ახალი ამბები
ზუგდიდის საკრებულოს თავმჯდომარედ მამუკა წოწერია აირჩიეს [ვიდეო]
PLAYER_GET_VIDEOFLASH
ქალაქ ზუგდიდის მუნიციპალიტეტის საკრებულოს თავმჯდომარედ მამუკა წოწერია ხმათა უმრავლესობით 40 - 6-ის წინააღმდეგ აირჩიეს. ეს გადაწყვეტილება სხდომაზე დეპუტატებმა რამდენიმე წუთის წინ მიიღეს.

მანამდე საკრებულოს წევრმა „ერთიანი ნაციონალური მოძრაობიდან“ ანა წითლიძემ მოსთხოვა წარდგენილ კანდიდატს, ესაუბრა ქალაქის განვითარების გეგმაზე. მამუკა წოწერიამ აღნიშნა, რომ ის ამ საკითხს თავს არ აარიდებს, და მიუხედავად იმისა, რომ წინასაარჩევნო კამპანიის ფარგლებში მისივე განმარტებით არაერთხელ უსაუბრიათ, მოკლედ კიდევ ერთხელ განმარტა, თუ რას გეგმავენ. მამუკა წოწერიასვე თქმით, საკუთარ ძალებს არ დაიშურებს ამ საქმისთვის.

საკრებულოს ახლად არჩეულმა თავმჯდომარემ მადლობა გადაუხადა მაიზერ ნანავას გაწეული სამუშაოსთვის. მან დეპუტატებს წარმატებები უსურვა. მისი თქმით, მოწადინებულია გუნდთან ერთად იმუშაოს ქალაქის საკეთილდღეოდ. მამუკა წოწერიამ ლაშა გოგიას ახალი თანამდებობაც მიულოცა.

ენმ-ს საკრებულოს თავმჯდომარეობის კანდიდატი არ დაუსახელებია. ანა წითლიძის თქმით, აზრი არ აქვს, რადგან უმრავლესობაში „ქართული ოცნებაა“, რომელმაც უნდა აიღოს პასუხისმგებლობა, როგორი იქნება ქალაქი მომდევნო ოთხი წლის განმავლობაში.

ბიოგრაფია

მამუკა წოწერიამ დაამთავრა მერაბ კოსტავას სახელობის ზუგდიდის მე-2 საშუალო სკოლა. 2001 წელს მაკროეკონომიკა - თბილისის ივანე ჯავახიშვილის სახელმწიფო უნივერსიტეტის ეკონომიკური ფაკულტეტი.

1997 წელს საქართველოს დიპლომატიურ აკადემიაში საერთაშორისო ურთიერთობების მიმართულებით. 1996 წელს მაკროეკონომიკა - ივ.ჯავახიშვილის საელმწიფო უნივერსიტეტის ეკონომიკური ფაკულტეტი.

რაც შეეხება მამუკა წოწერიას სამუშაო გამოცდილებას, 2016 წლის ნოემბრიდან ამ დრომდე იყო ზუგდიდის მუნიციპალიტეტის გამგებელის პირველი მოადგილე. უფრო ადრე, 2014-2016 წლებში მუნიციპალიტეტის საკრებულოს დეპუტატია.

2014-2016 წლებში ამავე საკრებულოს საბიუჯეტო-საფინანსო კომისიის წევრი. ამავე პერიოდში ეკონომიკისა და ინფრასტრუქტურის კომისიის წევრი.

ახლად არჩეული საკრებულოს თავმჯდომარე 2013-2016 სამეგრელო-ზემო სვანეთის რეგიონულ სავაჭრო-სამრეწველო პალატას ხელმძღვანელობს. არის დამფუძნებელი და დირექტორი შპს ზუგდიდის ეთერზეთების კომპანიის.

მამუკა წოწერია 2011-2013 წლებში ეკონომიკური მრჩეველია თბილისის მერიის ქონების მართვის სააგენტოში. 2010-2011 წლებში ამავე სააგენტოში მას სხვადასხვა პოზიციაზე მუშაობდა. 2004-2008 წლებში მენეჯერ-კონსულტანტია საქართველოს სავაჭრო-სამრეწველო პალატაში.

2002-2004 წლებში ბუნებრივი მონოპოლიების რეგულირების განყოფილების უფროსი, საქართველოს სახელმწიფო ანტიმონოპოლიურ სამსახურში. მამუკა წოწერია ამავე სამსახურში კონკურენციის განვითარების განყოფილების უფროსის მოადგილეა 2000-2002 წლებში. ასევე ეკონომიკისა და სტატისტიკის სექტორის კოორდინატორი.

1998-2000 წლებში ა.ო. „საზოგადოებრივი პროგრამების ფონდში“ მუშაობს. 1996-2001 წლებში მარკეტინგის სპეციალისტია ზუგდიდის რეგიონული სავაჭრო-სამრეწველო პალატაში.
| Print |  E-mail
FaceBook Twitter Google
სხვა მასალები ამ კატეგორიიდან






მერია საკრებულოს ზუგდიდის მუნიციპალიტეტის 2019 წლის ბიუჯეტის
პროექტს ხვალ,
18:01 / 13.11.2018
მერია საკრებულოს ზუგდიდის მუნიციპალიტეტის 2019 წლის ბიუჯეტის პროექტს ხვალ,






ზუგდიდის საკრებულოში ფრაქცია „ევროპული საქართველოს“ წევრმა ირაკლი
ღურწკაიამ „ლაივპრესს“ უთხრა,
17:01 / 13.11.2018
ზუგდიდის საკრებულოში ფრაქცია „ევროპული საქართველოს“ წევრმა ირაკლი ღურწკაიამ „ლაივპრესს“ უთხრა,






სამართალდამცველებმა ფოთში ყაჩაღობის ბრალდებით ერთი პირი დააკავეს.
16:29 / 13.11.2018
სამართალდამცველებმა ფოთში ყაჩაღობის ბრალდებით ერთი პირი დააკავეს.






მარტვილში მცხოვრები 22 წლის აზა ადამია პოლიტექნიკური ინსიტუტის მე-5
კურსის
15:44 / 13.11.2018
მარტვილში მცხოვრები 22 წლის აზა ადამია პოლიტექნიკური ინსიტუტის მე-5 კურსის
ლაივპრესის სტუდია
როგორია წინასაარჩევნო გარემო ზუგდიდში და რა დარღვევები გამოვლინდა საანგარიშო პერიოდში,
ვიდეორეპორტაჟი
ცოცხალი ისტორიები
დიანა ქაჯაია - აბიტურიენტი
მონიკა თიგიშვილი - ტრანსგენდერი ქალი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.