მულტიმედია
სააღდგომო თემატიკა ნაქსოვ ნივთებში [ვიდეო/ფოტო]
PLAYER_GET_VIDEOFLASH
ქსოვა, ქარგვა და ხატვა ბავშვობიდან უყვარდა, თუმცა უბრალო გატაცების საქმედ ქცევაზე მხოლოდ ცოტა ხნის წინ დაფიქრდა. პირველი შეკვეთაც საახალწლოდ მიიღო. დღეს ქრისტინა ჯაბუა აღდგომის დღესასწაულისთვის ემზადება. კვერცხის ფორმის სათამაშოების ნაწილი დაამზადა, ასზე მეტი რაოდენობით, თუმცა ზოგიერთის გაჩუქება უკვე მოასწრო. ადრე ქუდებს, ყელსახვევებს ქსოვდა ყაიზნაყით, რამდენიმე თვის წინ კი აქსესუარების და სათამაშოების გაკეთებაც დაიწყო. პირველი ნამუშევრები ისეთი დახვეწილი არ აღმოჩნდა, როგორც ჩაიფიქრა. თანდათანობით ხელიც გაეწაფა. დღეს საკუთარი შემოქმედებით ბევრად კმაყოფილია და ნივთების მრავალფერვნებაზეც ფიქრობს.

„ცოტა ადრე დავიწყე სააღდგომო თემატიკაზე მუშაობა. თავიდან კვერცხები არ იყო დახვეწილი. ნელ-ნელა დავხვეწე. ერთის გაკეთებას საათი, ან ცოტა მეტი სჭირდება. ქსოვის პროცესი უფრო მალე მთავრდება, უბრალოდ ქარგვას სჭირდება მეტი დრო“, - უთხრა ახალგაზრდა ხელოვანმა „ლაივპრესს“ და განმარტა, რომ ღირებულება სამი ლარიდან იწყება და ზომის და ხარისხის შესაბამისად ფასიც მატულობს.

ქსოვს მაშინ, როცა თავისუფალი დრო აქვს. ძირითადად ეს საღამოობით ხდება. ხელსაქმეს საშუალოდ დღეში 2-3 საათს უთმობს. ქრისტინასთვის ნივთებზე მუშაობის პროცესი განტვირთვის საშუალებაც არის, რადგან ამ ყველაფრის კეთება სიამოვნებს, მაშინაც კი, როცა დაღლილია. ფიქრობს, რომ ყველამ ის უნდა აკეთოს, რაც უყვარს. პარალელურად სხვა საქმითაც არის დაკავებული - ბავშვებს ინგლისურ ენაში ამეცადინებს.

ინფორმაციას საქმიანობის შესახებ ძირითადად „ფეისბუკის“ საშუალებით ავრცელებს. უკვე საკუთარი გვერდიც აქვს. სანტიმეტრი - ასე ქვია. მეორე წყარო ინფორმაციის გასავრცელებლად, ქრისტინეს მეგობრებია. მათ ძალიან მოსწონთ ნაქსოვი ნივთები. სტიმულიც ხელოვანს ამ აღფრთოვანებამ მისცა. თავდაპირველად არც უფიქრია შეკვეთების მიღებაზე, თუმცა მოწონების ფონზე გაჩნდა თხოვნებიც, კონკრეტული ნივთების, მათ შორის ჩანთების დამზადების.

პირველი ნამუშევარი პატარა "ბიჭუნა" იყო, რომლის მოქსოვასაც დაახლოებით ერთი დღე დასჭირდა. თუმცა არ მოეწონა და ტექნიკის დახვეწაზეც იმუშავა. მოგვიანებით უკეთესი გამოუვიდა:

„რაღაც ვიდეოები მაქვს ნანახი, მაგრამ მაინც ჩემი ფანტაზიით და გემოვნებით ვამზადებ. ისეთ რაღაცას არასდროს არ გავაკეთებ, რაც პირადად არ მომეწონება. თავდაპირველად რატომღაც მეგონა, რომ საქართველოში პირველი ვიყავი. მერე აღმოჩნდა, რომ თურმე ბევრი ქსოვს“.

შეკვეთებს უკვე სხვა ქალაქის მცხოვრებლებიც სთხოვენ. ნივთები ადრესატს ტრანსპორტის საშუალებით ეგზავნება.


უნდა, რომ გატაცება ბიზნესად აქციოს, მით უფრო, როცა იმ ადამიანების დასახმარებლად, ვინც ხელთნაკეთ ნივთებს ამზადებს, არსებობს სხვადასხვა შესაძლებლობაო, ამბობს.

„მეც ვაპირებ დავწერო პროექტი“, - გვითხრა ქრისტინა ჯაბუამ.
| Print |  E-mail
FaceBook Twitter Google
სხვა მასალები ამ კატეგორიიდან






ზუგდიდის ბოტანიკურ ბაღში სარეკონსტრუქციო სამუშაოების ნაწილი
დასრულდა.
14:29 / 17.10.2018
ზუგდიდის ბოტანიკურ ბაღში სარეკონსტრუქციო სამუშაოების ნაწილი დასრულდა.






ერთ პატარა ოთახში, იატაკზე უამრავი ფერის ნაჭერი და საქსოვი ძაფის
გორგალი ყრია.
15:20 / 13.10.2018
ერთ პატარა ოთახში, იატაკზე უამრავი ფერის ნაჭერი და საქსოვი ძაფის გორგალი ყრია.






კლასიკური ავტომანქანების რალი, სახელწოდებით „Peaks of the Caucasus“
დღეს ზუგდიდში გაიმართა.
18:33 / 08.10.2018
კლასიკური ავტომანქანების რალი, სახელწოდებით „Peaks of the Caucasus“ დღეს ზუგდიდში გაიმართა.






სამოქალაქო აქტივისტმა გიგა მაქარაშვილმა დაასრულა ფეხით მსვლელობის
აქცია.
18:56 / 27.09.2018
სამოქალაქო აქტივისტმა გიგა მაქარაშვილმა დაასრულა ფეხით მსვლელობის აქცია.
ლაივპრესის სტუდია
გადაცემაში „დისკუსია ლაივპრესში“ ზუგდიდში პარკირების გაუმართავ სისტემაზე ვისაუბრეთ.
ვიდეორეპორტაჟი
ცოცხალი ისტორიები
დიანა ქაჯაია - აბიტურიენტი
მონიკა თიგიშვილი - ტრანსგენდერი ქალი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.