მულტიმედია
ხანდაზმულებისა და ახალგაზრდების შეჯიბრი კულინარიაში [ვიდეო]
PLAYER_GET_VIDEOFLASH
„საქართველოს მოხალისე 2018-ის“ მონაწილეები ერთმანეთს კულინარიასა და სამაგიდო თამაშებში შეეჯიბრნენ. პარალელურად, განათლების სამინისტროს პროექტში, სამეგრელო-ზემო სვანეთის მუნიციპალიტეტებიდან ჩართულმა ახალგაზრდებმა წარადგინეს აგვისტოდან დღემდე ჩატარებული მოხალისეობრივი საქმიანობის ერთგვარი ანგარიში. ღონისძიება ზუგდიდში, სოციალურ კაფე „მეგო ბარში“ ჩატარდა.

ახალგაზრდები პროექტის ფარგლებში მოხალისეობრივ საქმიანობას ეწევიან სხვადასხვა სფეროში, აყალიბებენ კლუბებს და ატარებენ როგორც საინფორმაციო, საგანმანათლებლო, ასევე საქველმოქმედო აქციებს. ვინ როგორ იმუშავა ხუთი თვის განმავლობაში - ეს იყო საუბრის მთავარი თემა ამჯერად სივრცეში, სადაც მყუდრო გარემოში საქმიან საუბარს სახალისო შეჯიბრებები ერთვოდა. ღონისძიების მონაწილეები სხვადასხვა ასაკის იყვნენ. მათ შორის ხანდაზმულები, სტუდენტები და სკოლის მოსწავლეები. ასეთი შეკრება თავად ახალგაზრდების ინიციატივით მოეწყო.

როგორც სამეგრელო-ზემო სვანეთის რეგიონში პროექტის კოორდინატორმა, ორგანიზაციის - „ახალგაზრდები სამეგრელოს განვითარებისთვის“ ხელმძღვანელმა ედუარდ ფარცვანიამ გვითხრა, მოზარდებმა თავად ისურვეს მათზე გაცილებით უფროსი ასაკის ხალხთან გართობა და შეჯიბრი.

„მეგო ბარის“ სტუმრებმა ერთად დააგემოვნეს მოხალისეების მიერ მომზადებული მეგრული ხაჭაპური და იტალიური პიცა. დაგეგმილ აქტივობებს დაუგეგმავი სიმღერა და ცეკვა მოჰყვა.

როგორც ერთ-ერთმა სენაკელმა მოხალისემ, ლარისა ნაჭყებიამ გვითხრა, სენაკში ახალგაზრდებმა შექმნეს კლუბი „სიკეთის ხელი“, სადაც 50-მდე ახალგაზრდა ჩაერთო. ისინი ძირითადად დაკავებული არიან ქველმოქმედებით. სოციალური ქსელით აანონსებენ აქციებს, რომლებშიც სხვა მოქალაქეებიც მონაწილეობენ. მოხალისის თქმით, სენაკის კლუბი აქტიურად ჩაერთო აქციაში „გააზიარე სითბო“, რომელიც ზამთრის ცივ დღეებში სოციალურად მძიმე მდგომარეობაში მყოფთა თბილი ტანსაცმლით მომარაგებას ითვალისწინებს. სენაკელი სტუდენტის განმარტებით, პროექტის დასრულების მიუხედავად, მათი აქტივობები არ დასრულდება და კლუბი მუშაობას მომავალშიც გააგრძელებს.

მოხალისეობრივი საქმიანობის შესახებ საკუთარი მოსაზრება გაგვიზიარა სოციალური კაფეს აქტიურმა მომხმარებელმა, 86 წლის თალიკო კაკულიამ. აბობს, რომ ახალგაზრდების ასეთი ჩართულობა მას სიცოცხლეს უხალისებს და უხანგრძლივებს.

პროექტი „საქართველოს მოხალისე 2018“ ქვეყნის მასშტაბით ორგანიზაცია „ჰელფინგ ჰენდის“ დახმარებით ხორციელდება. სამეგრელო-ზემო სვანეთის რეგიონში კი მას „ახალგაზრდები სამეგრელოს განვითარებისთვის“ ხელმძღვანელობს. მისი მიზანია როგორც მოხალისეობის ინსტიტუტის გაძლიერება, ასევე საქართველოს მასშტაბით მოხალისეთა ერთიანი ქსელის განვითარება და მათ მიერ გაწეული შრომის წახალისება.
| Print |  E-mail
FaceBook Twitter Google
სხვა მასალები ამ კატეგორიიდან






- მის ქელი, ძალიან ლამაზი ხარ, - ეუბნება 14 წლის გიგი დედას და
ეხუტება.
11:47 / 26.11.2018
- მის ქელი, ძალიან ლამაზი ხარ, - ეუბნება 14 წლის გიგი დედას და ეხუტება.
21:10 / 18.11.2018
"ფერმერის დღე", რომელიც წელს ზუგდიდში პირველად აღინიშნა, გალა კონცერტით დასრულდა.






რუხში ინოვაციების ცენტრი გაიხსნა. ეს არის სივრცე, სადაც
ახალგაზრდები საკუთარ
13:22 / 16.11.2018
რუხში ინოვაციების ცენტრი გაიხსნა. ეს არის სივრცე, სადაც ახალგაზრდები საკუთარ






მუქი ლურჯი ფერის ყურძენი ოჯალეში უძველესი მეგრული ვაზის ჯიშია,
13:59 / 10.11.2018
მუქი ლურჯი ფერის ყურძენი ოჯალეში უძველესი მეგრული ვაზის ჯიშია,
ლაივპრესის სტუდია
გადაცემა „პირისპირ ლაივპრესთან“ ქალთა მიმართ ძალადობის აღმოფხვრის წინააღმდეგ მიმდინარე 16 დღიან კამპანიას დაეთმო.
ვიდეორეპორტაჟი
დღის ფოტო
ცოცხალი ისტორიები
დემეტრე ლიპარტია - აგრარულ მეცნიერებათა დოქტორი
გრიგოლ დაგარგულია - აგვისტოს ომის რეზერვისტი
დიანა ქაჯაია - აბიტურიენტი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.