ბლოგები
ორნი ზუგდიდში - ბონდარენკო და თეატრი
FaceBook Twitter
E-mail Print
სამსახურიდან გამოვედი და ის იყო გზად ბოტანიკურ ბაღში ვსეირნობდი, გვანცამ დამირეკა. პოლიციის სამმართველოსთან ვარ, თუ შეგიძლია დამეხმარეო. დაკითხვაზე ყოფილა ერთ-ერთი საჯარო მოხელე. კორცხელის ინციდენტის ამბები ტრიალებდა... არ დავტოვე მარტო ამ უსასრულობასთან.

დაკითხვის პარალელურად, რა თქმა უნდა შეიკრიბნენ „გულშემატკივრებიც“. რამდენიმე ნაცნობის ნახვაც არ გამკვირვებია და გამოველაპარაკეთ ერთმანეთს... მათ შორის ერთ-ერთმა მითხრა - „სამინისტროდან დამირეკეს, ბონდარენკო ჩამოგვყავს ზუგდიდში და ორგანიზება შენ გევალებაო“. ცოტა დამწუხრებულმა უმალ დააყოლა - „მეშინია ხალხი რომ არ მოვიდესო“... ღიმილით ვუთხარი - მოვა, სად დაატევ მაგაზე იფიქრე-მეთქი...

ზუსტად ორი დღის შემდეგ, რა თქმა უნდა როგორც ყველა, ჟურნალისტი თუ ოპერატორი, წავედით ბონდარენკოს დასახვედრად... მესხიას უნივერსიტეტის ეზოში ზღვა ხალხი შეკრებილა. დამხვდა ახალგაზრდების მომლოდინე თვალები, ფერადი ტუჩსახები, მღელვარების კანკალი და აშკარად შესამჩნევი აჩქარებული გულისცემა...

და აი ისიც, შავი „იქს 6“ შემოსრიალდა ლურჯფასადიანი შენობის ეზოში. ბოდიში, შემოსრიალება ვინ აცალა, მაშინვე ხალხის ნაკადმა დაფარა ეს სანატრელი ავტომობილი და გამაყრუებელი კივილი გაისმა ირგვლივ... მანქანიდან გადმოვიდა „პრინცი“ და სულ იაპონური ბრძოლის ილეთებით „იგერიებდა“ მოტრფიალე გოგონებს... და რა „ბედნიერი“ ვიქნებოდი იმ დღეს, მხოლოდ ეს რომ მენახა... მესმის, სასურველი მამაკაცის ნახვისას აფორიაქდნენ და ზოგიერთი მათგანი ორგაზმსაც კი განიცდიდა ალბათ, მაგრამ თქვენ! დიახ, თქვენ, მისაბაძო მაღალჩინოსნებო, დიახ თქვენ საკრებულოს თავმჯდომარევ და კიდევ ბევრნო... თქვენთან მაქვს კითხვა, - რატომ მისდევდით „პრინცს“ ქოშინით? ზუგდიდში ბევრი მინახავს ჩამოსული, მაგრამ მან რით დაიმსახურა მერიასა თუ საკრებულოში სადილი? ამაზე პასუხები აუცილებლად გექნებათ დაზეპირებული. ვნახე კიდეც რამდენიმე ადამიანის ერთი და იგივე დაზუთხული კონტრარგუმენტი...

და საერთოდ, რატომ გადავწყვიტე დამეწერა ეს ყველაფერი...

დღეს დავინახე თქვენი უპატივცემლობა შინაურების მიმართ. დღეს, როცა დადიანების სასახლის ეზოში კამერით ხელში მივედი, გადამეღო სპექტაკლი და გამეგო მაყურებელი საზოგადოების აზრი, საზოგადოების, რომელშიც ალბათ თქვენც მოიაზრებით, დამხვდა სრულიად სხვა სურათი. მარჯანიშვილის თეატრის ოცამდე დაბნეული მსახიობი წვიმაში იდგა და ელოდა... რას? არა, არც არაფერს, თქვენ ყოველშემთხვევაში - არა. დაგირეკავთ და გითქვამთ - წვიმსო. ქოლგები სახლში დაგრჩათ, თორემ აუცილებლად მიხვიდოდით... უბრალოდ წვიმის გადაღებას ელოდნენ, თუნდაც იქ მისული მე და კიდევ ორი ადამიანი ვესიამოვნებინეთ. ცდილობდნენ რაიმე ალტერნატიული გამოსავალი მოეძებნათ, მაგრამ თქვენ კვლავ არ ჩანდით, არც გამოჩნდებოდით, იმიტომ რომ აქ ქართველი მსახიობები იყვნენ და არა „პრინცები“...

და კიდევ, 26 ივნისს ქართული ესტრადის „სტარებს“, შინამანიქენას შემქმნელს და სხვებს, 9 210 ლარს რომ ახარჯავთ, ამ ადამიანებმა რატომ ვერ „დაიმსახურეს“ ყურადღება მაინც?... არ მაქვს იმედი კითხვებზე ვინმე გულწრფელად მიპასუხებს, და არც იმის იმედი მაქვს, რომ რაიმე საპატიო მიზეზები გაქვთ (ძალიან მინდა, რომ მჯეროდეს)... ასე რომ, მე ჩემი ვთქვი!

„ია ტებე კოხაიუ“ - ეს უფრო გესიამოვნებათ!
Print E-mail
Twitter
სხვა მასალები
ავტორი: ტატო ჩანგელია

ურბანისტები დეკარტეს პოპულარული დებულების -
20:18 / 15.02.2022
ავტორი: ტატო ჩანგელია

ურბანისტები დეკარტეს პოპულარული დებულების - "ვაზროვნებ, მაშასადამე ვარსებობ" [Cogito ergo sum] ალუზიით,
ავტორი: ილია ჭანტურია

მალე ხუთი წელი გავა მას შემდეგ, რაც კინო
22:45 / 10.03.2020
ავტორი: ილია ჭანტურია

მალე ხუთი წელი გავა მას შემდეგ, რაც კინო "ატრიუმმა" ფუნქციონირება შეწყვიტა.
ავტორი: გივი გ. ქარჩავა

ამ რამდენიმე დღის წინ ზუგდიდში გაიმართა
19:46 / 26.02.2020
ავტორი: გივი გ. ქარჩავა

ამ რამდენიმე დღის წინ ზუგდიდში გაიმართა "საჯარო" განხილვა ერთ მეტად
ავტორი: ტატო ჩანგელია

ზუგდიდის თეატრში წლებია კონფლიქტი დაუსრულებლად გრძელდება.
13:21 / 15.01.2020
ავტორი: ტატო ჩანგელია

ზუგდიდის თეატრში წლებია კონფლიქტი დაუსრულებლად გრძელდება.
კორონავირუსი

საბჭოთა რეპრესიები

ვიდეო
პატარა “სანტები” თანატოლების დასახმარებლად [ვიდეო]
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
ისევ მშივრები, ისევ ქუჩაში - მოქალაქეთა აქტივიზმით გადარჩენილი სიცოცხლეები [ვიდეო]
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
პირველი მეგრულენოვანი ანიმაცია - ხობელი ანიმატორის სტუდია დიდი გეგმებით [ვიდეო]
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
სკოლის ნათხოვარ შენობაში დაწყებული ჩხოროწყუელი მოსწავლეების ბრძოლა უკეთესი გარემოსთვის [ვიდეო]
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.