კულტურა
ქალი, რომელმაც ზუგდიდის ფოტოისტორია შექმნა [Photo]
FaceBook Twitter
E-mail Print
ვიღაც სახლზე ოცნებობს, ვიღაც ავტომანქანაზე, ან სხვა მატერიალურ სიკეთეებზე, დედას - ქალბატონ ლუიზა ციმინტიას სურვილი კი ძველი ფოტოების შეგროვება და თაობებისთვის ქალაქის ისტორიის შენახვა იყო, - ამბობს ლავრენტი კემულარია, ლუიზა ციმინტიას ვაჟი. მან გვიამბო დედაზე, მის პროფესიულ საქმიანობასა და საზოგადოებრივ ცხოვრებაზე, ქალზე, რომელმაც ყველასათვის უცნობი ადამიანები, მათ შორის ბევრი საინტერესო ქალის ფოტოსურათი აღმოაჩინა.

ლუიზა ციმინტია ცხოვრობდა ზუგდიდში 1930-2008 წლებში. იყო პროფესიით პედაგოგი, ზუგდიდის პირველი საშუალო სკოლის პირველი ქალი დირექტორი. პროფესიული საქმიანობის გარდა, ხშირად მონაწილეობდა საზოგადოებრივ აქტივობებში. ძველი ნივთებით და ფოტოებით კი ბავშვობიდან დაინტერესდა.

„1901 წელს, როცა დედას მშობლები ჩამოვიდნენ სამეგრელოში, მათ შეიძინეს ზუგდიდში სახლი, რომელიც რუსთაველის ქუჩაზე მდებარეობდა და ეკუთვნოდა სალომე დადიანის პირისფარეშ ლიზა ადამიას. სახლ-კარი რომ იყიდეს, ნივთების ნაწილი, მათ შორის ძველი ფოტოებიც დახვდათ იქ, რომელთაც შემდეგ დედამ მიუჩინა თავისი ადგილი. მან ოჯახში დაამკვიდრა ფოტოების შეკრების, დათარიღების, წარწერის გაკეთების და ალბომებში შეგროვების კულტურა“, - გვიყვება ლავრენტი კემულარია.

ფოტო: მე-20 საუკუნის 40-იანი წლების ზუგდიდი

დღეს მათ ოჯახში ასობით ფოტო და ათეულობით ალბომი ინახება. ფოტოებზე, როგორც ძველი ქალაქის ხედები და ქუჩები, ასევე, ის ცნობილი ადამიანებია ასახული, ვისაც ქალაქის და ქვეყნის განვითარებაში წვლილი მიუძღვის.

„დედამ მოიძია აკაკი ჭანტურიას უცნობი ფოტო, ადამიანის, რომელსაც უდიდესი წვლილი მიუძღვის დადიანების სასახლიდან გატანილი და დაკარგული ექსპონატების მოძიებასა და მუზეუმის დაარსებაში. ასევე, არქივში გვაქვს მისი მეუღლის უოლტერ ბოლის ფოტოც. ის იყო ლონდონიდან, დიდგვაროვანი ოჯახისშვილი და ძალიან საინტერესო ქალბატონი“, - გვითხრა ლავრენტი კემულარიამ.

ფოტო: მე-20 საუკუნის დასაწყისი, ფოტო გადაღებულია ზუგდიდის პირველი სკოლის წინ

ფოტოარქივში არის ასევე პირველი ქართველი მფრინავი ქალის - რუსუდან ჟორდანიას, ალენ მიურატის ბაბუის, დადიანების მებაღეებისა და მათი შთამომავლების ფოტოებიც.

არქივის დათვალიერებისას, ფოტოებთან ერთად საინტერესო ამბებსაც ვეცნობით:

ფოტო: მე-20 საუკუნე, ზუგდიდის თეატრის წინ მდებარე სკვერი

„ერთხელ ნარაზენში, ძველი და საინტერესო ფოტოების მოსაძიებლად წავედით, ვიყავით ხონძი შელიას მამაპაპისეულ ლამაზ ოდა-სახლში, სადაც მამიდამისის, სალომე გვათუას ფოტოსურათი ეკიდა. ეს ქალბატონი სტალინის ქალიშვილის მუსიკის მასწავლებელი იყო. ამ ქალბატონმა ზუგდიდის სოფელ ცაიშში გახსნა სამუსიკო სკოლა, რაც პირველი პრეცენდენტი იყო საბჭოთა კავშირში. მამას, ვალერიან კემულარიას, რომელიც იმ წლებში ზუგდიდის კულტურის სამსახურს ხელმძღვანელობდა, მას კარგად ახსოვდა ეს ქალბატონი. გვიამბო, თუ როგორ სთხოვა ელეგანტურად ჩაცმულმა ლამაზმა ქალბატონმა სოფლად სკოლის დაარსების ნებართვა. მამას უთქვამს, რომ ეს შეუძლებელი იყო, მაგრამ ქალბატონმა კულტურის მინისტრთან მიმართვის მოპოვების შემდეგ მართლაც შეძლო სამუსიკო სკოლის დაარსება სოფელში“, - გვითხრა ლავრენტი კემულარიამ.

ფოტო: ქალი ყვავილებით ხელში არის რუსუდან ჟორდანია, პირველი ქართველი მფრინავი ქალი

ის ამბობს, რომ ფოტოების მოძიება და აღდგენის პროცესი ბევრ სირთულესთან იყო დაკავშირებული.

„საოჯახო ალბომების დათვალიერება სთხოვო სხვას, ეს ცოტა უხერხულობასთანაც არის დაკავშირებული, მაგრამ ლუიზა ციმინტიას იცნობდნენ, პატივს სცემდნენ, მისთვის ყველა ოჯახის კარი ღია იყო. დედა დადიოდა ძირძველ ზუგდიდელთა ოჯახებში და ეუბნებოდა მისი განზრახვის - ფოტოგამოფენის მოწყობის შესახებ. შერჩეულ ფოტოებს ხალისით გვაწვდიდნენ მასპინძლები. როცა გარკვეული რაოდენობის ფოტოს მოვაგროვებდით, პერიოდულად 5-10 ფოტო დამქონდა მათთან, მერე მიმქონდა თბილისში, ფილარმონიის გვერდით იყო კოდაკის ლაბორატორია და იქ ვამუშავებდით და იქვე ვბეჭდავდით და ვაკეშივე მდებარე სახელოსნოში ხდებოდა მათი დაჩარჩოება“.

ფოტო: უოლტერ ბოლი, აკაკი ჭანტურიას ცოლი

ფოტომასალის გარკვეული რაოდენობის შეგროვების შემდეგ ოჯახმა ის ზუგდიდის სამხატვრო გალერეაში პირველად 2006 წელს, სახელწოდებით - „გარინდული წამი“ გამოიფინა. მას შემდეგ ფოტოგამოფენა რამდენჯერმე მოეწყო. 2013 წელს კი კემულარიების ოჯახი გამოფენით თანაქალაქელების ინიციატივას, ზუგდიდისთვის თვითმმართველი ქალაქის სტატუსის აღდგენის მოთხოვნას გამოეხმაურა.

ახლა ოჯახი ახალ პროექტზე მუშაობს, რომელშიც ლუიზა ციმინტიას შვილებთან ერთდ, შვილიშვილებიც ჩაერთვნენ.
Print E-mail
Twitter
სხვა მასალები
მატყლის ჩეჩვა და და რთვა, საქართველოს სხვა რეგიონების მსგავსად
სამეგრელოშიც იცოდნენ, თუმცა ეს ტრადიცია უკვე მივიწყებულია.
19:02 / 14.02.2021
მატყლის ჩეჩვა და და რთვა, საქართველოს სხვა რეგიონების მსგავსად სამეგრელოშიც იცოდნენ, თუმცა ეს ტრადიცია უკვე მივიწყებულია.
ზუგდიდის დადიანების სასახლის საგანძურის ფოტოები გუგლის კულტურულმა
ინსტიტუტმა ატვირთა.
13:52 / 06.01.2021
ზუგდიდის დადიანების სასახლის საგანძურის ფოტოები გუგლის კულტურულმა ინსტიტუტმა ატვირთა.
17:43 / 19.08.2020
"მკურნალი ტყუპების" სახელით ცნობილი მომღერალი დები, თეა და ლიკა შენგელაიები,
კორონავირუსი

საბჭოთა რეპრესიები

ვიდეო
პატარა “სანტები” თანატოლების დასახმარებლად [ვიდეო]
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
ისევ მშივრები, ისევ ქუჩაში - მოქალაქეთა აქტივიზმით გადარჩენილი სიცოცხლეები [ვიდეო]
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
პირველი მეგრულენოვანი ანიმაცია - ხობელი ანიმატორის სტუდია დიდი გეგმებით [ვიდეო]
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
სკოლის ნათხოვარ შენობაში დაწყებული ჩხოროწყუელი მოსწავლეების ბრძოლა უკეთესი გარემოსთვის [ვიდეო]
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.