გაყოფის დროს ჩვენთან გადმოყვანილ იქნა 17 სათემო ბიბლიოთეკის ბიბლიოთეკარი და ხუთი ბიბლიოთეკაში დარგობრივი სპეციალისტი. გახსნის მომენტისათვის თემში წიგნადი ფონდის რაოდენობა იყო 126000-ზე მეტი“, - ამბობს მადონა მაქაცარია.
მან „ლაივპრესთან“ საუბარში განმარტა, რომ თავის დროზე უმუშევარი არ ყოფილა და მესამე საჯარო სკოლაში ხარისხის მართვის მენეჯერის პოზიციაზე იყო. მერე შემოთავაზება მიიღო ბიბლიოთეკის ხელმძღვანელის პოსტზე, რასაც დათანხმდა.
მადონა მაქაცარიას თქმით, მათთან შტატები „გაბერილი“ არ არის, და რომ ყველას საკუთარი სამუშაო გეგმა და მოვალეობები აქვს. მისივე განმარტებით, არ არიან „თითიდან გამოწოვილი“ ბიბლიოთეკის წარმომადგენლები, და ბიბლიოთეკაც მხოლოდ ბიბლიოთეკისთვის არ ფუნქციონირებს, არამედ მუშაობენ ახალგაზრდებისთვის და წიგნიერებისთვის.
მადონა მაქაცარიამ „ლაივპრესთან“ საუბარში გაიხსენა 2006 წელს დახურული ბიბლიოთეკებიც:
„მაშინდელი არქივებიდან ეს ფოტოსურათები არის მიზერული, რომელიც ჩვენ გვაქვს. ვარგისი რომელიცაა, მოგვაქვს. ფიზიკურად ვმუშაობთ, რომ ფონდი შევაგროვოთ და არ განიავდეს. მობრძანდით და ნახავთ, წიგნების ხელახალ რეგისტრაციას ვაკეთებთ. ვაგროვებთ უვარგისს, დამატლიანებულს, დაჭუპრებულს, ვაბარებთ მაკულატურაში და ახალ წიგნებს ვითხოვთ. ამაზე გაგვცენ პასუხი. თბილისიდან კი არ უნდა ეთქვა, მოსულიყო და ენახა ადგილზე ბატონ ბათლომე შელიას“.
საკრებულოს წევრის ბათლომე შელიას თქმით, მან არ იცის რატომ მოხდა თავის დროზე ბიბლიოთეკების დახურვა, თუმცა აღნიშნავს, რომ თუ ისეთ წიგნსაცავებზეა საუბარი, რომელთა ფუნქციონირება არ ღირდა, ლოგიკური გადაწყვეტილებაა. დეპუტატისვე განმარტებით, თუ სოფლებისთვის მნიშვნელოვანი ბიბლიოთეკები დახურეს, მაშინ ეს არასწორი ქმედებაა.
„ხომ არსებობდა ცენტრალური ბიბლიოთეკა, რომელიც კურირებდა ამ ბიბლიოთეკებს სოფლებში. თუ სადმე დაიხურა და იქ რამე წიგნი დარჩა, ბუნებრივია ცენტრალურ ბიბლიოთეკას უნდა ეზრუნა, რომ ისინი განეთავსებინა საკუთარ ტერიტორიაზე. იმისთვის, რომ დახურული ბიბლიოთეკებიდან წიგნები წამოეღოთ და აიპი შეექმნათ, არასწორია და არამართებული ხარჯვის კლასიკური ნიმუში“, - უთხრა ბათლომე შელიამ „ლაივპრესს“.
მისი განმარტებით, შესაძლებელი იყო დასუფთავების სამსახურის მსგავსად, ქალაქს და თემს ერთი ბიბლიოთეკა მომსახურებოდა, თუმცა მიიჩნევს, რომ სწორედ იმიტომ - მადონა მაქაცარია და თანამშრომლები იყვნენ დასასაქმებლები „ქართული ოცნების“ აქტივისტობისთვის, ბიბლიოთეკა პრაქტიკულად ცარიელ, ნაქირავებ ოთახებში დააფუძნეს.
„სოფლებიდან რომ მოიტანეს წიგნები და ჩაალაგეს კარადაში, ეს არ ამართლებს მათ ამ ნაბიჯს“, - გვითხრა ბათლომე შელიამ.
ქალაქ ზუგდიდის მუნიციპალიტეტის ბიბლიოთეკის დირექტორი მანანა გვარამია ამბობს, რომ 2006 წელს ცენტრალურის გარდა, ბიბლიოთეკები ყველა სოფელში დაიხურა.
„არცერთი სოფლის გამგებელი წიგნს არ იძლეოდა აქეთ. ნაწილი შემოვიტანეთ, მაგრამ ნაწილი, სადაც შეიძლებოდა მომავალში გახსნილიყო ბიბლიოთეკა, იქვე ადგილზე იქნა შენახული. მე 2007 წელს დავინიშნე და 2008 წელს უკვე დავიწყეთ აღდგენა, როგორც ბიუჯეტი გვაძლევდა შესაძლებლობას, იმის მიხედვით. ჯერ ექვსი აღვადგინეთ, მერე ხუთი. ერთი იყო ქალაქში და სოფლებში სულ 16 ბიბლიოთეკა“, - უთხრა მანანა გვარამიამ „ლაივპრესს“.
ამბობს, რომ ჩაკეტილ სივრცეში წიგნების შენახვა არ არის იოლი, თუმცა მას ადგილებზე უფრთხილდებოდნენ.
თავის მხრივ, მადონა მაქაცარია ამბობს, რომ ბიბლიოთეკის განვითარებას განაგრძობენ. ხდება მათი აღჭურვა ახალი წიგნებით და თანამედროვე კომპიუტერული ტექნოლოგიებით. კიდევ სამს უახლოეს მომავალში პრეზიდენტის ფონდიდან ტექნიკას გადასცემენ.
ამას გარდა, 25 მაისს ანაკლიაში ახალი ბიბლიოთეკაც გაიხსნება.
ქალაქის საკრებულოს ოპოზიციონერმა დეპუტატმა ბათლომე შელიამ გადაცემაში მიწვეულ თემის საკრებულოს თავმჯდომარე მაიზერ ნანავას მიმართა და შეახსენა წლების წინ, „ორ ოთახში, წიგნების გარეშე“ გახსნილი ბიბლიოთეკა:
„რატომ არ გახსოვთ ეს? იმიტომ, რომ დაგესაქმებინათ თქვენი სიის მეშვიდე ნომერი, ბიბლიოთეკა წიგნის გარეშე გახსენით. ყველაფერს, რომ თავი დავანებოთ, ბიბლიოთეკა დააფუძნეს, წიგნი რომ არ ჰქონდათ ისე. შეიხედეთ მერიაში - ოთახებში ადგილები არ ჰყოფნით თანამშრომლებს. შეამცირეთ ესენი და მიიღებთ ოპტიმიზირებულ ბიუჯეტს“.
მის ამ განცხადებას მადონა მაქაცარია ფეისბუკზე ყოფილი ხელისუფლების დროს გაუქმებული ბიბლიოთეკებიდან გამოტანილი წიგნების ფოტო-არქივით და პოსტით გამოეხმაურა.
„ბათლომე შელია პირდაპირ შეეხო ჩემს პიროვნებას, ვითომ მე, რიგით მეშვიდე ადამიანი, რომელიც სიით უნდა გავსულიყავი და ვერ გავედი, დაუსაქმებელი დაასაქმეს და შეყარეს ერთი წიგნის გარეშე ორ ცარიელ ოთახში და გაიხსნა ბიბლიოთეკა. ჩვენი აიპი არ დაფუძნებულა დაუსაქმებელი ხალხის დასასაქმებლად. გაყოფის დროს ჩვენთან გადმოყვანილ იქნა 17 სათემო ბიბლიოთეკის ბიბლიოთეკარი და ხუთი ბიბლიოთეკაში დარგობრივი სპეციალისტი. გახსნის მომენტისათვის თემში წიგნადი ფონდის რაოდენობა იყო 126000-ზე მეტი“, - ამბობს მადონა მაქაცარია.
მან „ლაივპრესთან“ საუბარში განმარტა, რომ თავის დროზე უმუშევარი არ ყოფილა და მესამე საჯარო სკოლაში ხარისხის მართვის მენეჯერის პოზიციაზე იყო. მერე შემოთავაზება მიიღო ბიბლიოთეკის ხელმძღვანელის პოსტზე, რასაც დათანხმდა.
მადონა მაქაცარიას თქმით, მათთან შტატები „გაბერილი“ არ არის, და რომ ყველას საკუთარი სამუშაო გეგმა და მოვალეობები აქვს. მისივე განმარტებით, არ არიან „თითიდან გამოწოვილი“ ბიბლიოთეკის წარმომადგენლები, და ბიბლიოთეკაც მხოლოდ ბიბლიოთეკისთვის არ ფუნქციონირებს, არამედ მუშაობენ ახალგაზრდებისთვის და წიგნიერებისთვის.
მადონა მაქაცარიამ „ლაივპრესთან“ საუბარში გაიხსენა 2006 წელს დახურული ბიბლიოთეკებიც:
„მაშინდელი არქივებიდან ეს ფოტოსურათები არის მიზერული, რომელიც ჩვენ გვაქვს. ვარგისი რომელიცაა, მოგვაქვს. ფიზიკურად ვმუშაობთ, რომ ფონდი შევაგროვოთ და არ განიავდეს. მობრძანდით და ნახავთ, წიგნების ხელახალ რეგისტრაციას ვაკეთებთ. ვაგროვებთ უვარგისს, დამატლიანებულს, დაჭუპრებულს, ვაბარებთ მაკულატურაში და ახალ წიგნებს ვითხოვთ. ამაზე გაგვცენ პასუხი. თბილისიდან კი არ უნდა ეთქვა, მოსულიყო და ენახა ადგილზე ბატონ ბათლომე შელიას“.
საკრებულოს წევრის ბათლომე შელიას თქმით, მან არ იცის რატომ მოხდა თავის დროზე ბიბლიოთეკების დახურვა, თუმცა აღნიშნავს, რომ თუ ისეთ წიგნსაცავებზეა საუბარი, რომელთა ფუნქციონირება არ ღირდა, ლოგიკური გადაწყვეტილებაა. დეპუტატისვე განმარტებით, თუ სოფლებისთვის მნიშვნელოვანი ბიბლიოთეკები დახურეს, მაშინ ეს არასწორი ქმედებაა.
„ხომ არსებობდა ცენტრალური ბიბლიოთეკა, რომელიც კურირებდა ამ ბიბლიოთეკებს სოფლებში. თუ სადმე დაიხურა და იქ რამე წიგნი დარჩა, ბუნებრივია ცენტრალურ ბიბლიოთეკას უნდა ეზრუნა, რომ ისინი განეთავსებინა საკუთარ ტერიტორიაზე. იმისთვის, რომ დახურული ბიბლიოთეკებიდან წიგნები წამოეღოთ და აიპი შეექმნათ, არასწორია და არამართებული ხარჯვის კლასიკური ნიმუში“, - უთხრა ბათლომე შელიამ „ლაივპრესს“.
მისი განმარტებით, შესაძლებელი იყო დასუფთავების სამსახურის მსგავსად, ქალაქს და თემს ერთი ბიბლიოთეკა მომსახურებოდა, თუმცა მიიჩნევს, რომ სწორედ იმიტომ - მადონა მაქაცარია და თანამშრომლები იყვნენ დასასაქმებლები „ქართული ოცნების“ აქტივისტობისთვის, ბიბლიოთეკა პრაქტიკულად ცარიელ, ნაქირავებ ოთახებში დააფუძნეს.
„სოფლებიდან რომ მოიტანეს წიგნები და ჩაალაგეს კარადაში, ეს არ ამართლებს მათ ამ ნაბიჯს“, - გვითხრა ბათლომე შელიამ.
ქალაქ ზუგდიდის მუნიციპალიტეტის ბიბლიოთეკის დირექტორი მანანა გვარამია ამბობს, რომ 2006 წელს ცენტრალურის გარდა, ბიბლიოთეკები ყველა სოფელში დაიხურა.
„არცერთი სოფლის გამგებელი წიგნს არ იძლეოდა აქეთ. ნაწილი შემოვიტანეთ, მაგრამ ნაწილი, სადაც შეიძლებოდა მომავალში გახსნილიყო ბიბლიოთეკა, იქვე ადგილზე იქნა შენახული. მე 2007 წელს დავინიშნე და 2008 წელს უკვე დავიწყეთ აღდგენა, როგორც ბიუჯეტი გვაძლევდა შესაძლებლობას, იმის მიხედვით. ჯერ ექვსი აღვადგინეთ, მერე ხუთი. ერთი იყო ქალაქში და სოფლებში სულ 16 ბიბლიოთეკა“, - უთხრა მანანა გვარამიამ „ლაივპრესს“.
ამბობს, რომ ჩაკეტილ სივრცეში წიგნების შენახვა არ არის იოლი, თუმცა მას ადგილებზე უფრთხილდებოდნენ.
თავის მხრივ, მადონა მაქაცარია ამბობს, რომ ბიბლიოთეკის განვითარებას განაგრძობენ. ხდება მათი აღჭურვა ახალი წიგნებით და თანამედროვე კომპიუტერული ტექნოლოგიებით. კიდევ სამს უახლოეს მომავალში პრეზიდენტის ფონდიდან ტექნიკას გადასცემენ.
ამას გარდა, 25 მაისს ანაკლიაში ახალი ბიბლიოთეკაც გაიხსნება.