მულტიმედია
პორტრეტი, რომელმაც გამარჯვება მოუტანა ზუგდიდელ მოსწავლეს ერევანში [ვიდეო/ფოტო]
PLAYER_GET_VIDEOFLASH
14 წლის გიორგი ქადარიას გრაფიკული ნამუშევარი სომხეთის დედაქალაქ ერევანში სახვითი ხელოვნების, პოეზიისა და თეატრალური ხელოვნების საერთაშორისო ფესტივალის ერთ-ერთი გამარჯვებული გახდა.

საერთაშორისო ფესტივალის ჟიურიმ ერთ კვირაში ფანქრით დახატული ქართველი ქალის პორტრეტი შეაფასა, როგორც „დიდი სიყვარულით შესრულებული განსაკუთრებული შინაარსის მქონე ნამუშევარი“.

„რადგან ქართველი ვარ და მიყვარს ჩემი ქვეყანა, მინდოდა ქართველი ქალის პორტრეტით გამომეხატა ეს სიყვარული, ამიტომაც გადავწყვიტე ეს ნახატი წარმედგინა კონკურსზე“, - გვითხრა გიორგი ქადარიამ. ის ზუგდიდის სამხატვრო სკოლაში 2 წელია ხელოვნებას ეუფლება და უკვე ოცამდე კონკურსში მიიღო მონაწილეობა.

გიორგის სურს ისტორიკოსი გახდეს, მხატვრობა კი როგორც თავად გვითხრა მისი მთავარი ჰობი იქნება. გეგმავს საკუთარი თავი სახვითი ხელოვნების სხვადასხვა მიმართულებაში მოსინჯოს და უფრო დაიხვეწოს.

სკოლას, სადაც მას მიმართულება მისცეს და სახვითი ხელოვნება შეაყვარეს სამი ოთახი აქვს. მასავით აქ კიდევ 60 მოსწავლე ყოველდღიურად ეუფლება მხატვრობას. დირექტორის ჯანსუღ ჭურღულიას თქმით, ზუგდიდის სამხატვრო სკოლას ხშირად იწვევევენ სხავდასხვა კონკურსებსა თუ ფესტივალებში და მწირი ბიუჯეტის ფარგლებში მშობლების დახმარებით ახერხებენ მონაწილეობას მსგავს აქტივობებში.

ჯანსუღ ჭურღულია ამბობს, რომ გიორგის გამარჯვება მნიშვნელოვანია, რადგან გრაფიკაში მუშაობა რთულია: „მხატვარს ასეთ შემთხვევაში არ შეუძლია ფერწერისგან განსხვავებით ფერებით მიაღწიოს რაღაც ეფექტს“, - გვითხრა სკოლის დირექტორმა.

მისი თქმით, 14 წლის გიორგის დიდი პოტენციალი აქვს და იმედოვნებს, რომ ახალგაზრდა გრაფიკოსი საკუთარ ძალებს ფერწერაშიც მოსინჯავს.

სამდღიანი ფესტივალი ერევანში 12-14 ნოემბრის ჩათვლით ჩატარდა. მასში მონაწილეობას 25 ქვეყნიდან იღებდნენ მოზარდები. ფესტივალზე ცალცალკე შეფასდნენ ხელოვნების სხვადასხვა დარგის წარმომადგენლები. მათ შორის ახალგაზრდა მხატვრებს წარმოდგენილი ჰქონდათ განსხვავებული მიმართულების ნამუშევრები, გიორგი ქადარიამ კი საუკეთესო შეფასება გრაფიკაში დაიმსახურა.
| Print |  E-mail
FaceBook Twitter Google
სხვა მასალები ამ კატეგორიიდან






ზუგდიდის ბოტანიკურ ბაღში სარეკონსტრუქციო სამუშაოების ნაწილი
დასრულდა.
14:29 / 17.10.2018
ზუგდიდის ბოტანიკურ ბაღში სარეკონსტრუქციო სამუშაოების ნაწილი დასრულდა.






ერთ პატარა ოთახში, იატაკზე უამრავი ფერის ნაჭერი და საქსოვი ძაფის
გორგალი ყრია.
15:20 / 13.10.2018
ერთ პატარა ოთახში, იატაკზე უამრავი ფერის ნაჭერი და საქსოვი ძაფის გორგალი ყრია.






კლასიკური ავტომანქანების რალი, სახელწოდებით „Peaks of the Caucasus“
დღეს ზუგდიდში გაიმართა.
18:33 / 08.10.2018
კლასიკური ავტომანქანების რალი, სახელწოდებით „Peaks of the Caucasus“ დღეს ზუგდიდში გაიმართა.






სამოქალაქო აქტივისტმა გიგა მაქარაშვილმა დაასრულა ფეხით მსვლელობის
აქცია.
18:56 / 27.09.2018
სამოქალაქო აქტივისტმა გიგა მაქარაშვილმა დაასრულა ფეხით მსვლელობის აქცია.
ლაივპრესის სტუდია
გადაცემაში „დისკუსია ლაივპრესში“ ზუგდიდში პარკირების გაუმართავ სისტემაზე ვისაუბრეთ.
ვიდეორეპორტაჟი
ცოცხალი ისტორიები
დიანა ქაჯაია - აბიტურიენტი
მონიკა თიგიშვილი - ტრანსგენდერი ქალი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.