ახალი ამბები
ზუგდიდის მერია ბავშვთა საჩუქრებისთვის 11 ათას ლარზე მეტს დახარჯავს
ბავშვთა დაცვის საერთაშორისო დღე ზუგდიდში სხვადასხვა აქტივობით აღინიშნება. სატენდერო დოკუმენტაციის მიხედვით, პატარებს ატრაქციონებით უფასოდ სარგებლობა შეეძლებათ. სპორტული და მუსიკალური თამაშების მოწყობასთან ერთად, მათ ნაყინებს უსასყიდლოდ დაურიგებენ. ჯამში საუბარია 2 500 ნაყინზე.

ამას გარდა, ადგილობრივი მერია ასფალტზე სახატავ 1000 ფერად ცარცს და ზღაპრის 500 წიგნს შეიძენს. ბავშვების სახეების მოხატვისთვის ორ ადამიანს დაიქირავებენ. პატარების საზეიმო განწყობაზე კი ერთი ჯამბაზი იზრუნებს.

შესყიდვის სავარაუდო ღირებულება 11 ათას 345 ლარია. ეს თანხა გახმოვანების აპარატურის და გენერატურის დაქირავებასაც მოიცავს.

წინადადებების მიღება უკვე დასრულდა. მასში ერთადერთმა კომპანიამ - შ.პ.ს. "პროდაქშენ ჰაუზ“ მიიღო მონაწილეობა. თუმცა, შესყიდვების გვერდზე, შედეგების გრაფაში ჯერ არ არის გამარჯვების დამადასტურებელი დოკუმენტი მიმაგრებული.

ღონისძიებები ზუგდიდის ცენტრალურ პარკში, იუსტიციის სახლის მიმდებარე ტერიტორიაზე გაიმართება.

ბავშვთა დაცვის დღე მსოფლიოში 1950 წლიდან აღინიშნება და წარმოადგენს იმის შეხსენებას, რომ სახელმწიფო ვალდებულია უზრუნველყოს თითოეული მათგანის კეთილდღეობა, რაც გულისხმობს სიცოცხლის და ჯანმრთელობის, ხელმისაწვდომი განათლების და ცხოვრების სათანადო პირობებით სარგებლობის უფლებათა განხორციელებას.
| Print |  E-mail
FaceBook Twitter Google
სხვა მასალები ამ კატეგორიიდან






ზებრა გადასასვლელი, რომელიც გზის სავალი ნაწილიდან ბორდიურს
უკავშირდებოდა, გაუქმდა.
23:58 / 17.08.2018
ზებრა გადასასვლელი, რომელიც გზის სავალი ნაწილიდან ბორდიურს უკავშირდებოდა, გაუქმდა.






იტალიის ქალაქ ბრუნეკში 18 აგვისტოს ალპინისტ რეინჰოლდ მესნერის მთის
მუზეუმში „მთის ხალხის ფესტივალი
18:26 / 17.08.2018
იტალიის ქალაქ ბრუნეკში 18 აგვისტოს ალპინისტ რეინჰოლდ მესნერის მთის მუზეუმში „მთის ხალხის ფესტივალი" გაიმართება.






ზუგდიდის მუნიციპალიტეტის სოფელ ცვანეში, კოლხურ ნამოსახლარზე
არქეოლოგიური კვლევები მიმდინარეობს.
18:03 / 17.08.2018
ზუგდიდის მუნიციპალიტეტის სოფელ ცვანეში, კოლხურ ნამოსახლარზე არქეოლოგიური კვლევები მიმდინარეობს.






ზუგდიდში, ცენტრალურ ბულვართან ახალი ზებრა გადასასვლელი დახაზეს,
15:43 / 17.08.2018
ზუგდიდში, ცენტრალურ ბულვართან ახალი ზებრა გადასასვლელი დახაზეს,
ცოცხალი ისტორიები
დიანა ქაჯაია - აბიტურიენტი
მონიკა თიგიშვილი - ტრანსგენდერი ქალი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.