ახალი ამბები
ოპოზიცია ზუგდიდის მერიას ბიუჯეტის არასრულყოფილი პროექტის გამო საყვედურობს [ვიდეო]
PLAYER_GET_VIDEOFLASH
ზუგდიდის საკრებულოს წევრმა „ევროპული საქართველოდან“ ბათლომე შელიამ შენიშვნა გამოთქვა იმის გამო, რომ ბიუჯეტის პროექტის განხილვა კომისიებში ამ დრომდე პროგრამული ნაწილის გარეშე უწევთ, და შესაბამისად არ აქვთ ინფორმაცია, კონკრეტულად რისთვის რა თანხა უნდა დაიხარჯოს.

„არ შეიძლება მუდმივად ასეთ მდგომარეობაში ვიყოთ, რომ მოგვეცით, დაგვანახეთ. კი ბატონო, თქვენ მილიონები წარმოგვიდგინეთ აქ, მაგრამ რაში უნდა დაიხარჯოს, კონკრეტულად რა ღონისძიებებზეა გათვლილი, ახალი რა არის, ძველი რა რჩება არ ვიცით“, - აღნიშნა მან კომისიის სხდომაზე.

საპასუხოდ მერიის საფინანსო-საბიუჯეტო სამსახურის უფროსის მოვალეობის შემსრულებელმა მურთაზ ბოკუჩავამ აღნიშნა, რომ წლევანდლამდე მსგავს ვითარებაში ბიუჯეტის პროექტზე არ უმუშავიათ. ამ პირობებში, მისი თქმით, ყველა გაერთიანებული მუნიციპალიტეტი აღმოჩნდა. მურთაზ ბოკუჩავა ამბობს, რომ რაც კი დღესაა წარმოდგენილი, ისიც დაჩქარებულად მომზადდა.

მერიის წარმომადგენლისვე განმარტებით, პროგრამული ბიუჯეტი ყოველთვის 15 ნოემბრამდე შემოდიოდა, თუმცა ამის შესაძლებლობა წელს არ ქონდათ.

„14 ნოემბერს იქნა ცნობილი ხელისუფლების უფლებამოსილება სამართლებრივად. ამას დამატებული კადრების დაკომპლექტება, ფუნქციების განაწილება, არ ვიცოდით ვინ სად მოვხვდებოდით. ვის რა მიმართულება ექნებოდა. უახლოეს პერიოდში შემოვა ჩაშლილი, ანუ პროგრამული ბიუჯეტი, სფეროების, ორგანიზაციული კოდების მიხედვით. მასთან ერთად 2018-2020 წლების პრიორიტეტების დოკუმენტი“, - განმარტა მურთაზ ბოკუჩავამ.

თუმცა, მერიის წარმომადგენლის თქმით, ეს შესაძლოა არ იყოს გამამართლებელი არგუმენტი აღმასრულებელი ხელისუფლებისთვის, საკრებულოს წევრი კი ითხოვს იმას, რაც კანონმდებლობითაა გათვალისწინებული.

თავის მხრივ, განათლების, კულტურის, სპორტის და ახალგაზრდულ საკითხთა კომისიის თავმჯდომარე ეკა კიფაიამ ბათლომე შელიას უთხრა, რომ სამსახურის განყოფილებებს აქვთ ჩაშლილი ვარიანტი და შეუძლია მანამდე იმ დოკუმენტებით იხელმძღვანელოს.

ზუგდიდის მუნიციპალიტეტის 2018 წლის ბიუჯეტის პროექტის საკომისიო განხილვა 30 ნოემბერს დაიწყო და ამ დრომდე პროგრამული ნაწილის გარეშე გრძელდება.
| Print |  E-mail
FaceBook Twitter Google
სხვა მასალები ამ კატეგორიიდან






გამოძიება ენმ-ის განცხადების საფუძველზე, რომელიც გულუას პარკის
„თაუნ პარკისთვის“
12:47 / 18.10.2018
გამოძიება ენმ-ის განცხადების საფუძველზე, რომელიც გულუას პარკის „თაუნ პარკისთვის“






ზუგდიდში 19 ოჯახს „ერთი თბილი ოთახის“ ფარგლებში ფართს
გაურემონტებენ.
12:03 / 18.10.2018
ზუგდიდში 19 ოჯახს „ერთი თბილი ოთახის“ ფარგლებში ფართს გაურემონტებენ.






ბზის ალურით დაზიანებული კოლხური ბზის კორომების შეწამვლის მესამე
ეტაპი დასრულდა.
11:57 / 18.10.2018
ბზის ალურით დაზიანებული კოლხური ბზის კორომების შეწამვლის მესამე ეტაპი დასრულდა.






რუსეთი კალინინგრადის ოლქში ახორციელებს ოთხი სამხედრო ობიექტის
11:36 / 18.10.2018
რუსეთი კალინინგრადის ოლქში ახორციელებს ოთხი სამხედრო ობიექტის
ლაივპრესის სტუდია
გადაცემაში „დისკუსია ლაივპრესში“ ზუგდიდში პარკირების გაუმართავ სისტემაზე ვისაუბრეთ.
ვიდეორეპორტაჟი
ცოცხალი ისტორიები
დიანა ქაჯაია - აბიტურიენტი
მონიკა თიგიშვილი - ტრანსგენდერი ქალი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.