მულტიმედია
ეზოში ავი ძაღლია - ზუგდიდის თეატრმა 150 წლის იუბილე პრემიერით აღნიშნა [ვიდეო/ფოტო]
PLAYER_GET_VIDEOFLASH
შალვა დადიანის სახელობის სახელმწიფო დრამატულმა თეატრმა 150-ე სეზონი პრემიერით „ეზოში ავი ძაღლია“ გახსნა. იუბილეს თეატრის დასი მაყურებელთან ერთად ზუგდიდის კულტურის სახლში შეხვდა, სადაც დროებით დაიდო ბინა, სანამ თეატრის შენობას რეკონსტრუქცია უტარდება.

სპეციალურად ამ თარიღისთვის კულტურის სახლის შენობა, სადაც ასევე არ იყო სათანადო კომფორტი, დასმა და ადმინისტრაციამ გაარემონტა, რათა მაყურებლისთვის სასიამოვნო გარემო შეექმნა.

წარმოდგენა ჯერ კიდევ შენობაში შესვლამდე დაიწყო - უჩვენეს პერფორმანსი და თეტარის მოკლე ისტორია გააცნეს სტუმრებს, მოგვიანებით კი პანტომიმის მსახიობებმა მაყურებლები დარბაზში შეაცილეს.

150-ე იუბილისთვის, თბილისიდან მოწვეულმა რეჟისორმა სანდრო ეგაძემ კიტა ბუაჩიძის პიესის მიხედვით სპექტაკლი „ეზოში ავი ძაღლია“ დადგა.

მსახიობ მარინა დარასელიას თქმით, მრავალწლიანი გამოცდილების მიუხედავად, ისე ღელავდა, როგორც არასდროს, რადგან, თეატრისთვის მნიშვნელოვანი თარიღის აღნიშვნის პარალელურად მათთვის უჩვეულო გარემოში უწევდათ მუშაობა. „წარმოგიდგენიათ ტექსტიც კი შემეშალა, იმდენად ემოციურად ვიყავი“, - უთხრა ჟურნალისტებს მსახიობმა.

თავად რეჟისორმა კი აღნიშნა, რომ ზუგდიდის თეატრს „არაჩვეულებრივი დასი და მაყურებლი“ ჰყავს.

სპექტაკლს ადგილობრივი ხელისუფლების წარმომადგენლებიც ესწრებოდნენ.

პირველი სპექტაკლი ზუგდიდის თეატრის სცენაზე 1868 წლის 11 აპრილს, მოლიერის „ძალად ექიმი“ ანტონ ფურცელაძემ დადგა. დღეს თეატრი ახალი შენობის მოლოდინშია.

ოფიციალური ინფორმაციით, ძველი შენობის რეკონსტრუციისთვის ჯამში 10 მილიონ ლარამდე დაიხარჯება. თანხიდან 4 მილიონი სცენის მოსაწყობად არის გათვლილი.
| Print |  E-mail
FaceBook Twitter Google
სხვა მასალები ამ კატეგორიიდან






ზუგდიდის ბოტანიკურ ბაღში სარეკონსტრუქციო სამუშაოების ნაწილი
დასრულდა.
14:29 / 17.10.2018
ზუგდიდის ბოტანიკურ ბაღში სარეკონსტრუქციო სამუშაოების ნაწილი დასრულდა.






ერთ პატარა ოთახში, იატაკზე უამრავი ფერის ნაჭერი და საქსოვი ძაფის
გორგალი ყრია.
15:20 / 13.10.2018
ერთ პატარა ოთახში, იატაკზე უამრავი ფერის ნაჭერი და საქსოვი ძაფის გორგალი ყრია.






კლასიკური ავტომანქანების რალი, სახელწოდებით „Peaks of the Caucasus“
დღეს ზუგდიდში გაიმართა.
18:33 / 08.10.2018
კლასიკური ავტომანქანების რალი, სახელწოდებით „Peaks of the Caucasus“ დღეს ზუგდიდში გაიმართა.






სამოქალაქო აქტივისტმა გიგა მაქარაშვილმა დაასრულა ფეხით მსვლელობის
აქცია.
18:56 / 27.09.2018
სამოქალაქო აქტივისტმა გიგა მაქარაშვილმა დაასრულა ფეხით მსვლელობის აქცია.
ლაივპრესის სტუდია
გადაცემა „პირისპირ ლაივპრესთან“ ზუგდიდში შემორჩენილ საბჭოთა ტოპონიმიკას დაეთმო.
ვიდეორეპორტაჟი
ცოცხალი ისტორიები
დიანა ქაჯაია - აბიტურიენტი
მონიკა თიგიშვილი - ტრანსგენდერი ქალი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.