ზუგდიდში საგზაო ნიშნების დამონტაჟებაზე თანხმობა საკრებულომ მერიას ორი ქუჩის გამოკლებით მისცა
ზუგდიდის ქუჩებში დამატებით 25 საგზაო ნიშანი, მათ შორის ოთხი
სიჩქარის
შემზღუდავი ბორცვი დამონტაჟდება. ეს გადაწყვეტილება ქალაქის
საკრებულოს დღევანდელ სხდომაზე მიიღეს. მერია ნებართვას 27 ნიშანზე
ითხოვდა, თუმცა დეპუტატებმა ორ ქუჩაზე - თაბუკაშვილი-სტალინის და
თაბუკაშვილი-გამსახურდიას ქუჩების გადაკვეთაზე „გაჩერება აკრძალულია“
ნიშნის დამონტაჟების საკითხი ამოიღეს დღის წესრიგიდან. მათ მიიჩნიეს,
რომ ამ მონაკვეთებში მოძრაობა ისედაც ინტენსიურია და ავტომანქანების
დასაყენებული ადგილი არც არის. მით უფრო, ახლოს შუქნიშანი და ე.წ.
ზებრა გადასასვლელია, ამიტომ ამის საჭიროება ვერ დაინახეს.
საკრებულოს სხდომას ესწრებოდა ტრანსპორტის განყოფილების უფროსი დავით ხუბუა. მისი განმარტებით, აღნიშნული ქუჩები ვიწროა, ამიტომ გადაწყვეტილების მიღებით მისი განტვირთვა მოხდებოდა. ეს მოსაზრება არ გაიზიარა დეპუტატების ნაწილმა.
საკრებულოს თავმჯდომარის მოადგილე თაზო ფაცაციამ აღნიშნა, რომ თაბუკაშვილი-სტალინის მონაკვეთი მის უბანში შედის და როცა აქ წყლის სისტემის მოწყობის საჭიროებიდან გამომდინარე ტერიტორიის გადათხრა მოხდა, მაშინ იყო მცირე საცობები, ავტომანქანებსაც მძღოლები დროებით აყენებდნენ. თუმცა, ფიქრობს, რომ დღეს საგზაო ნიშნის დამონტაჟება საჭირო არ არის. ამის მიუხედავად, წინადადებას ხმა მაინც მისცა.
სიჩქარის შემზღუდავი ბორცვების დამონტაჟებაზე მსჯელობისას, ეკონომიკის და ურბანული განვითარების კომისიის თავმჯდომარე თენგიზ ქოჩუამ აღნიშნა, რომ ის არ ეთანხმება მასიურად ქალაქში მათ დამონტაჟებას, როცა ამას საჭიროება არ მოითხოვს, არ არის ახლოს სკოლა, ან საბავშვო ბაღი. მისი განმარტებით, მძღოლებისთვის ეს დისკომფორტს ქმნის და თანხების დაზოგვაც მოხდება. მიუხედავად ამისა, წინადადებას ხმა მანაც მისცა.
„მე ბორცვების მასიურად განთავსების წინააღმდეგი ვარ, მაგრამ ერთ საკითხად გადიოდა, თან ეს საგზაო ნიშნები აუცილებელი იყო. ცალკე კენჭისყრა არ იყო. საერთო ჯამში დოკუმენტს ხმა მივეცი“, - განუმარტა მან „ლაივპრესს“. XGeneve
რაც შეეხება ორი ქუჩის ამოღებას ჩამონათვალიდან, თენგიზ ქოჩუას თქმით, თუკი აუცილებლობა იქნება, საკითხზე მუშაობა მომავალში გაგრძელდება.
საკითხი ხმათა უმრავლესობით მიიღეს. მას მხარი არ დაუჭირა ფრაქცია „ზუგდიდის მომავლისთვის“ წევრმა ლაშა ფარცვანიამ, ასევე ფრაქცია „ერთიანმა ნაციონალურმა მოძრაობამ“.
საკრებულოს სხდომას ესწრებოდა ტრანსპორტის განყოფილების უფროსი დავით ხუბუა. მისი განმარტებით, აღნიშნული ქუჩები ვიწროა, ამიტომ გადაწყვეტილების მიღებით მისი განტვირთვა მოხდებოდა. ეს მოსაზრება არ გაიზიარა დეპუტატების ნაწილმა.
საკრებულოს თავმჯდომარის მოადგილე თაზო ფაცაციამ აღნიშნა, რომ თაბუკაშვილი-სტალინის მონაკვეთი მის უბანში შედის და როცა აქ წყლის სისტემის მოწყობის საჭიროებიდან გამომდინარე ტერიტორიის გადათხრა მოხდა, მაშინ იყო მცირე საცობები, ავტომანქანებსაც მძღოლები დროებით აყენებდნენ. თუმცა, ფიქრობს, რომ დღეს საგზაო ნიშნის დამონტაჟება საჭირო არ არის. ამის მიუხედავად, წინადადებას ხმა მაინც მისცა.
სიჩქარის შემზღუდავი ბორცვების დამონტაჟებაზე მსჯელობისას, ეკონომიკის და ურბანული განვითარების კომისიის თავმჯდომარე თენგიზ ქოჩუამ აღნიშნა, რომ ის არ ეთანხმება მასიურად ქალაქში მათ დამონტაჟებას, როცა ამას საჭიროება არ მოითხოვს, არ არის ახლოს სკოლა, ან საბავშვო ბაღი. მისი განმარტებით, მძღოლებისთვის ეს დისკომფორტს ქმნის და თანხების დაზოგვაც მოხდება. მიუხედავად ამისა, წინადადებას ხმა მანაც მისცა.
„მე ბორცვების მასიურად განთავსების წინააღმდეგი ვარ, მაგრამ ერთ საკითხად გადიოდა, თან ეს საგზაო ნიშნები აუცილებელი იყო. ცალკე კენჭისყრა არ იყო. საერთო ჯამში დოკუმენტს ხმა მივეცი“, - განუმარტა მან „ლაივპრესს“. XGeneve
რაც შეეხება ორი ქუჩის ამოღებას ჩამონათვალიდან, თენგიზ ქოჩუას თქმით, თუკი აუცილებლობა იქნება, საკითხზე მუშაობა მომავალში გაგრძელდება.
საკითხი ხმათა უმრავლესობით მიიღეს. მას მხარი არ დაუჭირა ფრაქცია „ზუგდიდის მომავლისთვის“ წევრმა ლაშა ფარცვანიამ, ასევე ფრაქცია „ერთიანმა ნაციონალურმა მოძრაობამ“.