ივანიშვილის შემდეგ ჟურნალისტებს შაშიაშვილი იწვევს [ვიდეო]
„ზეგ ვიწვევ იმ გადაცემების ავტორებს ოფისში. თუ ბიძინა ივანიშვილი ახერხებს ამას, როგორც პარტიის თავმჯდომარე, მე პრეზიდენტობის კანდიდატი ვარ და მასზე არანაკლები თანამდებობები მეჭირა, იმერეთის გუბერნატორი ვიყავი და ქუთაისის მერი და თავზე ნუ დაგვაჯდება ბიძინა ივანიშვილი“, - განაცხადა თეიმურაზ შაშიაშვილმა.
მისივე თქმით, მან უფრო ადრე მიმართა ბიძინა ივანიშვილს წერილით, რომ ივანიშვილის ფონდს შეეძინა საეთერო დრო ყველა საპრეზიდენტო კანდიდატისთვის.
თეიმურაზ შაშიაშვილი მხარდამჭერებს კომბინატის კულტურის სახლის ფოიეში შეხვდა.
შეხვედრას საზოგადოება „ზუგდიდელების" წარმომადგენლები ესწრებოდნენ. მათ შორის „ქართული ოცნების“ წევრი მურმან ნაჭყებიაც. მან ჟურნალისტებთან არ ისურვა საუბარი იმაზე, თუ რატომ მოვიდა თეიმურაზ შაშიაშვილის შეხვედრაზე.