მიხეილ სააკაშვილის „პოლიტიკური დევნის“ შეწყვეტის მოთხოვნით ხელმოწერების შეგროვება ზუგდიდშიც დაიწყება
„ერთიანი ნაციონალური მოძრაობა“ საქართველოს ექსპრეზიდენტის, მიხეილ
სააკაშვილის „პოლიტიკური დევნის“ შეწყვეტის მოთხოვნით ხელმოწერების
შეგროვებას ზუგდიდში მიმდინარე კვირის ბოლოდან დაიწყებს. თბილისში ეს
პროცესი უკვე მიმდინარეობს. პარტიის ადგილობრივი ორგანიზაციის
ხელმძღვანელმა ანა წითლიძემ „ლაივპრესს“ განუცხადა, რომ ისინი ჩავლენ
ზუგდიდის თითოეულ სოფელში და ყველას, ვისაც კი სურვილი ექნება,
შესაძლებლობას მისცემენ საკუთარი პოზიციის ხელმოწერით
დაფიქსირების.
„ელექტრონულად უკვე დაიწყო ამ ხელმოწერების შევსება პარტიის გვერდზე. მათ შორის ვიცი, რომ რამდენიმე ზუგდიდელმაც შეავსო“, - გვითხრა ანა წითლიძემ.
მისივე თქმით, პროცესი ზუგდიდთან ერთად, მთლიანად სამეგრელოს რეგიონს მოიცავს.
„ერთიანი ნაციონალური მოძრაობა“ რომ მიხეილ სააკაშვილის „პოლიტიკური დევნის შეწყვეტის მოთხოვნით“ ხელმოწერების შეგროვებას დაიწყებდა, ამის შესახებ პარტიამ მიმართვა 9 დეკემბერს, პოლიტსაბჭოს სხდომის შემდეგ გაავრცელა.
პარტიაში ამბობენ, რომ უკრაინის და საქართველოს „ოლიგარქიულ რეჟიმებს“ სურთ, პოლიტიკური ბრძოლის ველს ჩამოაშორონ „ანტიკორუფციული ფრონტის“ ლიდერი.
„თავისუფალი სამყაროსთვის მიუღებელია პოლიტიკურ ოპონენტებთან დაპატიმრებებითა და ფსევდოსამართლებრივი მეთოდებით ბრძოლა. მიგვაჩნია, რომ დღეს ეს პოზიცია თავისუფალი სამყაროს ყველა ლიდერმა ხმამაღლა უნდა გამოხატოს“, - ნათქვამია ენმ-ის მიმართვაში.
კიევის სასამართლომ არ დააკმაყოფილა უკრაინის პროკურატურის მოთხოვნა, მიხეილ სააკაშვილისთვის შინაპატიმრობის შეფარდების შესახებ და ის სასამართლო დარბაზიდან 11 დეკემბერს გაათავისუფლა.
კიევში რვა დეკემბერს მეორედ დააკავეს საქართველოს ყოფილი პრეზიდენტი მიხეილ სააკაშვილი. უკრაინის გენერალური პროკურორის, იური ლუცენკოს განცხადებით, სააკაშვილი მოათავსეს უკრაინის უშიშროების სამსახურის წინასწარი დაკავების დაწესებულებაში.
მიმდინარე კვირაში სააკაშვილის დაკავება ერთხელ უკვე სცადეს სამართალდამცველებმა, მაგრამ ამას მისმა მომხრეებმა შეუშალეს ხელი.
მიხეილ სააკაშვილი ეჭვმიტანილია უკრაინის სსკ 256-ე მუხლის მე-2 ნაწილით, რაც გულისხმობს დანაშაულებრივი ჯგუფის მხარდაჭერას და დახმარებას, მე-15 მუხლის პირველი ნაწილით - დანაშაულის ჩადენის მცდელობა და 28-ე მუხლის მეორე ნაწილით -სისხლის სამართლის დანაშაული, რომლის ჩადენაც პირთა ჯგუფის მიერ წინასწარ იყო დაგეგმილი.
„ელექტრონულად უკვე დაიწყო ამ ხელმოწერების შევსება პარტიის გვერდზე. მათ შორის ვიცი, რომ რამდენიმე ზუგდიდელმაც შეავსო“, - გვითხრა ანა წითლიძემ.
მისივე თქმით, პროცესი ზუგდიდთან ერთად, მთლიანად სამეგრელოს რეგიონს მოიცავს.
„ერთიანი ნაციონალური მოძრაობა“ რომ მიხეილ სააკაშვილის „პოლიტიკური დევნის შეწყვეტის მოთხოვნით“ ხელმოწერების შეგროვებას დაიწყებდა, ამის შესახებ პარტიამ მიმართვა 9 დეკემბერს, პოლიტსაბჭოს სხდომის შემდეგ გაავრცელა.
პარტიაში ამბობენ, რომ უკრაინის და საქართველოს „ოლიგარქიულ რეჟიმებს“ სურთ, პოლიტიკური ბრძოლის ველს ჩამოაშორონ „ანტიკორუფციული ფრონტის“ ლიდერი.
„თავისუფალი სამყაროსთვის მიუღებელია პოლიტიკურ ოპონენტებთან დაპატიმრებებითა და ფსევდოსამართლებრივი მეთოდებით ბრძოლა. მიგვაჩნია, რომ დღეს ეს პოზიცია თავისუფალი სამყაროს ყველა ლიდერმა ხმამაღლა უნდა გამოხატოს“, - ნათქვამია ენმ-ის მიმართვაში.
კიევის სასამართლომ არ დააკმაყოფილა უკრაინის პროკურატურის მოთხოვნა, მიხეილ სააკაშვილისთვის შინაპატიმრობის შეფარდების შესახებ და ის სასამართლო დარბაზიდან 11 დეკემბერს გაათავისუფლა.
კიევში რვა დეკემბერს მეორედ დააკავეს საქართველოს ყოფილი პრეზიდენტი მიხეილ სააკაშვილი. უკრაინის გენერალური პროკურორის, იური ლუცენკოს განცხადებით, სააკაშვილი მოათავსეს უკრაინის უშიშროების სამსახურის წინასწარი დაკავების დაწესებულებაში.
მიმდინარე კვირაში სააკაშვილის დაკავება ერთხელ უკვე სცადეს სამართალდამცველებმა, მაგრამ ამას მისმა მომხრეებმა შეუშალეს ხელი.
მიხეილ სააკაშვილი ეჭვმიტანილია უკრაინის სსკ 256-ე მუხლის მე-2 ნაწილით, რაც გულისხმობს დანაშაულებრივი ჯგუფის მხარდაჭერას და დახმარებას, მე-15 მუხლის პირველი ნაწილით - დანაშაულის ჩადენის მცდელობა და 28-ე მუხლის მეორე ნაწილით -სისხლის სამართლის დანაშაული, რომლის ჩადენაც პირთა ჯგუფის მიერ წინასწარ იყო დაგეგმილი.