თხილზე ფასმა იკლო - მიმღები პუნქტების ნაწილმა მუშაობა შეწყვიტა [Photo]
ბოლო ოთხი დღეა ზუგდიდში თხილის ფასმა მკვეთრად დაიკლო და 6-დან 4
ლარამდე შემცირდა.
მიმღებ პუნქტებში ამბობენ, რომ პროდუქტზე ასეთი დაბალი ფასი ბოლო
რამდენიმე წელია არ დაფიქსირებულა. მცირე მეწარმეების თქმით, შარშან
ამ დროს თხილი 9-10 ლარი ღირდა, ხოლო მაქსიმალური ფასი 13 ლარი
დაფიქსირდა. წელს იანვარში კი ყველაზე მაღალი ფასი 8 ლარს
გაუტოლდა.
„არ მგონია მოიმატოს. არ ვიცით რა არის ამის მიზეზი. ზოგი ამბობს ევროპაში დაიკლო და იმიტომ არისო, ზოგი ამბობს სახელმწიფომ ჩაიგდო ხელში მონოპოლიაო. სამი დღეა საერთოდ თხილი არ მიგვიღია, ვმუშაობთ მაინც. ბევრმა საერთოდ შეწყვიტა მიღება“, - უთხრა „ლაივპრესს“ თხილის მიმღები პუნქტის თანამშრომელმა, მალხაზ ნარსიამ.
თხილის ფასი კიდევ უფრო დაბალია აფხაზეთში. როგორც „ლაივპრესს“ ქალაქ გალში მცხოვრებმა ლუიზა არონიამ უთხრა, ბოლო ერთი კვირაა პროდუქტზე ფასის კლება შეინიშნება. მისივე განმარტებით, თუ ზუგდიდის ბაზარში თხილი 4 ლარი ღირს, აფხაზეთში 50-70 თეთრით ნაკლებია.
მიუხედავად ფასის სხვაობისა აფხაზეთის მკვიდრნი შარშანდელისგან განსხვავებით პროდუქტის ზუგდიდში გადმოტანას წელს ვერ ახერხებენ. მიზეზი ე.წ. გამშვებ-პუნქტებზე დაწესებული ბაჟია. დღეის მონაცემებით 1 კგ. თხილის სამეგრელოში გადმოტანა 1.20 ლარი ღირს. როგორც ზუგდიდში თხილის მიმღებ პუნქტებში აცხადებენ, წელს აფხაზეთიდან თხილი პრაქტიკულად არ მიუღიათ.
„თხილის ფასს განსაზღვრავს მსოფლიო ბაზრის კონიუნქტურა, ფასის განსაზღვრაში მთავრობის ჩარევა არის მინიმალური, ნულს უტოლდება ფაქტიურად. თხილის ბაზარზე მსოფლიოში თურქეთი არის ერთ-ერთი მთავარი მოთამაშე. დიდწილად თურქეთზე, მის წარმოებაზე და მის მასშტაბებზე არის დამოკიდებული თუ რა ფასი ექნება თხილს საერთაშორისო ბაზარზე. ფასი დამოკიდებულია თხილის მოსავლიოანობაზეც. არის წელი როცა მოსავლიანობა არის მაღალი, არის წელი, როცა მოსავლიანობა დაბალია, შესაბამისად მიწოდება დაბალია, ასეთ შემთხვევაში ფასი მატულობს, როცა მიწოდება ჭარბია, ასეთ შემთხვევაში ფასი იკლებს“, - განაცხადა სოფლის მეურნეობის მინისტრის პირველმა მოადგილემ, ნოდარ კერესელიძემ გადაცემა „ბიზნეს კურიერში“ საუბრისას.
მისი მტკიცებით, სამინისტროს უკვე მზად აქვს „თხილის შესახებ ტექნიკური რეგლამენტის“ პროექტი, რომელმაც თხილის ბიზნესთან დაკავშირებული საკითხები უნდა დაარეგულიროს. სამინისტროს ცნობით, რეგლამენტი ადგენს მოთხოვნებს ჩვეულებრივი თხილის და მათი კულტივირებული ჰიბრიდების ნაყოფის მიმართ, აწესრიგებს ურთიერთობებს ბიზნესოპერატორს, სახელმწიფო კონტროლის განმახორციელებელ ორგანოსა და მომხმარებლებს შორის. დოკუმენტი მიზნად ისახავს თხილის წარმოების, გადამუშავების, დისტრიბუციის ეტაპებზე რეგულირების ერთიანი პრინციპების განსაზღვრას და მომხმარებელთა უფლებების დაცვას. ის ადგენს თხილის ბაზარზე განთავსების პირობებს; ჰიგიენის მოთხოვნებს ბიზნესოპერატორის მიმართ; გაუტეხავი თხილის, თხილის გულისა და გადამუშავებული თხილის გულის შესაბამისობის კონტროლის პროცედურებს.
ნოდარ კერესელიძის თქმით, რეგლამენტი მიღებული იქნება „არაუგვიანეს ამ თვისა, რომელიც, დაუყოვნებლივ აღსრულდება“.
„არ მგონია მოიმატოს. არ ვიცით რა არის ამის მიზეზი. ზოგი ამბობს ევროპაში დაიკლო და იმიტომ არისო, ზოგი ამბობს სახელმწიფომ ჩაიგდო ხელში მონოპოლიაო. სამი დღეა საერთოდ თხილი არ მიგვიღია, ვმუშაობთ მაინც. ბევრმა საერთოდ შეწყვიტა მიღება“, - უთხრა „ლაივპრესს“ თხილის მიმღები პუნქტის თანამშრომელმა, მალხაზ ნარსიამ.
თხილის ფასი კიდევ უფრო დაბალია აფხაზეთში. როგორც „ლაივპრესს“ ქალაქ გალში მცხოვრებმა ლუიზა არონიამ უთხრა, ბოლო ერთი კვირაა პროდუქტზე ფასის კლება შეინიშნება. მისივე განმარტებით, თუ ზუგდიდის ბაზარში თხილი 4 ლარი ღირს, აფხაზეთში 50-70 თეთრით ნაკლებია.
მიუხედავად ფასის სხვაობისა აფხაზეთის მკვიდრნი შარშანდელისგან განსხვავებით პროდუქტის ზუგდიდში გადმოტანას წელს ვერ ახერხებენ. მიზეზი ე.წ. გამშვებ-პუნქტებზე დაწესებული ბაჟია. დღეის მონაცემებით 1 კგ. თხილის სამეგრელოში გადმოტანა 1.20 ლარი ღირს. როგორც ზუგდიდში თხილის მიმღებ პუნქტებში აცხადებენ, წელს აფხაზეთიდან თხილი პრაქტიკულად არ მიუღიათ.
„თხილის ფასს განსაზღვრავს მსოფლიო ბაზრის კონიუნქტურა, ფასის განსაზღვრაში მთავრობის ჩარევა არის მინიმალური, ნულს უტოლდება ფაქტიურად. თხილის ბაზარზე მსოფლიოში თურქეთი არის ერთ-ერთი მთავარი მოთამაშე. დიდწილად თურქეთზე, მის წარმოებაზე და მის მასშტაბებზე არის დამოკიდებული თუ რა ფასი ექნება თხილს საერთაშორისო ბაზარზე. ფასი დამოკიდებულია თხილის მოსავლიოანობაზეც. არის წელი როცა მოსავლიანობა არის მაღალი, არის წელი, როცა მოსავლიანობა დაბალია, შესაბამისად მიწოდება დაბალია, ასეთ შემთხვევაში ფასი მატულობს, როცა მიწოდება ჭარბია, ასეთ შემთხვევაში ფასი იკლებს“, - განაცხადა სოფლის მეურნეობის მინისტრის პირველმა მოადგილემ, ნოდარ კერესელიძემ გადაცემა „ბიზნეს კურიერში“ საუბრისას.
მისი მტკიცებით, სამინისტროს უკვე მზად აქვს „თხილის შესახებ ტექნიკური რეგლამენტის“ პროექტი, რომელმაც თხილის ბიზნესთან დაკავშირებული საკითხები უნდა დაარეგულიროს. სამინისტროს ცნობით, რეგლამენტი ადგენს მოთხოვნებს ჩვეულებრივი თხილის და მათი კულტივირებული ჰიბრიდების ნაყოფის მიმართ, აწესრიგებს ურთიერთობებს ბიზნესოპერატორს, სახელმწიფო კონტროლის განმახორციელებელ ორგანოსა და მომხმარებლებს შორის. დოკუმენტი მიზნად ისახავს თხილის წარმოების, გადამუშავების, დისტრიბუციის ეტაპებზე რეგულირების ერთიანი პრინციპების განსაზღვრას და მომხმარებელთა უფლებების დაცვას. ის ადგენს თხილის ბაზარზე განთავსების პირობებს; ჰიგიენის მოთხოვნებს ბიზნესოპერატორის მიმართ; გაუტეხავი თხილის, თხილის გულისა და გადამუშავებული თხილის გულის შესაბამისობის კონტროლის პროცედურებს.
ნოდარ კერესელიძის თქმით, რეგლამენტი მიღებული იქნება „არაუგვიანეს ამ თვისა, რომელიც, დაუყოვნებლივ აღსრულდება“.