მულტიმედია
საზაფხულო სკოლა წიგნების მოყვარული მოზარდებისთვის [ვიდეო]
PLAYER_GET_VIDEOFLASH
ზუგდიდის ბიბლიოთეკის შენობაში საზაფხულო სკოლა გაიხსნა, რომელიც გართობის პარარელურად, ბავშვებისთვის შემეცნებითი სწავლებებით იქნება დატვირთული. ორი კვირის განმავლობაში ისტორიის, ბუნების, სახალისო მათემატიკის და რელიგიის საათის გარდა, დაწყებითი კლასის მოსწავლეები დადიანების მუზეუმს ეწვევიან, სადაც მათ ჩვენი კუთხის შესახებ საინტერესო ამბებს მოუყვებიან. გასვლითი ღონისძიებები მოეწყობა ტექნოპარკში, საპატრულო პოლიციის თანამშრომელი კი მათ უსაფრთხოების წესების დარღვევაზე გაესაუბრება. ამას გარდა, პატარებს ხატვას, ხელოვნებას, მუსიკას, მხატვრულ კითხვას შეასწავლიან და ზოგადად, გამართულად კითხვაში ავარჯიშებენ. ერთი დღე მხიარულ სტარტებსაც დაეთმობა.

პროექტის განხორციელების იდეა „ბიბლიოთეკების მართვის ცენტრის“ საბავშვო განყოფილების ხელმძღვანელ მადლენა დამენიას ეკუთვნის. მან „ლაივპრესს“ უთხრა, რომ ამ ყველაფრის მიზანი არდადეგების პერიოდში წიგნთან კავშირის შენაჩუნება და ბავშვების ინტელექტუალური დონის გაუმჯობესებაა. ასევე ბიბლიოთეკის პოპულარიზება. დღეს აქ მხოლოდ 27 მოსწავლე ჰყავთ. ისინი დილის 11:00 საათიდან ოთხ საათამდე გართობის პარარელურად, მათთვის საჭირო ინფორმაციას ეცნობიან.

მაგალითად, დღეს ჩვენ ისტორიის გაკვეთილს დავესწარით. პედაგოგი შეკრებილებს მიმართავდა კითხვით, თუ ვინ იყო თამარ მეფე, ვახტანგ გორგასალი, რა გვარის იყვნენ ქართველი მეფეები. ინტერაქტიულ გამოკითხვაში მოსწავლეები აქტიურად ჩაერთვნენ და საკუთარი თავის წარდგენის შემდეგ ამ საკითხებზე საკუთარი მოსაზრებებიც გამოთქვეს.

„ჩვენი სკოლის დევიზია - ზაფხული, მე და ბიბლიოთეკა. ხალისობენ ბავშვები. ჩვენც მათთან ერთად“, - გვითხრა მადლენა დამენიამ.

„ბიბლიოთეკების მართვის ცენტრის“ ხელმძღვანელი მადონა მაქაცარია ამბობს, რომ საზაფხულო სკოლის მოსაწყობად სულ 63 ლარი დაიხარჯა, ისიც საკანცელარიო ნივთებისთვის, პედაგოგები კი პროექტის განხორციელებაში მოხალისეობრივად ჩაერთვნენ. იგეგმება შენობის ეზოში, ღია ცის ქვეშ გაკვეთილების ჩატარებაც, რომელიც სამეცნიერო შინაარსის იქნება. მისი თქმით, აქტივობებში მონაწილეობის შესაძლებლობა არამხოლოდ ბიბლიოთეკის მკითხველებს და მათი კლუბების წევრებს, არამედ სხვა მსურველ ბავშვებსაც შეუძლიათ. ერთი შეზღუდული შესაძლებლობის მქონე მოსწავლე სკოლას უკვე ხვალიდან შეუერთდება.

„ეს ასაკობრივი ჯგუფი როგორც კი ჩაივლის, მერე დაიწყება მეექვსე-მეცხრე კლასელებთან მუშაობა. იქ სხვანაირი მიდგომა იქნება, ნაკლები გართობა, უფრო მეცნიერული სახით მუშაობა. მგონია, რომ ეს მეტ ნაყოფსაც მოგვცემს“, - გვითხრა მადონა მაქაცარიამ.

საზაფხულო სკოლა დაწყებითი კლასის მოსწავლეებისთვის 20 ივლისს დაიხურება.
| Print |  E-mail
FaceBook Twitter Google
სხვა მასალები ამ კატეგორიიდან






ვინ არის რუსეთი საქართველოსთვის?
14:20 / 19.09.2018
ვინ არის რუსეთი საქართველოსთვის?






საქართველოს სკოლებსა და საბავშვო ბაღებში დღეს ახალი სასწავლო წელი
დაიწყო.
17:59 / 17.09.2018
საქართველოს სკოლებსა და საბავშვო ბაღებში დღეს ახალი სასწავლო წელი დაიწყო.






ანაკლიაში, ღრმაწყლოვანი პორტის მასშტაბური საზღვაო სამშენებლო
სამუშაოები დაიწყო.
17:45 / 16.09.2018
ანაკლიაში, ღრმაწყლოვანი პორტის მასშტაბური საზღვაო სამშენებლო სამუშაოები დაიწყო.






მდინარეზე მოტივტივე ტრანსპორტი - ბორანი სამეგრელოში მხოლოდ სენაკშია
შემორჩენილი.
12:23 / 10.09.2018
მდინარეზე მოტივტივე ტრანსპორტი - ბორანი სამეგრელოში მხოლოდ სენაკშია შემორჩენილი.
ლაივპრესის სტუდია
პირველი გადაცემა „დისკუსია ლაივპრესში“ რუსულ პროპაგანდას მიეძღვნა.
ცოცხალი ისტორიები
დიანა ქაჯაია - აბიტურიენტი
მონიკა თიგიშვილი - ტრანსგენდერი ქალი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.