ახალი ამბები
ჭალეს მცხოვრები: სახელმწიფო ელექტროსისტემის წინააღმდეგ სტრასბურგშიც ვიბრძოლებ
FaceBook Twitter
E-mail Print
ზუგდიდის რაიონული სასამართლოს მოსამართლე მანუჩარ ცაცუამ 22 მარტამდე გადადო გადაწყვეტილების გამოცხადება, საქმეზე, რომელიც საქართველოს სახელმწიფო ელექტროსისტემის წალენჯიხის სოფელ ჭალეში მუშაოების გაგრძელების პროცესს გარკვეულწილად განსაზღვრავს.

ელექტროსისტემა ითხოვს დაუყოვნებლივ შევიდეს აღსულებაში ზუგდიდის რაიონული სასამართლოს 28 თებერვლის გადაწყვეტილება, რომლითაც მან კომპანიას ადგილობრივი მცხოვრების, ლიკა აქუბარდიას საკუთრებაში არსებული ეზოს განკარგვის უფლება მისცა.

როგორც სასამართლოში ელექტროსისტემის წარმომადგენლმა სალომე სვინტრაძემ განაცხადა, იმის გამო, რომ კომპანიას არ ეძლევა მუშაობის უფლება, ვერ ასრულებს პროექტით ნაკისრ ვალდებულებებს, რისთვისაც დაჯარიმდა მილიონ 200 ათასი ევროთი, რაც იურისტის განმარტებით, თავის მხრივ ნიშნავს ქვეყნის ბიუჯეტისთვის ზიანის მიყენებას, რადგან ელექტროსისტემა სახელმწიფო კომპანიაა და თანხას ბიუჯეტი ფარავს.

იურისტის პოზიციას არ იზიარებენ აქუბარდიების ოჯახში. მათი უფლების დამცცველი ორგანიზაციის საიას ზუგდიდის უფისის ხელმძღვანელის განცხადებით, აპირებენ სასამართლოს თებერვლის გადაწყვეტილების გასაჩივრებას სააპელაციო სასამართლოში და ამ ეტაპზე კომპანიისთვის სადავო მიწის ნაკვეთზე მუშაობის დაწყების უფლების მიცემა არ იქნება მართებული. ჯემალ ჭკადუამ სხდომაზე აღნიშნა, რომ კომპანია, რომელიც იქ მაღალი ძაბვის სადენების გაყვანას გეგმავს, გაჩეხავს არსებულ თხილნარს და ხეხილს, რაც ამ შემთხვევაში მას უკვე არსებული მაღალი ჯარიმის ფონზე კიდევ უფრო დააზარალებს, რადგან იმ შემთხევაში თუ სააპელაციო სასამართლო მათ მოთხოვნას დააკმაყოფილებს, მოუწევს დამატებით აქუბარდიებისთვისაც ზარალის ანაზღაურება.

ელექტროსისტემის წარმომადგენლის სიტყვებით კი, ისინი მიუხედავად იმ გადაწყვეტილებისა რაც არ უნდა მიიღოს სააპელაციო სასამართლომ, ეზოს მფლობელს კომპენსაციას გადაუხდიან განსახლების სამოქმედო გეგმის მიხედვით - თითოეულ მოჭრილ მცენარეზე და ასევე დამატებით 5 წლის ჩათვლით მისი მოსავლის ღირებულებას; სამუშაოების დასრულების შემდეგ კი აქუბარდიებს კვლავ შეეძლებათ იქ თხილნარის გაშენება.

მიწის მესაკუთრეები კომპანიის ამ წინადადებას არ ეთანხმებიან, რადგან არ სურთ მათ კუთვნის ნაკვეთზე ელექტროსისტემამ მაღალი ძაბვის სადენები გაიყვანოს. ლიკა აქუბარდიას განცხადებით, მათი ეზოდან, სადაც ეს სამუშაოები უნდა ჩატარდეს, საცხოვრებელი სახლი რამდენიმე მეტრში მდებარეობს. ოჯახი დარწმუნებულია, რომ ელექტროგადამცემი ხაზები საფრთხეს უქმნის ადამიანის ჯანმრთელობას, ამბობენ, რომ არ გააჩნიათ უსაფრთოების დამადასტურებელი დოკუმენტაცია.

„ჩვენ ამ საქმეს სააპელაციოში, უზენაეშში და სტრასბურგშიც ჩავიტანთ და თუ სახელმწიფო ინტერესებზეა საუბარი, მაშინ რამდენად საამაყო იქნება მისთვის სტასბურგის გადაწყვეტილება ვნახავთ. აქ ჩვენი, ადამიანის უფლებები არავის აინტერესებს. ეს ყველაფერი უკავშირდება თავის დროზე ეპაქრიის მხრიდან ჭალეში არსებული მიწის გაყიდვას, რადგან მას რომ ის მიწა არ გაეყიდა, კომპანია სამუშაოებს ვერ დაიწყებდა“, - უთხრა „ლაივპრესს“ ლიკა აქუბარდიამ.

სხდომას მოპასუხეების გადრა ესწრებოდნენ ჭალეს სხვა მცხოვრებლები. ისინი მხარს უჭერენ აქუბარდიებს და აცხადებენ, რომ კომპანიას თავადაც არ დაუთმობენ საკუთარ ეზოებს და ამით საფრთხეს არ შეუქმნიან გარემოს და მომავალ თაობას. მათ შორის იყო თინათინ აქუბარდია, რომლის სარჩელი ეპარქიის წინააღმდეგ ასევე ჭალეში მდებარე მიწის ნაკვეთთან დაკავშირებით განხილვის ეტაპზეა.

ჭალეს მოსახლეობამ სოფელში მაღალი ძაბვის ელექტროგადამცემი სისტემის დამონტაჟება არაერთხელ გააპროტესტა. აქციის მონაწილეები უსაფრთხო ადგილას, შესაბამისი პირობებით განსახლებას, ან უსაფრთხოების დამადასტურებელი დოკუმენტის წარდგენას მოითხოვდნენ. მაშინ წარკომპანია „ენერგოტრანსში“, რომელიც სახელმწიფო ელექტროსისტემის პროექტის ფარგლებში „კავკასენერგოსთან“ ერთად ჭალეში სამშენებლო სამუშაოებს ახორციელებს, "ლაივპრესს" განუცხადეს, რომ ამ სამუშაოების უსაფრთხოებაზე არსებობს ყველა დონის, მათ შორის საერთაშორისო ექსპერტების დასკვნებიც.
Print E-mail
Twitter
სხვა მასალები
ინტერნეტგამოცემა
11:47 / 01.02.2023
ინტერნეტგამოცემა "ლაივპრესი" ინფორმაციას, რეგიონში, თუ ქვეყნის მასშტაბით მიმდინარე მოვლენებზე,
5 იანვრამდე საქართველოში უმეტესად უნალექო ამინდია მოსალოდნელი.
გარემოს ეროვნული
13:55 / 30.12.2022
5 იანვრამდე საქართველოში უმეტესად უნალექო ამინდია მოსალოდნელი. გარემოს ეროვნული
აშშ-ის პრეზიდენტმა, ჯო ბაიდენმა ხელი მოაწერა ბიუჯეტს, რომელიც
უკრაინისა და საქართველოსთვის
10:28 / 30.12.2022
აშშ-ის პრეზიდენტმა, ჯო ბაიდენმა ხელი მოაწერა ბიუჯეტს, რომელიც უკრაინისა და საქართველოსთვის
სალომე ზურაბიშვილმა 13 წლის მარიტა მეფარიშვილი და დევი მეზურნიშვილი
მედლით დააჯილდოვა
16:13 / 29.12.2022
სალომე ზურაბიშვილმა 13 წლის მარიტა მეფარიშვილი და დევი მეზურნიშვილი მედლით დააჯილდოვა
კორონავირუსი

საბჭოთა რეპრესიები

ვიდეო
პატარა “სანტები” თანატოლების დასახმარებლად [ვიდეო]
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
ისევ მშივრები, ისევ ქუჩაში - მოქალაქეთა აქტივიზმით გადარჩენილი სიცოცხლეები [ვიდეო]
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
პირველი მეგრულენოვანი ანიმაცია - ხობელი ანიმატორის სტუდია დიდი გეგმებით [ვიდეო]
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
სკოლის ნათხოვარ შენობაში დაწყებული ჩხოროწყუელი მოსწავლეების ბრძოლა უკეთესი გარემოსთვის [ვიდეო]
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.