ანაკლიის „მომავლის ბანაკის“ მომავალი [Photo]
პროგრამა ანაკლიის „მომავლის ბანაკი“ 2013 წლიდან ხორციელდება. მიზანი
სხვადასხვა სახის
კულტურულ-საგანმანათლებლო და გასართობ-შემეცნებითი ღონისძიების
საშუალებით, საქართველოში და მის გარეთ მცხოვრები 14-18 წლოვანების
ახალგაზრდების აქტიური დასვენება, არაფორმალური განათლების მიღების
შესაძლებლობის შექმნა, ფიზიკური, სულიერი და ინტელექტუალური
პოტენციალის ამაღლება, სოციალური ინტეგრაციის, ჯანსაღი ცხოვრების
წესის პოპულარიზაცია და საქართველოში მცხოვრები ეთნიკური
უმცირესობების ინტეგრაციის ხელშეწყობაა.
„მომავლის ბანაკამდე“ თითქმის იდენტური შინაარსის, ამოცანების, მიზნების პროგრამა, მხოლოდ სხვა სახელწოდებით და ოდნავ შეცვლილი კონტენტით - „პატრიოტთა ბანაკი“, საქართველოს ყოფილმა პრეზიდენტმა მიხეილ სააკაშვილმა 2005 წელს შემოიღო. პროგრამის პირველ ვარიანტში ერთ-ერთ მიზნად ახალგაზრდებში პატრიოტული სულისკვეთების ამაღლებაც იყო მითითებული. მასში 15-დან 23 წლამდე წარჩინებული და სოციალურად დაუცველი მოსწავლე-ახალგაზრდები მონაწილეობდნენ რეგიონებიდან, ასევე საზღვარგარეთ მცხოვრებლები ქართული სათვისტომოებიდან. 2010 წელს პროგრამაში უცხო ქვეყნების ახალგაზრდებიც ჩაერთნენ.
„პატრიოტთა ბანაკი“ 2008 წლის 17 აგვისტოს რუსეთ-საქართველოს ომის დროს რუსმა სამხედროებმა გადაწვეს. ის ერთი წლის თავზე აღდგა, რისთვისაც მილიონ 200 ათასი ლარი დაიხარჯა.
ქვეყანაში ხელისუფლების ცვლილების შემდეგ, ბანაკმა ახალი სახელწოდებით - „ანაკლიის მომავლის ბანაკი“ განაგრძო ფუნქციონირება. პროგრამას მთავრობის განკარგულებით სპორტის და ახალგაზრდობის სამინისტროს დაქვემდებარებაში არსებული „ბავშვთა და ახალგაზრდობის ეროვნული ცენტრი“ ახორციელებს.
„მომავლის ბანაკში“ 2013 წლიდან ამ დრომდე 7 776-მა ბენეფიციარმა დაისვენა. მასში მონაწილეობის მსურველთა სიას განათლების და მეცნიერების სამინისტრო წარადგენს. კრიტერიუმებია მაღალი აკადემიური მოსწრება. მათ შორის უპირატესობა ენიჭებათ სოციალურად დაუცველ, მრავალშვილიან, იძულებით გადაადგილებულ პირებს, ეთნიკური უმცირესობების წარმომადგენლებს, მაღალმთიან და საზღვრისპირა რეგიონებში მცხოვრებ მოსწავლეებს, საქართველოს განათლების და მეცნიერების სამინისტროს მიერ ორგანიზებულ ოლიმპიადებსა და კონკურსებში გამარჯვებულებს. საჯარო სკოლის მოსწავლეთა გარდა „მომავლის ბანაკს“ დიასპორის საკითხებში სახელმწიფო მინისტრის აპარატის ინიციატივით ყოველწლიურად 144 ქართველიც სტუმრობს.
„ბავშვთა და ახალგაზრდობის ეროვნული ცენტრის“ პროგრამების და ბანაკების მართვის დეპარტამენტის უფროსმა თეა ყიფშიძემ „ლაივპრესს“ განუცხადა, რომ ყოველწლიურად ანაკლიის „მომავლის ბანაკი“ გალიდან 50 მოზარდსაც მასპინძლობს, რომელთა შორის ეთნიკური აფხაზებიც არიან. მისი თქმით, ამ პროცესს რაიმე ტიპის სირთულეები თან არ ახლდა. ერთადერთი, გარკვეული სახის ცნობებს, როგორიცაა ჯანმრთელობის, პირადობის დამადასტურებელი მოწმობის ასლი, წინასწარ გადმოგზავნის ნაცვლად ზოგიერთი მათგანი ადგილზე წარმოადგენს.
პროექტში ჩართული ახალგაზრდებისთვის გათვალისწინებულია სპეციალურად შემუშავებული მოდულები - როლური თამაშები, დისკუსიები, პრაქტიკული სავარჯიშოები ადამიანისა და ბავშვთა უფლებების, ეკოლოგიის, ჰიგიენის და საქართველოს ისტორიის შესახებ. ასევე სპორტული აქტივობები ოლიმპიადის პრინციპით. საგანგებო სიტუაციების მართვის სააგენტოს თანამშრომლები კი მოზარდებს სამაშველო ღონისძიებების გატარებას და საგანგებო სიტუაციების მართვის ხელოვნებას ასწავლიან.
ტრენინგებს ასევე მართავს საინფორმაციო ცენტრი ნატოსა და ევროკავშირის შესახებ, კავკასიის გარემოსდაცვითი არასამთავრობო ქსელი, გაეროს მოსახლეობის ფონდი, სპორტისა და ახალგაზრდობის საქმეთა სამინისტროს ახალგაზრდული დეპარტამენტი.
ანაკლიაში პორტის მშენებლობის შემდგომ შეიცვლის თუ არა ადგილმდებარეობას „მომავლის ბანაკი“, ამ ეტაპზე უცნობია:
„დიდი ხანია ამ საკითხზე მიდის მსჯელობა. ასე ამბობდნენ შარშანაც და წელსაც, თუმცა ამის მიუხედავად, „მომავლის ბანაკმა“ ბენეფიციარებს 2015 წელსაც უმასპინძლა და დღესაც სრულფასოვნად ფუნქციონირებს. ჩვენთვის ამის შესახებ არაფერია ცნობილი და ჩვეულ რეჟიმში ვაგრძელებთ მუშაობას“, - გვითხრა თეა ყიფშიძემ.
წელს ანაკლიის „მომავლის ბანაკი“ რვა ეტაპად ჯამში 2 304 მოზარდს მიიღებს, დღეს კი ის მეორე ნაკადის დამსვენებლებს მასპინძლობს.
„მომავლის ბანაკამდე“ თითქმის იდენტური შინაარსის, ამოცანების, მიზნების პროგრამა, მხოლოდ სხვა სახელწოდებით და ოდნავ შეცვლილი კონტენტით - „პატრიოტთა ბანაკი“, საქართველოს ყოფილმა პრეზიდენტმა მიხეილ სააკაშვილმა 2005 წელს შემოიღო. პროგრამის პირველ ვარიანტში ერთ-ერთ მიზნად ახალგაზრდებში პატრიოტული სულისკვეთების ამაღლებაც იყო მითითებული. მასში 15-დან 23 წლამდე წარჩინებული და სოციალურად დაუცველი მოსწავლე-ახალგაზრდები მონაწილეობდნენ რეგიონებიდან, ასევე საზღვარგარეთ მცხოვრებლები ქართული სათვისტომოებიდან. 2010 წელს პროგრამაში უცხო ქვეყნების ახალგაზრდებიც ჩაერთნენ.
„პატრიოტთა ბანაკი“ 2008 წლის 17 აგვისტოს რუსეთ-საქართველოს ომის დროს რუსმა სამხედროებმა გადაწვეს. ის ერთი წლის თავზე აღდგა, რისთვისაც მილიონ 200 ათასი ლარი დაიხარჯა.
ქვეყანაში ხელისუფლების ცვლილების შემდეგ, ბანაკმა ახალი სახელწოდებით - „ანაკლიის მომავლის ბანაკი“ განაგრძო ფუნქციონირება. პროგრამას მთავრობის განკარგულებით სპორტის და ახალგაზრდობის სამინისტროს დაქვემდებარებაში არსებული „ბავშვთა და ახალგაზრდობის ეროვნული ცენტრი“ ახორციელებს.
„მომავლის ბანაკში“ 2013 წლიდან ამ დრომდე 7 776-მა ბენეფიციარმა დაისვენა. მასში მონაწილეობის მსურველთა სიას განათლების და მეცნიერების სამინისტრო წარადგენს. კრიტერიუმებია მაღალი აკადემიური მოსწრება. მათ შორის უპირატესობა ენიჭებათ სოციალურად დაუცველ, მრავალშვილიან, იძულებით გადაადგილებულ პირებს, ეთნიკური უმცირესობების წარმომადგენლებს, მაღალმთიან და საზღვრისპირა რეგიონებში მცხოვრებ მოსწავლეებს, საქართველოს განათლების და მეცნიერების სამინისტროს მიერ ორგანიზებულ ოლიმპიადებსა და კონკურსებში გამარჯვებულებს. საჯარო სკოლის მოსწავლეთა გარდა „მომავლის ბანაკს“ დიასპორის საკითხებში სახელმწიფო მინისტრის აპარატის ინიციატივით ყოველწლიურად 144 ქართველიც სტუმრობს.
„ბავშვთა და ახალგაზრდობის ეროვნული ცენტრის“ პროგრამების და ბანაკების მართვის დეპარტამენტის უფროსმა თეა ყიფშიძემ „ლაივპრესს“ განუცხადა, რომ ყოველწლიურად ანაკლიის „მომავლის ბანაკი“ გალიდან 50 მოზარდსაც მასპინძლობს, რომელთა შორის ეთნიკური აფხაზებიც არიან. მისი თქმით, ამ პროცესს რაიმე ტიპის სირთულეები თან არ ახლდა. ერთადერთი, გარკვეული სახის ცნობებს, როგორიცაა ჯანმრთელობის, პირადობის დამადასტურებელი მოწმობის ასლი, წინასწარ გადმოგზავნის ნაცვლად ზოგიერთი მათგანი ადგილზე წარმოადგენს.
პროექტში ჩართული ახალგაზრდებისთვის გათვალისწინებულია სპეციალურად შემუშავებული მოდულები - როლური თამაშები, დისკუსიები, პრაქტიკული სავარჯიშოები ადამიანისა და ბავშვთა უფლებების, ეკოლოგიის, ჰიგიენის და საქართველოს ისტორიის შესახებ. ასევე სპორტული აქტივობები ოლიმპიადის პრინციპით. საგანგებო სიტუაციების მართვის სააგენტოს თანამშრომლები კი მოზარდებს სამაშველო ღონისძიებების გატარებას და საგანგებო სიტუაციების მართვის ხელოვნებას ასწავლიან.
ტრენინგებს ასევე მართავს საინფორმაციო ცენტრი ნატოსა და ევროკავშირის შესახებ, კავკასიის გარემოსდაცვითი არასამთავრობო ქსელი, გაეროს მოსახლეობის ფონდი, სპორტისა და ახალგაზრდობის საქმეთა სამინისტროს ახალგაზრდული დეპარტამენტი.
ანაკლიაში პორტის მშენებლობის შემდგომ შეიცვლის თუ არა ადგილმდებარეობას „მომავლის ბანაკი“, ამ ეტაპზე უცნობია:
„დიდი ხანია ამ საკითხზე მიდის მსჯელობა. ასე ამბობდნენ შარშანაც და წელსაც, თუმცა ამის მიუხედავად, „მომავლის ბანაკმა“ ბენეფიციარებს 2015 წელსაც უმასპინძლა და დღესაც სრულფასოვნად ფუნქციონირებს. ჩვენთვის ამის შესახებ არაფერია ცნობილი და ჩვეულ რეჟიმში ვაგრძელებთ მუშაობას“, - გვითხრა თეა ყიფშიძემ.
წელს ანაკლიის „მომავლის ბანაკი“ რვა ეტაპად ჯამში 2 304 მოზარდს მიიღებს, დღეს კი ის მეორე ნაკადის დამსვენებლებს მასპინძლობს.