ანა წითლიძე პროკურატურაში გამოკითხვაზე დაიბარეს
„1. აფხაზეთის ოკუპირებული ტერიტორიებიდან შემოსული კონტრაბანდული საქონელი. 2. ზუგდიდის მუნიციპალიტეტია სოფელ რუხში მცხოვრებ 40 ოჯახს, პარტიზანული მოძრაობა "ტყის ძმების" მეთაურმა დავით შენგელიამ, მათ საკუთრებაში არსებულ მიწის ნაკვეთებზე გაურღვია ღობეები და არ აძლევს მიწის დამუშავების საშუალებას. 3. ე/წ "გულუას პარკის", შპს "თაუნ პარკის" საკუთრებაში გადაცემა კორუფციული გარიგების საფუძველზე. 4. შპს "თაუნ პარკი" სარგებლობს მფარველის ზეგავლენით, მათი თანამშრომლები არ ასრულებენ კანონით დაკისრებულ მოვალეობას. 5. 2 წლის წინ დაზიანებული ყინულის სასახლე დღესაც არ ფუნქციონირებს. 6. ზუგდიდის მუნიციპალიტეტის სოფელ კორცხელსა და ალერტკარში წინასაარჩევნოდ გამოყოფილ იქნა თანხები ჭაბურღილის გასათხრელად. აღნიშნულ სოფლებში ჭაბურღილი გათხრილი იქნა რამოდენიმეჯერ თუმცა მოსახლეობას წყალი დღემდე არ მიეწოდება. 7. ზუგდიდის N4 საჯარო ბაღის რეაბილიტაციისათვის ზუგდიდის მერიის ბიუჯეტიდან გამოყოფილ იქნა გარკვეული რაოდებობის თანხა. სარეაბილიტაციო სამუშაოების დაწყების შემდეგ გაირკვა რომ, აღნიშნული შენობა ნაგებობა არ ექვემდებარება რეაბილიტაციას“, - აცხადებენ ენმ-ში.
„ნაციონალური მოძრაობის“ ზუგდიდის ორგანიზაციის ხელმძღვანელი ანა წითლიძე ფინანსთა სამინისტროს საგამოძიებო სამსახურის საგამოძიებო დეპარტამენტის სამეგრელო-ზემო სვანეთის რეგიონულ სამმართველოში მაისის თვეშიც გამოიკითხა. როგორც მან „ლაივპრესს“ გამოკითხვის შემდეგ განუცხადა, ობიექტური გამოძიების პირობებში სამეგრელო-ზემო სვანეთის გუბერნატორი შონია აუცილებლად უნდა დააკაონ, რადგან დეპუტატის მტკიცებით, ის დანაშაულებრივ ქმედებებშია მხილებული, მათ შორის აფხაზეთიდან თამბაქოს კონტრაბანდაში. თავის მხრივ, გუბერნატორის პრესსამსახურში კი ირწმუნებიან, რომ ენმ-ის განცხადებები სიცრუეა და ლევან შონიას წინააღმდეგ მიმართული ცილისმწამებლური კამპანიის ნაწილია.