კულტურა
ცეკვა „ოტობაია“ სუხიშვილებისგან [ვიდეო]
PLAYER_GET_VIDEOFLASH
მეგრულ-აფხაზურ მოტივებზე სუხიშვილების ნაციონალურმა ბალეტმა ახალი ცეკვა - „ოტობაია“ შექმნა. ოტობაია ოკუპირებული აფხაზეთის რეგიონის სოფელია და სამეგრელოს ესაზღვრება. რატომ დაარქვეს სუხიშვილებმა ცეკვას ოტობაია და რისი თქმა სურთ ქორეოგრაფებს - „ლაივპრესი“ ანსამბლის დირექტორს ნინო სუხიშვილს ესაუბრა.

<   ცეკვა გეოგრაფიული სახელით   >

ნინო სუხიშვილი: გეოგრაფიულ სახელებს ხშირად ვარქმევთ ახალ ცეკვებს. მაგალითად, გვაქვს ცეკვა „ზეკარი“, რომელიც უღელტეხილია საქართველოში. გვაქვს ცეკვა „ჯუთა“, რომელიც სოფელია ხევსურეთში და ასე დავარქვით „ოტობაიაც“. ამ ლამაზი, გეოგრაფიული სახელწოდებების დარქმევა ცეკვებისთვის კიდევ უფრო გამოაცოცხლებს საქართველოს კუთხეებს.

ანსამბლის რეპერტუარში ჩვენ მანამდეც გვქონდა ძალიან ლამაზი, აფხაზური ცეკვა, რომელიც ქალბატონმა ნინო რამიშვილმა მთიულურის მოტივებზე შექმნა. ახლა კი გავაკეთეთ ახალი პროექტი, რომელსაც ჰქვია „ცეკვა ქართული“. ამ პროექტის კიდევ ერთი ცეკვის „თამაშის“ პრემიერა ცოტა ხნის წინ გაიმართა. გვინდა, რომ ყველა რეგიონის ცეკვა განვაახლოთ და რეპერტუარში შევიტანოთ. გვინდა ვაჩვენოთ ყველას, თუ როგორ ცეკვავენ 21-ე საუკუნის საქართველოში.

ფოტო ექსკლუზიურად მოგვაწოდა ჩუბ1ნა-მ

<   საერთო ხასიათი ცეკვაში, მუსიკასა და კოსტიუმებში   >

ნინო სუხიშვილი: აფხაზეთში დიდია სამეგრელოს ტრადიციების გავლენა და პირიქით, სამეგრელოში - აფხაზურის. ზოგადად, მეგრელებს და აფხაზებს ბევრი რამ აქვთ საერთო და მოძრაობებიც ძალიან მსგავსია.

მეგრული და აფხაზური მოტივები გამოვიყენეთ მოძრაობებში, მუსიკასა და კოსტიუმებში. ჩვენმა ბენდმა და ილიკო სუხიშვილმა ერთად დაამუშავეს მუსიკა, არანჟირება გაუკეთეს. ზოგადად, როცა ცეკვის შესაფერის მუსიკას ვამუშავებთ, ვიყენებთ კუთხურ, ეროვნულ საფუძვლებს და შემდეგ ვუკეთებთ სტილიზაციას, რომ მომგებიანი და სცენაზე წარმატებული იყოს. კოსტიუმების შექმნის დროსაც ასე ხდება.

ფოტო ექსკლუზიურად მოგვაწოდა ჩუბ1ნა-მ

<   აფხაზებთან ურთიერთობაზე - სუხიშვილების ოცნება   >

ნინო სუხიშვილი: ვიცნობ ძალიან ბევრ ადამიანს აფხაზეთში, რომლებსაც გული წყდებათ იმის გამო, რომ ერთმანეთს დაგვაშორეს.

სუხიშვილების ანსამბლში ძალიან დიდ ხანს ცეკვავდნენ აფხაზეთიდან ძმები თარბები. მათ თითქმის ნახევარი ცხოვრება გაატარეს ჩვენთან. შემდეგ სოხუმში დაბრუნდნენ, იქ ანსამბლი შექმნეს და რა გამოცდილებაც აქ მიიღეს, გაუზიარეს სხვებსაც. საკმაოდ წარმატებული ქორეოგრაფიული კარიერა ჰქონდათ. ბატონი კანდიდ თარბა გარდაცვალებამდე ცოტა ხნით ადრე თბილისში სამკურნალოდ რომ ჩამოვიდა, მაშინ ვნახე. მისი გარდაცვალების ამბავი რომ გავიგე, ძალიან მინდოდა გამოსამშვიდობებლად სოხუმში ჩასვლა, მაგრამ სამწუხაროდ, ეს არცთუ ისე უსაფრთხო იყო.

წელს ბათუმში გამართულ ბავშვთა ქორეოგრაფიული ანსამბლების საერთაშორისო ფესტივალზე გვინდოდა ბავშვთა ანსამბლების მოწვევა აფხაზეთიდან, მაგრამ უარი მივიღეთ მათგან.

ჩემი ოცნებაა ჩავიდე სოხუმში მთელი ანსამბლით და გავმართოთ კონცერტი, სადაც ქართულ და აფხაზურსაც ვიცეკვებთ. იმედია, რომ ჩემი ოცნება როდესმე ახდება.

ცეკვა „ოტობაიას“ პრემიერა 15 ივლისს ბლექ სი არენაზე გაიმართა.
| Print |  E-mail
FaceBook Twitter Google
სხვა მასალები ამ კატეგორიიდან
ვფიქრობ, ომმა განიცადა ტრანსფორმაცია და გადავიდა ყოველდღიურ რეჟიმში
- ამბობს
16:59 / 19.10.2017
ვფიქრობ, ომმა განიცადა ტრანსფორმაცია და გადავიდა ყოველდღიურ რეჟიმში - ამბობს
კოლხური ოდა-სახლი მხატვარ რეზო ადამიას მუზაა. 80 წლის ხელოვანი
შემოდგომასა და გაზაფხულზე თბილისიდან სამეგრელოში ჩამოდის,
11:47 / 17.10.2017
კოლხური ოდა-სახლი მხატვარ რეზო ადამიას მუზაა. 80 წლის ხელოვანი შემოდგომასა და გაზაფხულზე თბილისიდან სამეგრელოში ჩამოდის,
სვანური ქუდით თავზე, თვითნასწავლი ქართული აფხაზური აქცენტით,
სიტყვაძუნწი
18:21 / 26.09.2017
სვანური ქუდით თავზე, თვითნასწავლი ქართული აფხაზური აქცენტით, სიტყვაძუნწი
80 წლის ასაკში, მძიმე ავადმყოფობის შედეგად
მოსკოვში გარდაიცვალა ქართველი ტენორი, ზურაბ სოტკილავა.
14:12 / 18.09.2017
80 წლის ასაკში, მძიმე ავადმყოფობის შედეგად მოსკოვში გარდაიცვალა ქართველი ტენორი, ზურაბ სოტკილავა.
რედაქტორის რჩევით
აფხაზეთში ზაფხულში დაწყებული ბინადრობის მოწმობის გაცემის პროცესი ჯერ კიდევ გრძელდება.
ყველაფერი შემთხვევით დაიწყო. ზუგდიდის ტექნოპარკში ტრენერის
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.