კულტურა
კულტურული მემკვიდრეობისგან შემორჩენილი კედლები [ვიდეო]
PLAYER_GET_VIDEOFLASH
სახლი, რომელსაც კულტურული მემკვიდრეობის ძეგლის სტატუსი აქვს, გერმანელმა არქიტექტორმა ედმუნდ ფრიკიმ, ქალაქ ფოთში მე-20 საუკუნის დასაწყისში (1901-1910) ააშენა. საუკუნოვანი შენობა დღეს თითქმის დანგრეულია და მხოლოდ ფასადი შემორჩა. ფოთში მცხოვრები ხელოვნებათმცოდნე ელენე გაბლიანი ამბობს, რომ სახლი თავდაპირველად ერთ-ერთ ვაჭარს ეკუთვნოდა, რომელიც ქვანახშირის ბიზნესში წილების მფლობელი იყო. მისი მშენებლობა ნიკო ნიკოლაძის მმართველობის პერიოდს უკავშირდება, როცა ქალაქის თავმა ნავსადგურის მოწყობა, ქალაქის დაგეგმარებითი რეკონსტრუქცია და ურბანული არქიტექტურის განვითარება დაიწყო.

ნიკო ნიკოლაძის მოწვევით ჩამოსულმა ედმუნდ ფრიკიმ, ქალაქში სხვადასხვა დანიშნულების შენობები თუ კერძო სახლები ააგო, რომელთა დიდ ნაწილს დღეს კულტურული მემკვიდრეობის სტატუსი აქვს.

„ის ამ პერიოდში აშენებს ბევრ შენობა-ნაგებობებს, სადაც წამყვანი სამშენებლო მასალა იყო აგური. ეს შენობაც აგურთან და კირქვასთან ერთად ქმნის არაჩვეულებრივ, შერეული ტიპის ნაგებობას, სადაც წამყვანი მოდერნისტული სტილია. ნალექისგან, ნესტისგან და გადაუხურავი ნაწილების გამო დაზიანებულია ინტერიერი, თუმცა ფასადზე მაინც შესამჩნევია ის ღირებულება, რომელიც მას აქვს“, - გვითხრა ელენე გაბლიანმა და შენიშნა, რომ შენობა, რომელიც საბჭოთა კავშირს უვნებელი გადაურჩა, დღეს ნადგურდება.

შენობაში, სადაც წლების განმავლობაში უშიშროების სამსახური იყო განთავსებული, ქალაქის საკუთრება არ არის. ის ეკონომიკის სამინისტრო 2007 წელს კომპანია „ველაჯიოს“ მიყიდა, - უთხრა „ლაივპრესს“ ფოთის მერიის არქიტექტურისა და ზედამხედველობის სამსახურის უფროსმა, არჩილ მელიქიამ.

თავის მხრივ, შენაძენით უკმაყოფილო დარჩა კომპანია „ვისოლ პეტროლიუმის“ შვილობილი „ველაჯიო“, რომელმაც კულტურული მემკვიდრეობის ძეგლის სტატუსის მქონე შენობა, კანონით განსაზღვრული შეზღუდვების გამო ბიზნესინტერესებისთვის ვერ გამოიყენა. ლევან კალმახელიძემ „ველაჯიოს“ წარმომადგენელმა „ლაივპრესს“ განუცხადა, რომ შენობა-ნაგებობა 2 თვის წინ „ვისოლ პეტროლიუმს“ მიჰყიდა, რომლის გეგმები უცნობია, რადგან ჩვენ სატელეფონო ზარებს კომპანიის პიარის სამსახურმა არ უპასუხა.

საქართველოს კულტურული მემკვიდრეობის დაცვის სააგენტოს უფროსი ნიკოლოზ ანთიძე ამბობს, რომ კომპანია „ველაჯიო“ თავდაპირველად გააფრთხილეს, მოგვიანებით კი 10 ათასი ლარით დააჯარიმეს, რადგან მან კანონიერი ვალდებულება - კულტურული მემკვიდრეობის ძეგლის მოვლა-პატრონობა ვერ შეძლო.

„მესაკუთრე ან დაიწყებს რეაბილიტაციას, ან მოხდება მისი გაყიდვა, ან რაიმე სხვა მოქმედებები, რომ ამ ობიექტს გამოუჩნდეს სათანადო მესაკუთრე“, - განუცხადა „ლაივპრესს“ ნიკოლოზ ანთიძემ.
| Print |  E-mail
FaceBook Twitter Google
სხვა მასალები ამ კატეგორიიდან






ზუგდიდის შალვა დადიანის სახელობის დრამატული თეატრი, რომელსაც
აპრილში
15:49 / 13.01.2018
ზუგდიდის შალვა დადიანის სახელობის დრამატული თეატრი, რომელსაც აპრილში






ზუგდიდში თემურ ელიავას მეორე კრებულის, სახელწოდებით „პალატა #8“
პრეზენტაცია გაიმართა.
10:11 / 12.12.2017
ზუგდიდში თემურ ელიავას მეორე კრებულის, სახელწოდებით „პალატა #8“ პრეზენტაცია გაიმართა.






23 ნოემბერს თბილისში საქართველოს პირველ პრეზიდენტზე გადაღებული
ფილმის -
15:45 / 21.11.2017
23 ნოემბერს თბილისში საქართველოს პირველ პრეზიდენტზე გადაღებული ფილმის -






ვფიქრობ, ომმა განიცადა ტრანსფორმაცია და გადავიდა ყოველდღიურ რეჟიმში
- ამბობს
16:59 / 19.10.2017
ვფიქრობ, ომმა განიცადა ტრანსფორმაცია და გადავიდა ყოველდღიურ რეჟიმში - ამბობს
რედაქტორის რჩევით
ზუგდიდის ცენტრიდან სოფელ რუხში, აფხაზეთის
ზუგდიდის შალვა დადიანის სახელობის დრამატული თეატრი, რომელსაც აპრილში
წალენჯიხის მცხოვრებმა 70 წლის ბედიშა ხარჩილავამ ციხეში სასჯელის მოხდის
ქრისტიანულ დღესასწაულებს საქართველოს კუთხეებში სხვადასხვა
ზუგდიდის თეატრი საიუბილეო თარიღს საკუთარი შენობის გარეშე აღნიშნავს
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.