აფხაზი მოკრივე ქართველ სპორტსმენს მოსკოვში დაუპირისპირდება
აფხაზი მოკრივე ბატალ ჭეჟია 21 დეკემბერს მოსკოვში დაგეგმილ შეჯიბრში
მიიღებს მონაწილეობას, სადაც ქართველ ლევან შონიას დაუპირისპირდება.
ინფორმაციას ამის შესახებ „აფსნიპრესი“ ავრცელებს. დე ფაქტო
რესპუბლიკის პროფესიული კრივის ფედერაციის პრეზიდენტმა ალბერტ კარდი
ოღლიმ სააგენტოს განუცხადა, რომ ახალგაზრდა აფხაზმა სპორტსმენმა უფრო
ადრე რინგზე ოთხი ბრძოლიდან ყველა მოიგო, ამიტომ იმედი აქვთ, ამ
შემთხვევაშიც ის წარმატებას მიაღწევს.
„ბატალი უნდა შეხვდეს ქართველ სპორტსმენ ლევან შონიას. ეს იქნება ექვსრაუნდიანი ბრძოლა, რისთვისაც ჭეჟია სერიოზულად ემზადება. ახლა ის მოსკოვში იმყოფება, რომელსაც ერთი თვეა ამზადებს დამსახურებული რუსი მწვრთნელი დმიტრი კარაკაშა“, - განმარტა ალბერტ კარდი ოღლიმ.
თუმცა, მისივე თქმით, იმის გათვალისწინებით, რომ ქართული სპორტი „პოლიტიზირებულია“, შესაძლოა ლევან შონიამ უარი თქვას აფხაზ სპორტსმენთან დაპირისპირებაზე.
დაგეგმილ ბრძოლას ეხმაურებიან აფხაზები სოციალურ ქსელშიც. მათ საკუთარი სპორტსმენის გამარჯვებაში ეჭვი არ ეპარებათ.
„უბრალოდ წარმატებები ვუსურვოთ ბატალს, ეროვნული ლოზუნგების გარეშე. ეს სპორტია და ჩვენ ყველაფერს რინგზე დავამტკიცებთ“.
„თუ ქართველები ბრძოლას ბოიკოტს არ უცხადებენ, ეს უკვე დიდი გამარჯვება“, - წერს ვინმე დენის ხარჩილავა.
„ეს ბრძოლა ღირსების და პრესტიჟის საქმეა აფხაზებისთვის. 1993 წელს გამარჯვება ჩვენ დაგვრჩა, 2008 წელსაც და ახლაც ასე იქნება“, - ამბობს ბესლან ქვარცხია.
პროფესიულ კრივში შეჯიბრი 21 დეკემბერს, რუსეთის დროით 21:00 საათზე დაიწყება.
ამ საკითხზე კომენტარს „ლაივპრესი“ საგარეო საქმეთა სამინისტროდან ელოდება.
„ბატალი უნდა შეხვდეს ქართველ სპორტსმენ ლევან შონიას. ეს იქნება ექვსრაუნდიანი ბრძოლა, რისთვისაც ჭეჟია სერიოზულად ემზადება. ახლა ის მოსკოვში იმყოფება, რომელსაც ერთი თვეა ამზადებს დამსახურებული რუსი მწვრთნელი დმიტრი კარაკაშა“, - განმარტა ალბერტ კარდი ოღლიმ.
თუმცა, მისივე თქმით, იმის გათვალისწინებით, რომ ქართული სპორტი „პოლიტიზირებულია“, შესაძლოა ლევან შონიამ უარი თქვას აფხაზ სპორტსმენთან დაპირისპირებაზე.
დაგეგმილ ბრძოლას ეხმაურებიან აფხაზები სოციალურ ქსელშიც. მათ საკუთარი სპორტსმენის გამარჯვებაში ეჭვი არ ეპარებათ.
„უბრალოდ წარმატებები ვუსურვოთ ბატალს, ეროვნული ლოზუნგების გარეშე. ეს სპორტია და ჩვენ ყველაფერს რინგზე დავამტკიცებთ“.
„თუ ქართველები ბრძოლას ბოიკოტს არ უცხადებენ, ეს უკვე დიდი გამარჯვება“, - წერს ვინმე დენის ხარჩილავა.
„ეს ბრძოლა ღირსების და პრესტიჟის საქმეა აფხაზებისთვის. 1993 წელს გამარჯვება ჩვენ დაგვრჩა, 2008 წელსაც და ახლაც ასე იქნება“, - ამბობს ბესლან ქვარცხია.
პროფესიულ კრივში შეჯიბრი 21 დეკემბერს, რუსეთის დროით 21:00 საათზე დაიწყება.
ამ საკითხზე კომენტარს „ლაივპრესი“ საგარეო საქმეთა სამინისტროდან ელოდება.