ახალი ამბები
ზუგდიდის საბავშვო ბაღში აუტისტი ბავშვებისთვის ინტეგრირებული ჯგუფი გაიხსნა [ვიდეო/ფოტო]
PLAYER_GET_VIDEOFLASH
ქალაქ ზუგდიდის №15 სკოლამდელ სააღმზრდელო დაწესებულებაში აუტიზმის სპექტრის მქონე ბავშვებისთვის თბილისის შემდეგ პირველი სპეციალური, ინტეგრირებული ჯგუფი გაიხსნა. ჯგუფი, რომელიც ფუნქციონირებას ნომებრიდან დაიწყებს, სულ რვა ბავშვზეა გათვლილი, თუმცა ოთხი უკვე ჰყავთ. მათთან იმუშავებენ პედაგოგები, ვინც ერთკვირიანი გადამზადების კურსი გაიარა.

აღნიშნული ჯგუფი ჩეხეთის მთავრობის ფინანსური მხარდაჭერით გაიხსნა, პროექტის - „საქართველოში აუტიზმის სპექტრის დარღვევების მქონე ბავშვებისა და მოზარდებისთვის სერვისების განვითარების ხელშეწყობა" ფარგლებში.

პროექტის მენეჯერის და ჩეხეთის რესპუბლიკის კარიტასის, რუსუდან ჩხუბიანიშვილის განცხადებით, ეს არის უნიკალური მოდელი საქართველოსთვის.

„პირველი ჯგუფი თბილისში დაარსდა. მეორე ინტეგრირებული ჯგუფი ზუგდიდში გაიხსნა, ჩეხეთის განვითარების სააგენტოს ფინანსური დახმარებით და ჩეხეთის რესპუბლიკის კარიტასის ჩართულობით“, - აღნიშნა მან და დასძინა, რომ აუტიზმის სპექტრის მქონე ბავშვებს შესაძლებლობა ექნებათ გავიდნენ ამ სივრციდან და დაამყარონ კომუნიკაცია, იურთიერთობონ ამავე ბაღის სხვა აღსაზრდელებთან, რათა ინტეგრირების პროცესი ბევრად ეფექტურად წარიმართოს.

თავის მხრივ, ქალაქ ზუგდიდის მუნიციპალიტეტის სკოლამდელი სააღმზრდელო დაწესებულებათა ცენტრის ხელმძღვანელ ელისო ყალიჩავას განმარტებით, ინტეგრირებული ჯგუფი ფუნქციონირებას პირველი ნომებრიდან დაიწყებს. მისი მიზანი ბავშვების ადაპტირება იქნება ჩვეულებრივი, ტიპიური განვითარების მქონე პატარებთან.

„იყო ერთკვირიანი ტრენინგ-სემინარები. ილიას უნივერსიტეტის ფსიქოლოგები იყვნენ ჩამოსული, რომლებმაც ადგილზე აღმზრდელები და ამ ჯგუფში მომუშავე სპეც მასწავლებლები გადაამზადეს. ისინი ამ ფსიქოლოგების მიერ ჩამოტანილი პროგრამით იხელმძღვანელებენ“, - აღნიშნა მან.

აღნიშნული პროექტის განხორციელება ჩეხეთის რესპუბლიკის წარმომადგენლებმა 2015 წლის ბოოდან დაიწყეს. ის რამდენიმე კომპონენტს მოიცავს, მათ შორის ადვოკატირებას. ამ კომპონენტის ფარგლებში შეიქმნა სამუშაო ჯგუფი, რომელთა დახმარებით აუტიზმის სპექტრის მქონე პირების ადრეული გამოვლენის, დიაგნოსტიკის და მართვის პროტოკოლის შესახებ დოკუმენტი შემუშავდა. მისი დამტკიცების შემდეგ ეს იქნება ერთგვარი სახელმძღვანელო მთელი ქვეყნის მასშტაბით ყველა სპეციალისტისთვის, ვის კომპეტენციასაც მსგავს მდგომარეობაში მყოფ ბავშვებთან ურთიერთობა წარმოადგენს.

ჯგუფის გახსნას ჩეხეთის საელჩოს წარმომადგენლებთან ერთად, ქალაქის მერიის შესაბამისი სამსახურების ხელმძღვანელი პირები დაესწრნენ.
| Print |  E-mail
FaceBook Twitter Google
სხვა მასალები ამ კატეგორიიდან






ზუგდიდში ადგილობრივი თვითმმართველობის, არასამთავრობო ორგანიზაციების
18:28 / 20.04.2018
ზუგდიდში ადგილობრივი თვითმმართველობის, არასამთავრობო ორგანიზაციების






კულტურის სახლის შენობის წინა ფასადი, სადაც დროებით
ზუგდიდის თეატრალური
15:41 / 20.04.2018
კულტურის სახლის შენობის წინა ფასადი, სადაც დროებით ზუგდიდის თეატრალური






ზუგდიდის ე.წ. დაბალი ზონის რამდენიმე სოფელში ელექტროენერგია წუხელ
გათიშული იყო,
14:55 / 20.04.2018
ზუგდიდის ე.წ. დაბალი ზონის რამდენიმე სოფელში ელექტროენერგია წუხელ გათიშული იყო,






ზუგდიდში თბილისის სახელმწიფო კამერული ორკესტრი
13:12 / 20.04.2018
ზუგდიდში თბილისის სახელმწიფო კამერული ორკესტრი "საქართველოს
რედაქტორის რჩევით
ზუგდიდელი ხათუნა დარასელია 19 წლის იყო, როცა სამოქალაქო ომის დროს
სამეგრელო-ზემო სვანეთის მუნიციპალიტეტები მუშაობენ ახალ ტურისტულ
ოდესღაც სამი ათასი ებრაელიდან სენაკში დღეს მხოლოდ ერთი, სიმონ წიწუაშვილი ცხოვრობს.
ცოცხალი ისტორიები
მარიამ კოდუა - ფერმერი
ლელა ქებურია - პარლამენტარი
ემზარ კვარაცხელია - ლგბტ აქტივისტი
ლევან ღურწკაია - სკოლის დირექტორი

 

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.