ადვოკატი „ლენდოს“ საქმეზე პირის უკანონო პატიმრობისთვის პროკურატურის წინააღმდეგ სარჩელს ამზადებს
„ლენდოს“ დაყაჩაღების საქმეზე გათავისუფლებული გიორგი კუკავა
ადვოკატის, იოსებ
ჯანაშიას თქმით, ისინი პროკურატურის მიმართ სარჩელის
შეტანას იანვრის დასაწყისში გეგმავენ. მან
„ლაივპრესს“ განუცხადა, რომ ახლა დოკუმენტაციის მომზადების პროცესში
არიან.
დაცვის მხარის მოთხოვნა მორალური და მატერიალური ზიანის ანაზღაურება იქნება. ეს იმისთვის, რომ ბრალდებულმა, რომლის მიმართაც პროკურატურამ სისხლის სამართლის საქმე შეწყვიტა, პატიმრობაში ცხრა თვის განმავლობაში უკანონოდ იმყოფებოდა.
გიორგი კუკავა მოასამართლე შოთა ბიჭიამ 27 იანვარს გამართულ სხდომაზე გაათავისუფლა. შესაბამისი გადაწყვეტილება მოსამართლემ მას შემდეგ მიიღო, რაც ბრალდებულის ადვოკატებმა (იოსებ ჯანაშია, იზა შანავა და ვახტანგ გაბედავა) სხდომაზე წარადგინეს ახალი მტკიცებულება. საუბარია ექსპერტიზის შედეგებზე, რომლის თანახმადაც „ლენდოდან“ ამოღებული თითის ანაბეჭდები დაემთხვა არა გიორგი კუკავას არამედ, სხვა პირის, ყაჩაღობის ბრალდებით სასჯელაღსრულების დაწესებულებაში მყოფი ზურაბ ფარცვანიას ამავე მონაცემებს.
აღძრავს თუ არა საქმეს პროკურატურა ზურაბ ფარცვანიას მიმართ, ჯერჯერობით უცნობია. პასუხს „ლაივპრესი“ მთავარი საგამოძიებო უწყებიდან ამ დრომდე ელოდება.
„ლენდო“ 16 მარტს დააყაჩაღეს. ოფისში ერთი პირი შეიჭრა და სათამაშო იარაღის გამოყენებით 5 ათასი ლარი გაიტაცა. საქმესთან დაკავშირებით იმავე დღეს გიორგი კუკავა დააკავეს. მას ბრალი წარდგენილი ჰქონდა საქართველოს სისხლის სამართლის კოდექსის 179-ე მუხლით, რაც ყაჩაღობას გულისხმობს. დანაშაულის დადასტურების შემთხვევაში მას ემუქრებოდა თავისუფლების აღკვეთა 5-დან 7 წლამდე.
დაცვის მხარის მოთხოვნა მორალური და მატერიალური ზიანის ანაზღაურება იქნება. ეს იმისთვის, რომ ბრალდებულმა, რომლის მიმართაც პროკურატურამ სისხლის სამართლის საქმე შეწყვიტა, პატიმრობაში ცხრა თვის განმავლობაში უკანონოდ იმყოფებოდა.
გიორგი კუკავა მოასამართლე შოთა ბიჭიამ 27 იანვარს გამართულ სხდომაზე გაათავისუფლა. შესაბამისი გადაწყვეტილება მოსამართლემ მას შემდეგ მიიღო, რაც ბრალდებულის ადვოკატებმა (იოსებ ჯანაშია, იზა შანავა და ვახტანგ გაბედავა) სხდომაზე წარადგინეს ახალი მტკიცებულება. საუბარია ექსპერტიზის შედეგებზე, რომლის თანახმადაც „ლენდოდან“ ამოღებული თითის ანაბეჭდები დაემთხვა არა გიორგი კუკავას არამედ, სხვა პირის, ყაჩაღობის ბრალდებით სასჯელაღსრულების დაწესებულებაში მყოფი ზურაბ ფარცვანიას ამავე მონაცემებს.
აღძრავს თუ არა საქმეს პროკურატურა ზურაბ ფარცვანიას მიმართ, ჯერჯერობით უცნობია. პასუხს „ლაივპრესი“ მთავარი საგამოძიებო უწყებიდან ამ დრომდე ელოდება.
„ლენდო“ 16 მარტს დააყაჩაღეს. ოფისში ერთი პირი შეიჭრა და სათამაშო იარაღის გამოყენებით 5 ათასი ლარი გაიტაცა. საქმესთან დაკავშირებით იმავე დღეს გიორგი კუკავა დააკავეს. მას ბრალი წარდგენილი ჰქონდა საქართველოს სისხლის სამართლის კოდექსის 179-ე მუხლით, რაც ყაჩაღობას გულისხმობს. დანაშაულის დადასტურების შემთხვევაში მას ემუქრებოდა თავისუფლების აღკვეთა 5-დან 7 წლამდე.