ახალი ამბები
ორი აქცია აგვისტოს ომის წლისთავზე ენგურის ხიდზე [ვიდეო]
FaceBook Twitter
E-mail Print
განსაკუთრებული ხალხთმრავლობა იყო დღეს ენგურის ხიდზე სადაც აგვისტოს ომის 9 წლისთავთან დაკავშირებით ორი სიმბოლური აქცია გაიმართა.

ერთი, გაზეთ „ქრონიკა +“- ის და ორგანიზაცია „ემიგრანტები ახალი საქართველოსთვის“ ინიციატვით გამართული აქცია ცოცხალი ჯაჭვით დასრულდა სადაც მონაწილეობა მოქალაქეებთან ერთად მიიღეს ოპოზიციურმა პარტიებმა, „ერთიანმა ნაციონალურმა მოძრაობამ“ და „ევროპულმა საქართველომ“.

სიტყვით გამომსვლელთა შორის იყვნენ ჟურნალისტები ლაშა ბერულავა და ელისო კილაძე. მათი თქმით, ცოცხალი ჯაჭვი არის სიმბოლო საქართველოს ერთიანობისა და სიმბოლო იმისა, რომ ქვეყანა არ შეეგუება ოკუპაციას.

ელისო კილაძის თქმით, მათ დღეს როგორც ჟურნალიტებმა კალმები გადადეს და გამოვიდნენ ქუჩაში, რაც საქართველოს მიმართ რუსეთის „მცოცავმა ოკუპაციამ“ და ამ მიმართულებით ხელისუფლების „უსუსურმა პოლიტიკამ“ გადააწყვეტინათ.

აქციის მონაწილეები ენგურის ხიდთან მივიდნენ შემდეგი შინაარსის ტრანსფარანტებით: „რუსი ოკუპანტები 800 მეტრში არიან“, აფხაზეთი საქართველოა“, გაისად სოხუმში“, „არა მტერთან თანამშრომლობას“, „არა ოკუპაციას“ და „გალი-თანამედროვე რუსული გულაგი“.

აქციის ორგანიზატორებმა დღესვე გააჟღერეს, რომ დააფუძნეს სამოქალაქო მოძრაობა, რომლის ძირითადი ამოცანა იქნება საქართველოს სრული დეოკუპაციისთვის ბრძოლა.

აქციის დასასრულს აფხაზებისა და ქართველების მეგობრობის, ასევე მშვიდობის ნიშნად ცაში რამდენიმე მტრედი ააფრინეს.

ამ ღონისძიებამდე ერთი საათით ადრე ასევე ენგურის ხიდთან აგვისტოს ომი „ევროპულმა საქართველომ“ გაიხსენა გამოფენა-აქციით. საოკუპაციო ხაზთან პარტიის ლიდერები და საპარლამენტო უმცირესობის წევრები დავით ბაქრაძე, თენგიზ გუნავა, ლელა ქებურია და ლაშა დამენია ზუგდიდის ორგანიზაციის წევრებთან და მხარდამჭერებთან ერთად იმყოფებოდნენ.

დავით ბაქრაძის განცხადებით, მიუხედავად იმისა, რომ ასეთი აქციების შემდეგ დიდი ცვლილებების მოლოდინი არ აქვს, ის მნიშნელოვანია თუნდაც იმისთვის, რომ მთელმა მსოფლიომ დაინახოს, რომ რუსეთი ოკუპანტია და რომ საქართველო არ შეეგუება მისი ტერიტოიების ოკუპაციას.

„ევროპულმა საქართველომ“ ენგურის ხიდთან გამოფინა ფოტო და დოკუმენტური მასალა, რომელიც ასახავდა რუსეთის მიერ საქართველოს ოკუპაციის ისტორიას დაწყებული 1801 წლიდან, დამთავრებული 2008 წლის აგვისტოს ომით.

ე.წ. აგვისტოს ომიდან 9 წელი გავიდა. ის 2008 წლის 7 აგვისტოს დაიწყო, როდესაც ქართული სოფლების მიმართულებით ცხინვალის მხრიდან ჭურვები ისროლეს. აქტიური საბრძოლო მოქმედებები კი 8 აგვისტოდან დაიწყო. ქვეყნის ტერიტორიაზე, როკის გვირაბის გავლით, ფსოუს საზღვრიდან 15 ათასამდე რუსი სამხედრო შემოვიდა.

აქტიური საბრძოლო მოქმედებების შეწყვეტა მხოლოდ საფრანგეთის მაშინდელ პრეზიდენტ, ნიკოლა სარკოზის ჩარევის შედეგად მოხერხდა. 2008 წლის 12 აგვისტოს ცეცხლის შეწყვეტის შესახებ 6-პუნქტიანი გეგმა ჯერ მოსკოვში, შემდეგ კი თბილისში შეთანხმდა.

Print E-mail
Twitter
სხვა მასალები
სენაკის რაიონულმა სასამართლომ გააუქმა სენაკის მუნიციპალიტეტის
საკრებულოს
15:33 / 18.08.2022
სენაკის რაიონულმა სასამართლომ გააუქმა სენაკის მუნიციპალიტეტის საკრებულოს
უკრაინაში, ხერსონის ოლქში მიმდინარე საბრძოლო მოქმედებების დროს,
კიდევ ერთი ქართველი,
11:49 / 18.08.2022
უკრაინაში, ხერსონის ოლქში მიმდინარე საბრძოლო მოქმედებების დროს, კიდევ ერთი ქართველი,
გარემოს დაცვისა და სოფლის მეურნეობის მინისტრ ოთარ შამუგიას
განცხადებით,
11:04 / 18.08.2022
გარემოს დაცვისა და სოფლის მეურნეობის მინისტრ ოთარ შამუგიას განცხადებით,
6 წლის ბავშვი, რომელსაც მაშველები 2 დღის განმავლობაში ეძებდნენ,
10:14 / 18.08.2022
6 წლის ბავშვი, რომელსაც მაშველები 2 დღის განმავლობაში ეძებდნენ,
კორონავირუსი

საბჭოთა რეპრესიები

ვიდეო
განახლებული ზუგდიდის ბოტანიკური ბაღი ძველი პრობლემებით [ვიდეო]
ზუგდიდში, ეკატერინე ჭავჭავაძის მიერ გაშენებული ბოტანიკური ბაღი, რომლის რეკონსტრუქციაც 2019 წლის ბოლოს დასრულდა,
ქალები აფხაზეთიდან - ხელსაქმით შეცვლილი ცხოვრება [ვიდეო]
წალენჯიხის სოფელ წყოუშში, ერთი პატარა სახლის ნაქირავებ ოთახში, აფხაზეთიდან
180-მდე ადამიანი არ შემოვუშვით, მათში ალბათ „დოჟდის“ ჟურნალისტიც მოჰყვა - შს მინისტრი
შინაგან საქმეთა მინისტრი უარყოფს ინფორმაციას, რომ უპრეცედენტოდ მოიმატა საქართველოში რუსეთის
ქალთა გაძლიერებისთვის მებრძოლი ფერმერი სოფელ კახათიდან [ვიდეო]
დილაადრიან, როცა ჯერ კიდევ ბნელა და მხოლოდ მამლების
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.