ახალი ამბები
თბილისი ტატუნაშვილის საქმეზე მოსკოვის განცხადებას პასუხობს
საქართველოს საგარეო საქმეთა სამინისტროს პრესისა და ინფორმაციის დეპარტამენტმა უპასუხა რუსეთის საგარეო საქმეთა სამინისტროს იმავე დეპარტამენტის მიერ გავრცელებულ კომენტარს, რომელიც პრემიერ-მინისტრ გიორგი კვირიკაშვილის განცხადებას შეეხებოდა. მასში თბილისი იმედს გამოთქვამს, რომ ჟენევის მოლაპარაკებების მომდევნო რაუნდზე შეძლებენ მრავალი წლის განმავლობაში არსებული ჩიხური მდგომარეობიდან გამოსასვლელად და კონფლიქტის მშვიდობიანად დასარეგულირებლად კონკრეტული ნაბიჯების გადადგმას. სამინისტრომ კიდევ ერთხელ მოუწოდა რუსეთს, გადადგას ნაბიჯები არჩილ ტატუნაშვილის ცხედრის დაუყოვნებლივ გადმოცემის უზრუნველსაყოფად.

რუსეთის საგარეო საქმეთა სამინისტრომ ინფორმაციის და პრესის დეპარტამენტმა 12 მარტს გაავრცელა ინფომაცია, რომლის თანახმად, მოსკოვში ყურადღებით გაეცნენ გიორგი კვირიკაშვილის განცხადებას და კმაყოფილებით აღნიშნავენ მასში გამოთქმულ განწყობას, ორმხრივი ნორმალიზაციის პროცესის გაღრმავების გასაგრძელებლად. ამავე კომენტარის მიხედვით, რუსეთი კვლავ დაინტერესებულია მეზობელ საქართველოსთან ურთიერთობის გაჯანსაღებით და „მზად არის წავიდეს იმდენად შორს, რამდენადაც ამისთვის მზად არის თბილისი“.

„კვირიკაშვილის მიერ ჟენევის დისკუსიებზე პროგრესისკენ სწრაფვის მოხსენიება იძლევა ქართული მხარის კონსტრუქციულობის იმედს მარტის ბოლოს, შემდეგი რაუნდის მიმდინარეობისას. დარწმუნებულნი ვართ, ასეთ მიდგომას მხარს დაუჭერენ მოლაპარაკების სხვა მონაწილეები, მიუხედავად იმისა, თუ ვინ უხელმძღვანელებს ჟენევაში საქართველოს დელეგაციას. შეუძლებელია არ მიესალმო დეკლარირებულ სწრაფვასაც აფხაზეთსა და სამხრეთ ოსეთთან პირდაპირი დიალოგისკენ. სწორედ ეს არის ერთადერთი რეალური გზა მოსაგვარებლად იმ საკითხებისა, რომლებიც საქართველოს აღელვებს და გადის ორმხრივი რუსულ-ქართული დღის წესრიგიდან. კერძოდ, ეს შეეხება წუხილის გამომწვევ, ამასწინანდელ ინციდენტსაც საქართველოს მოქალაქესთან, ა.ტატუნაშვილთან დაკავშირებით“ - ვკითხულობთ განცხადებაში.

დღესვე შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა აღნიშნა, რომ საუბარი არსად ყოფილა პირდაპირ დიალოგზე აფხაზეთსა და „სამხრეთ ოსეთთან“, არამედ აფხაზ და ოს ხალხთან.

საქართველოს მოქალაქეები, არჩილ ტატუნაშვილი, ლევან ქუტაშვილი და იოსებ პავლიაშვილი სამხრეთ ოსეთის დე ფაქტო რესპუბლიკის წარმომადგენლებმა 2018 წლის 22 თებერვალს დააკავეს. ოსური მხარის ცნობით, დაკავებული არჩილ ტატუნაშვილი 23 თებერვალს ცხინვალის საავადმყოფოში „გულის უკმარისობით“ გარდაიცვალა. არჩილ ტატუნაშვილთან ერთად დაკავებული პირები, ლევან ქუტაშვილი და იოსებ პავლიაშვილი რამდენიმე დღის წინ გაათავისუფლეს.
| Print |  E-mail
FaceBook Twitter Google
სხვა მასალები ამ კატეგორიიდან






ზუგდიდის ქორეოგრაფიულმა ანსამბლმა „ჩელამ“და ვაჟთა ფოლკლორულმა
11:52 / 23.06.2018
ზუგდიდის ქორეოგრაფიულმა ანსამბლმა „ჩელამ“და ვაჟთა ფოლკლორულმა






ზუგდიდის ცენტრში, მეორე საჯარო სკოლის მიმდებარედ მოქმედი კაფის
11:43 / 23.06.2018
ზუგდიდის ცენტრში, მეორე საჯარო სკოლის მიმდებარედ მოქმედი კაფის






შინაგან საქმეთა სამინისტროს სამეგრელო-ზემო სვანეთის პოლიციის
დეპარტამენტის
10:46 / 23.06.2018
შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის






გალის რაიონში ძლიერმა ქარმა რამდენიმე ხე მოგლიჯა და
ელექტროგადამცემი ხაზები
10:01 / 23.06.2018
გალის რაიონში ძლიერმა ქარმა რამდენიმე ხე მოგლიჯა და ელექტროგადამცემი ხაზები
ცოცხალი ისტორიები
ქეთო ნინიძე - მეღვინე
ბექა ყორშია -  აღმოსავლეთმცოდნე
მერიკო ფიფია - სტუდენტი
როზა ჯიქია - პენსიონერი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.