ზუგდიდის სასამართლოში მოსწავლეებმა იმიტირებული სხდომა გამართეს [ვიდეო/ფოტო]
ზუგდიდის სასამართლოში ახალგაზრდებმა იმიტირებული სასამართლო
პროცესი გამართეს. 9-12 კლასის მოსწავლეებმა განიხილეს და ვერდიქტი
გამოიტანეს გამოგონილ სისხლის სამართლის დანაშაულზე, რომელიც ქმრის
მიერ ორსული ცოლის წინასწარი შეცნობით, განზრახ მკვლელობას შეეხებოდა.
აქ ყველაფერი თითქმის ისევე იყო, როგორც ნამდვილ სხდომებზე,
პროკურატურის და დაცვის მხარის მოხსენებებით, მოწმეების დაკითხვით,
ნაფიც მსაჯულთა სხდომით და განაჩენზე მსჯელობით.
აქტივობა არასამთავრობო ორგანიზაცია „აპრიორის“ ინიციატივით შედგა. მისმა აღმასრულებელმა დირექტორმა დავით ბულიამ „ლაივპრესს“ განუცხადა, რომ მიზანი ახალგაზრდებში სამართლებრივი ცოდნის განვითარებაა. სწორედ ამიტომ, პროექტის ფარგლებში ზუგდიდის სხვადასხვა სკოლის 50-მდე ახალგაზრდა შეკრიბეს, რომლებიც სისხლის სამართლის საპროცესო უნარ-ჩვევებში მოამზადეს. ამისთვის კვალიფიციური ტრენერები საგანგებოდ თბილისიდან მოიწვიეს.
„მონაწილეებს მივეცით ერთკვირიანი ვადა, რომ მოემზადებინათ საქმე და შესაბამისად წარდგენილიყვნენ სასამართლოს წინაშე. ჩვენი ტრენერები ეხმარებოდნენ მათ და აქტიურ კონსულტაციას უწევდნენ თუნდაც შესავალი სიტყვის დაწერაში, დასკვნითი სიტყვის, პირდაპირი და ჯვარედინი დაკითხვების მომზადებაში. 4-5 ნოემბერს გვქონდა პროცესები, სადაც გამოვლინდა ორი საუკეთესო ჯამური შედეგების მქონე გუნდი. დღეს კი ფინალი შედგა“, - აღნიშნა დავით ბულიამ.
ორგანიზაციის წარმომადგენლის თქმით, მათი მიზანი და სამომავლო გეგმაა ქვეყნის სხვადასხვა რეგიონში ჩასვლა და მსგავსი აქტივობების განხორციელება. თუმცა მანამდე ზუგდიდში ახალგაზრდების მონაწილეობით სასამართლოს შემდეგ იმიტირებული გამოძიებაც გაიმართება. მოსწავლეებს დებატების ჩემპიონატსაც შესთავაზებენ.
თავის მხრივ, იმიტირებულ სასამართლო პროცესში ჩართულმა სკოლის მოსწავლეების განმარტებით, საინტერესო აღმოჩნდა ეს პროექტი, რომლის ფარგლებშიც ბევრი სიახლე შეიტყვეს. გვითხრეს ისიც, რომ ბევრი მათგანის ინტერესი მომავალში სწორედ ამ სფეროს უკავშირდება.
აქტივობა არასამთავრობო ორგანიზაცია „აპრიორის“ ინიციატივით შედგა. მისმა აღმასრულებელმა დირექტორმა დავით ბულიამ „ლაივპრესს“ განუცხადა, რომ მიზანი ახალგაზრდებში სამართლებრივი ცოდნის განვითარებაა. სწორედ ამიტომ, პროექტის ფარგლებში ზუგდიდის სხვადასხვა სკოლის 50-მდე ახალგაზრდა შეკრიბეს, რომლებიც სისხლის სამართლის საპროცესო უნარ-ჩვევებში მოამზადეს. ამისთვის კვალიფიციური ტრენერები საგანგებოდ თბილისიდან მოიწვიეს.
„მონაწილეებს მივეცით ერთკვირიანი ვადა, რომ მოემზადებინათ საქმე და შესაბამისად წარდგენილიყვნენ სასამართლოს წინაშე. ჩვენი ტრენერები ეხმარებოდნენ მათ და აქტიურ კონსულტაციას უწევდნენ თუნდაც შესავალი სიტყვის დაწერაში, დასკვნითი სიტყვის, პირდაპირი და ჯვარედინი დაკითხვების მომზადებაში. 4-5 ნოემბერს გვქონდა პროცესები, სადაც გამოვლინდა ორი საუკეთესო ჯამური შედეგების მქონე გუნდი. დღეს კი ფინალი შედგა“, - აღნიშნა დავით ბულიამ.
ორგანიზაციის წარმომადგენლის თქმით, მათი მიზანი და სამომავლო გეგმაა ქვეყნის სხვადასხვა რეგიონში ჩასვლა და მსგავსი აქტივობების განხორციელება. თუმცა მანამდე ზუგდიდში ახალგაზრდების მონაწილეობით სასამართლოს შემდეგ იმიტირებული გამოძიებაც გაიმართება. მოსწავლეებს დებატების ჩემპიონატსაც შესთავაზებენ.
თავის მხრივ, იმიტირებულ სასამართლო პროცესში ჩართულმა სკოლის მოსწავლეების განმარტებით, საინტერესო აღმოჩნდა ეს პროექტი, რომლის ფარგლებშიც ბევრი სიახლე შეიტყვეს. გვითხრეს ისიც, რომ ბევრი მათგანის ინტერესი მომავალში სწორედ ამ სფეროს უკავშირდება.