კოლხური ბზის 16 წლის დამცველი [Video]
ყველაფერი ორი წლის წინ დაიწყო, როცა ერთ დილით სკოლის დირექტორის
ზარმა გააღვიძა. მოსწავლეები ურთის მთაზე კოლხური ბზის თესლის
შესაგროვებლად უნდა წასულიყვნენ. ინიციატივა კი გარემოსდაცვითი
არასამთავრობო ორგანიზაციათა ქსელის რეგიონის კოორდინატორს, მაია
კოდუას ეკუთვნოდა. რა თქმა უნდა უარი არ ვთქვი და ჩავები კოლხური ბზის
გადარჩენის საქმეში, - ამბობს ხობის სოფელ ხეთის საჯარო სკოლის მე-11
კლასის მოსწავლე სანდრო ნარსია.
ამის შემდეგ, სანდრომ ეროვნული სამთავრობო გეგმის ფარგლებში განხორციელებულ არაერთ აქტივობაში მიიღო მონაწილეობა. გაიარა ტრენინგ-სემინარები. სკოლის ეზოში კი თანაკლასელებთან ერთად კოლხური ბზის 250 ტოტი დააკალმა.
მოგვიანებით, სანდრომ სახლის სარდაფში სანერგე მეურნეობა მოაწყო, სადაც კოლხური ბზის 200 ტოტი დააკალმა და 1300 მარცვალი დათესა.
„საქართველოს მასშტაბით ბზის კორომების უდიდესი ნაწილი განადგურებულია. ამიტომ გადავწყვიტე, რომ ჩემით მომეწყო პატარა სანერგე სახლში, ჩემი მთავარი მოტივაცია ის არის, რომ დამეცვა ასეთი მნიშვნელოვანი მცენარე და ჩემი წვლილი შემეტანა კოლხური ბზის გადარჩენაში“, - უთხრა „ლაივპრესს“ სანდრო ნარსიამ.
ზაფხულში, როცა უკვე დაკალმებული ტოტები ღია გრუნტში გადასატანად მზად იქნება, სანდრო მათ გასაჩუქრებას, მომავალ შემოდგომაზე კი ტოტების ისევ დაკალმებას გეგმავს.
სანდროს სახლის ეზოში 150-წლოვანი სამი ძირი კოლხური ბზა ხარობს, რომლებსაც უმკურნალა და სიცოცხლე შეუნარჩუნა.
ამის შემდეგ, სანდრომ ეროვნული სამთავრობო გეგმის ფარგლებში განხორციელებულ არაერთ აქტივობაში მიიღო მონაწილეობა. გაიარა ტრენინგ-სემინარები. სკოლის ეზოში კი თანაკლასელებთან ერთად კოლხური ბზის 250 ტოტი დააკალმა.
მოგვიანებით, სანდრომ სახლის სარდაფში სანერგე მეურნეობა მოაწყო, სადაც კოლხური ბზის 200 ტოტი დააკალმა და 1300 მარცვალი დათესა.
„საქართველოს მასშტაბით ბზის კორომების უდიდესი ნაწილი განადგურებულია. ამიტომ გადავწყვიტე, რომ ჩემით მომეწყო პატარა სანერგე სახლში, ჩემი მთავარი მოტივაცია ის არის, რომ დამეცვა ასეთი მნიშვნელოვანი მცენარე და ჩემი წვლილი შემეტანა კოლხური ბზის გადარჩენაში“, - უთხრა „ლაივპრესს“ სანდრო ნარსიამ.
ზაფხულში, როცა უკვე დაკალმებული ტოტები ღია გრუნტში გადასატანად მზად იქნება, სანდრო მათ გასაჩუქრებას, მომავალ შემოდგომაზე კი ტოტების ისევ დაკალმებას გეგმავს.
სანდროს სახლის ეზოში 150-წლოვანი სამი ძირი კოლხური ბზა ხარობს, რომლებსაც უმკურნალა და სიცოცხლე შეუნარჩუნა.