ახალი ამბები
გამგებლის მოადგილე ზუგდიდის აქციაზე: კომპენსაციის საკითხი არ დგას, საუბარია სახელმწიფო პროგრამების გაძლიერებაზე [ფოტო]
FaceBook Twitter
E-mail Print
აზიური ფაროსანასგან დაზარალებული ზუგდიდის დაბალი ზონის სოფლების მოსახლეობის დილიდან მიმდინარე საპროტესტო აქცია დასრულდა. ერთ-ერთმა მონაწილემ გელა შედანიამ „ლაივპრესს“ უთხრა, რომ ისინი მოიცდიან კიდევ ორი დღე და დაელოდებიან საქართველოს ცენტრალური ხელისუფლებისგან კონკრეტულ პასუხს მოთხოვნებზე, რისი პირობაც მათ გუბერნატორის მოადგილისგან მიიღეს.

დაპირისპირება, ცენტრალური ქუჩის გადაკეტვის მცდელობა, მავნებელი მწერისგან გაფუჭებული თხილის და ხილ-ბოსტნეულის დემოსტრაციულად დაყრა ადმინისტრაციასთან - ასე ვითარდებოდა დილიდან მოვლენები.

აქციის მონაწილეებთან შეხვედრის დასრულების შემდეგ, გამგებლის მოადგილე მამუკა წოწერიამ ჟურნალისტებს განუცხადა, რომ ფულადი კომპენსაციის გაცემის საკითხი დღის წესრიგში არ დგას, თუმცა სახელმწიფო სხვა კუთხით ჰპირდება სოფლის მოსახლოებას მხარდაჭერას. კერძოდ, მათ მიაწოდეს ინფორმაცია, თუ რა იგეგმება როგორც აზიურ ფაროსანასთან, ასევე აღმოჩენილ 17 სოკოვან დაავადებასთან ბრძოლის თვალსაზრისით.

„სახელმწიფო აპირებს იმ პროგრამების გაძლიერებას, იქნება ეს ჯანდაცვის თუ სოციალური პროგრამები, რომლებიც ირიბად მოახდენს გავლენას სოციალური ფონის გაუმჯობესებაზე. ასევე დაგეგმილია სტრატეგია, რომელიც ითვალისწინებს კომპლექსური ღონისძიებების გატარებას, რა თქმა უნდა ჩვენი მოსახლეობის აქტიური ჩართულობით. ასევე მივაწოდეთ ინფორმაცია, რომ უახლოეს დღეებში ზუგდიდის მუნიციპალიტეტის ყველა კომლს და ოჯახს დაურიგდება გარკვეული რაოდენობის შესაწამლი პრეპარატი. ეკიპირებაც, რაც უზრუნველყოფს შეწამვლის სამუშაოების უსაფრთხოდ ჩატარებას“, - განმარტა მამუკა წოწერიამ.

მისივე თქმით, პარარელურად აგრძელებს ტექნიკა დაზიანებული ფართობების დამუშავებას. რაც შეეხება სოკოვან დაავადებებს, რომელზეც როგორც გამგებლის მოადგილემ აღნიშნა, მოდის თხილის და სხვა მოსავლის განადგურებული მოსავლის დიდი წილი, მოსახლეობას ურიგდება საინფორმაციო ბროშურები. ამ ბროშურებში დატანილია ცნობები, აგროტექნოლოგიური პროცედურების შესახებ, რაც ქიმიურ და მექანიკურ დამუშავებას მოიცავს.

რაც შეეხება მოსახლეობას, მათ გუბერნატორის მოადგილეს შემდეგი მოთხოვნები გააცნეს - პრემიერის ჩამოსვლა რეგიონში და დაზარალებულებთან შეხვედრა, კომპენსაცია, საბანკო ვალდებულებების გადავადების საკითხში შუამდგომლობა და მთელი რიგი ქმედებების გატარება, მომავალში პრევენციის მიზნით.

„ჩვენ გუბერნატორის მოადგილისგან მივიღეთ დაპირება, რომ ის გადასცემს ამ მოთხოვნას ცენტრალურ ხელისუფლებას. ორ დღეში მოსახლეობას ეცოდინება, როგორი იქნება პრემიერის პასუხი“, - განაცხადა „ერთიანი ნაციონალური მოძრაობის წევრმა ანა წითლიძემ, რომელიც დილიდან აქციის მონაწილეებთან იმყოფებოდა.

მანამდე ენმ-ის ადგილობრივი ორგანიზაციის ხელმძღვანელის მოვალეობის შემსრულებელს, მოსახლეობას და გუბერნატორის მოადგილე დავით კოდუას შორის სიტყვიერი დაპირისპირება მოხდა. კოდუამ წითლიძეს მიმართა, რომ სწორედ ის არის დღევანდელი აქციის მაპროვოცირებელი, რომ უკვე მერამდენედ იყენებს უბარლოდ ადამიანებს საკუთარი პოლიტიკური მიზნებისთვის. ამის დასტურად მან წარმოადგინა ე.წ. ბლანკი, რომელსაც „ნაციონალური მოძრაობა“ ოჯახებს სოფლებში ურიგებს, ზარალის აღწერის მიზნით. მის ამ სიტყვებს შეკრებილთა მხრიდან უკმაყოფილება მოჰყვა. ისინი რკინის ბარიკადების გარღვევასაც შეეცადნენ, თუმცა მათ ამის საშუალება მობილიზებულმა სამართალდამცველებმა არ მისცეს.

შეკრებილების თქმით, თხილის მოსავლის განადგურებამ მათი ეკონომიკური მდგომარეობა მკვეთრად გააუარესა, რომ ზოგს ბავშვი სკოლაში ამ დრომდე არ გაუშვია, ტანსაცმლის და სხვა საჭირო ნივთების უქონლობის გამო.

„შიმშილის ზღვარზე ვართ. გვიშველეთ“, - განმარტავენ აქციის მონაწილეები.

კომპენსაციის მოთხოვნით საპროტესტო შეკრება მოსახლეობამ მანამდეც არაერთხელ გამართა. ზუგდიდში რამდენიმე დღის წინ მყოფმა სოფლის მეურნეობის მინისტრმა „ლაივპრესს“ კითხვის პასუხად უთხრა, რომ სახელმწიფოს დღეს ზარალის ანაზღაურების შესაძლებლობა არ აქვს.

შეკრებილების თქმით, მათი მოთხოვნების დაუკმაყოფილებლობის შემთხვევაში განაგრძობენ საპროტესტო აქციებს, არჩევნებს ბოიკოტს გამოუცხადებენ და ხელისუფლებას სოფლებში კენჭისყრის ჩატარების შესაძლებლობას არ მისცემენ.
Print E-mail
Twitter
სხვა მასალები
ზუგდიდის ცენტრალურ ბულვარში დღეს
19:28 / 18.05.2022
ზუგდიდის ცენტრალურ ბულვარში დღეს "მთავარი არხის" მხარდამჭერი აქცია გაიმართა. შეკრებილებმა
საქართველოს პრემიერ-მინისტრი ირაკლი ღარიბაშვილი, ბრიუსელში სამუშაო
ვიზიტის ფარგლებში,
18:41 / 18.05.2022
საქართველოს პრემიერ-მინისტრი ირაკლი ღარიბაშვილი, ბრიუსელში სამუშაო ვიზიტის ფარგლებში,
საპარლამენტო უმრავლესობის წევრების მიერ ინიცირებული ცვლილებები,
რომელიც ახლებურად არეგულირებს
15:58 / 18.05.2022
საპარლამენტო უმრავლესობის წევრების მიერ ინიცირებული ცვლილებები, რომელიც ახლებურად არეგულირებს
კორონავირუსი

საბჭოთა რეპრესიები

ვიდეო
180-მდე ადამიანი არ შემოვუშვით, მათში ალბათ „დოჟდის“ ჟურნალისტიც მოჰყვა - შს მინისტრი
შინაგან საქმეთა მინისტრი უარყოფს ინფორმაციას, რომ უპრეცედენტოდ მოიმატა საქართველოში რუსეთის
ქალთა გაძლიერებისთვის მებრძოლი ფერმერი სოფელ კახათიდან [ვიდეო]
დილაადრიან, როცა ჯერ კიდევ ბნელა და მხოლოდ მამლების
„ჩემი მორდუ“ -  როგორ მუშაობს რეგიონში პირველი ხანდაზმულთა ცენტრი [ვიდეო]
თამაშში ყველაზე მეტად მე მიმართლებს და ვიგებ კიდევაც,
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.