კულტურა
დადიანების ორანჟერიაში შენობის მანამდე უცნობი დეტალები აღმოაჩინეს [ვიდეო/ფოტო]
PLAYER_GET_VIDEOFLASH
ზუგდიდის ბოტანიკურ ბაღში მიმდინარე სარეკონსტრუქციო სამუშაოების დროს, დადიანების ორანჟერიაში, რომელიც საჯინიბოს სახელით დამკვიდრდა მოქალაქეებში, კედლების და იატაკის გასუფთავების დროს დაბლა ჩამავალი კიბეები აღმოაჩინეს შენობის შიგნით, ორ მხარეს. „ბოტანიკური ბაღების მართვის ცენტრის“ დირექტორმა ზვიად ქარჩავამ, რომელმაც ბაღის ტერიტორიაზე მიმდინარე სამუშაოები დაგვათვალიერებინა, გვითხრა, რომ დანარჩენი, რა დატვირთვა ქონდა კიბეს და სხვა დეტალებს, არქეოლოგების მოკვლევის საგანია. მისი განმარტებით, ორანჟერია დაკონსერვდება, დონორის მოძიების შემთხვევაში კი შენობის აღდგენაზეც იფიქრებენ. კიბის გარდა, გარკვეული ფენისგან გათავისუფლების შემდეგ, აქ წითელი აგურის იატაკიც გამოჩნდა.

თავის მხრივ, პროექტის მენეჯერ ავთანდილ მამულაშვილის თქმით, არქეოლოგებთან ურთიერთობა აქვთ და ახლო მომავალში უნდა გადაწყდეს, გამოკვლევა იწარმოებს თუ არა რეკონსტრუქციის პარარელურად.

„ამ ყველაფერს ხომ უნდა დაფინანსება. სახსრები მოძიებულია და რამდენიმე ხანში ისინიც ჩაერთვებიან სამუშაოებში“, - გვითხრა მან.

მერიის ძეგლთა დაცვის განყოფილების უფროსმა ლაშა ჯიქიამ ჩვენთან საუბარში განმარტა, რომ მუნიციპალური განვითარების ფონდთან შეხვედრაზე შეთანხმდნენ არქეოლოგების ჯგუფის გამოყოფაზე, რომლებიც ობიექტს შეისწავლიან. ამბობს, რომ საკუთარი მოსაზრება აქვს, რასთან შეიძლება გვქონდეს საქმე, თუმცა დასკვნამდე ამ ყველაფერზე ვერ ისაუბრებს.

„ეს იყო ორანჟერა იყო და არა საჯინიბო. ორსართულიანი საჯინიბო არ არსებობს. რაში სჭირდებოდათ ცხენებს მეორე სართული? ეს ორანჟერია იყო და მას ბუნებრივია ექნებოდა დამატებითი მინაშენები. დაგეგმილი გვაქვს კომპლექსური არქოლოგიური გათხრების წარმოება. სპეციალისტებიც ჩამოვლენ, რომლებიც კომპლექსურად შეისწავლიან ბოტანიკურ ბაღს, როგორც არექოლოგიურ ძეგლს“, - გვითხრა ლაშა ჯიქიამ.

მისი თქმით, აღნიშნული სამუშაოებიც რეკონსტრუქციის ფარგლებში განხორციელდება. მისი თქმით, ამ ეტაპზე არქეოლოგიურ კვლევას ორნაჟერიაში აღმოჩენილი კიბეების გარდა, ძველი, დამწვარი და ჯვარედინა სასახლეებიც ექვემდებარება.

დღეს ორანჟერეის დაკონსერვების სამუშაოები მიმდინარეობს. ობიექტი ხარაჩოებშია. „ლაივპრესი“ 17 აპრილს შემოგთავაზებთ მასალას, რა სამუშაოები ხორციელდება ბოტანიკური ბაღის ტერიტორიაზე დღეს.

მეცხრამეტე საუკუნეში გაშენებული და მოუვლელობის გამო განადგურებული ზუგდიდის ბოტანიკური ბაღის რეკონსტრუქცია მრავალწლიანი დაპირებების შემდეგ თებერვალში დაიწყო. ბაღის აღდგენის სამუშაოებს საქართველოს მუნიციპალური განვითარების ფონდი ახორციელებს. პროექტს მსოფლიო ბანკი ადგილობრივი ბიუჯეტის თანამომაწილეობით აფინანსებს. მისი საერთო ღირებულება 12 მილიონი ლარია.
| Print |  E-mail
FaceBook Twitter Google
სხვა მასალები ამ კატეგორიიდან






ზუგდიდის თეატრის ახალი შენობის მშენებლობა რამდენიმე დღეში დაიწყება.
17:19 / 17.07.2018
ზუგდიდის თეატრის ახალი შენობის მშენებლობა რამდენიმე დღეში დაიწყება.






ზუგდიდში ერთი ხის ძველებური სტილით ნაგები სახლი დგას, სადაც თავის
დროზე აკაკი
10:48 / 13.03.2018
ზუგდიდში ერთი ხის ძველებური სტილით ნაგები სახლი დგას, სადაც თავის დროზე აკაკი






ზუგდიდელმა მომღერალმა თეონა მოსიამ ავსტრიაში საბავშვო სტუდია
ჩამოაყალიბა. „რიმტირი ჯაზი“ - ასე ჰქვია სტუდიას,
18:21 / 29.01.2018
ზუგდიდელმა მომღერალმა თეონა მოსიამ ავსტრიაში საბავშვო სტუდია ჩამოაყალიბა. „რიმტირი ჯაზი“ - ასე ჰქვია სტუდიას,






ზუგდიდის შალვა დადიანის სახელობის დრამატული თეატრი, რომელსაც
აპრილში 150 წელი უსრულდება, ქართული თეატრის დღეს
15:49 / 13.01.2018
ზუგდიდის შალვა დადიანის სახელობის დრამატული თეატრი, რომელსაც აპრილში 150 წელი უსრულდება, ქართული თეატრის დღეს
ცოცხალი ისტორიები
დიანა ქაჯაია - აბიტურიენტი
მონიკა თიგიშვილი - ტრანსგენდერი ქალი
ქეთო ნინიძე - მეღვინე
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.