ახალი ამბები
რუსეთის სამხედროებმა ხურჩაში მონიშნულ ნაკვეთზე მავთულხლართები გააბეს
გალის რაიონის სოფელ ნაბაკევის მოსაზღვრე ზუგდიდის სოფელ ხურჩაში რუსეთის სამხედროებმა მავთულხლართები გააბეს. საუბარია ჯერ კიდევ აპრილის თვეში მონიშნულ მიწის ნაკვეთებზე, რომლის შედეგადაც ხურჩელი ომარ მიქაუტაძის და არველოდ ნაჭყებიას 2-ჰექტრამდე სასოფლო-სამეურნეო მიწის ნაკვეთი ოკუპირებულ ტერიტორიას შეუერთდა.

გამგებლის წარმომადგენელი სოფელ ხურჩაში, ბადრი ხუნჯგურუა აცხადებს, რომ 2 თვის წინ დაწყებული პროცესი რუსეთის სამხედროებმა 10 აგვისტოს დაასრულეს.

„გუშინ მოსახლეობისგან გავიგე, რომ გააბეს ადრე მონიშნულ ფართობზე მავთულხლართები. საერთო ჯამში საუბარია 2 ჰექტამდე მიწის ნაკვეთის მითვისებაზე“, - განუცხადა ჟურნალისტებს ბადრი ხუნჯგურუამ.

„ეს პროცესი არა მარტო ზღუდავს ადგილობრივების ფუნდამენტურ უფლებებს, არამედ პირდაპირპროპორციულად აზიანებს უსაფრთხოების გარემოს ადგილზე“, - ნათქვამია საქართველოს სახელმწიფო უსაფრთხოების სამსახურის მიერ გავრცელებულ განცხადებაში. სუსი-ს ცნობთვე, აღნიშნული საკითხი განსახილველად დადგება 19 სექტემბერს ჩანიშნულ ინციდენტების პრევენციისა და მათზე რეაგირების ჯგუფის შეხვედრაზე გალში.

ზუგდიდის სოფელ ხურჩაში ადგილობრივი მცხოვრებლების 2 ჰეტრამდე მიწის ნაკვეთი რუსეთის სამხედროებმა აპრილში მიითვისეს. მათ ხურჩელ ომარ მიქაუტაძის და არველოდ ნაჭყებიას სიმინდის ყანებს ხის ბოძები შემოავლეს და შიგნით შესვლა აუკრძალეს. მაშინ არველოდ ნაჭყებიამ „ლაივპრესს“ უთხრა, რომ 25 წელია აღნიშნულ მიწის ნაკვეთს ამუშავებდა. ომარ მიქაუტაძემ კი 1 ჰეტრამდე მიწის ნაკვეთი ადგილობრივი მცხოვრებისგან ხუთი წლის წინ შეიძინა. მომხდართან დაკავშირებით მაშინ განცხადება გააკეთა სახელმწიფო უსაფრთოების სამსახურმა. სუსში განმარტავდნენ, რომ ოკუპირებული ნაბაკევის მოსაზღვრე ზუგდიდის სოფელ ხურჩაში საოკუპაციო ხაზის გადმოწევა არ მომხდარა და ადგილი აქვს ბორდერიზაციის პროცესის გაგრძელებას.
| Print |  E-mail
FaceBook Twitter Google
სხვა მასალები ამ კატეგორიიდან
აფხაზეთის დე ფაქტო მთავრობა ენგურთან ადმინისტრაციულ საზღვართან
საბაჟო სამსახურის მოწყობას
18:04 / 14.12.2017
აფხაზეთის დე ფაქტო მთავრობა ენგურთან ადმინისტრაციულ საზღვართან საბაჟო სამსახურის მოწყობას
„კავკასიის კვლევითი რესურსების ცენტრმა“ გამოაქვეყნა კვლევა, რომელიც
17:56 / 14.12.2017
„კავკასიის კვლევითი რესურსების ცენტრმა“ გამოაქვეყნა კვლევა, რომელიც
მოკრივე ლევან შონიამ შესაძლოა 21 დეკემბერს მოსკოვში დაგეგმილ
პროფესიული
16:50 / 14.12.2017
მოკრივე ლევან შონიამ შესაძლოა 21 დეკემბერს მოსკოვში დაგეგმილ პროფესიული
რედაქტორის რჩევით
მიუხედავად იმისა, რომ თბილისში გამართულ დაჯილდოებაზე „დავასუფთავოთ საქართველო“
მარტვილში ახალგაზრდა მეღვინე ქალი გადაშენების
ძნელია მოძალადე ქმრისგან წამოსვლა, როცა არ იცი შემდეგ როგორ იარსებო.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.