მარტვილის მერიის შენობის ეზოს კეთილმოწყობისთვის 41 ათას ლარზე მეტი დაიხარჯება
არსებული დაზიანებული ბეტონის საფარის დემონტაჟი, ბეტონის დეკორატიული ფილებით ტერიტორიის მოწყობა, დეკორატიული ბეტონის ბორდიურის აღმართვა, უკანა კიბის საფეხურების და ბაქნის მოპირკეთება დეკორატიული ფილებით, უკანა გასასვლელში ლითონის მოაჯირის აღდგენა, დეკორატიული სკამის მოწყობა, - ეს ნაწილია სამუშაოების, რისი განხორციელებაც იგეგმება. დეტალური ინფორმაცია შეგიძლიათ იხილოთ აქ.
მარტვილის მუნიციპალიტეტის მერმა ალექსანდრე გრიგალავამ „ლაივპრესს“ განუცხადა, რომ შემოღობვის გარდა, ეზოში ავტოსადგომიც მოეწყობა, რადგან არ აქვთ და მანქანების გარეთ დაყენება უწევთ. მისივე თქმით, კეთილმოწყობა შიდა პერიმეტრის აუცილებელია, რადგან აქ ფაქტობრივად ჭაობია.
„ადმინისტრაციის შენობაში ჩამოგვდის წყალი. შენობა თავის დროზე ხანძრით დამწვარი იყო. კედლები დახეთქილია. სახურავის შესაკეთებელი სამუშაოებიც საჭიროა. მერის კაბინეტშიც ჩამოდის წყალი. ვაპირებთ ამ პრობლემის მოსაგვარებლად ტენდერის გამოცხადებასაც“, - გვითხრა მერმა.