საახალწო სუფრის არასადღესასწაულო ფასები [Video]
ახალი წლის დადგომას ოჯახები განსაკუთრებული სამზადისით ხვდებიან.
ბევრისთვის ამ დღის მოლოდინს საზეიმო განწყობა ახლავს თან,
ზოგიერთისთვის კი ეს განწყობა მისი ჯიბით და ფინანსებით იზომება.
ზუგდიდის ბაზარი წინასადღესასწაულოდ ჩვეულებრივზე მეტი ხალხმრავლობით
გამოირჩევა, რაც არც არავის უკვირს. ნავაჭრით დატვირთული ურიკები,
ჩიჩილაკ და ნაძვის ხე მომარჯვებული მოქალაქეები, მშობლების ხელებს
ჩაფრენილი პატარები ფოიერვერკებს, მაშხალებს ჩახუტებულები, ერთმანეთს
გვერდს დიდი გაჭირვებით უქცევენ. მოცინარი, სახეგაბადრული,
გაღიზიანებული, დაღლილი გამომეტყველებები ამ სახალხო „მღელვარებაში“
შემოგეყრებიან გზად.. თუმცა რაღა გზად.. მეც და ისინიც ერთმანეთს
„ვებრძვით“, ან ერთი მიზნისთვის „ვიბრძვით“, ორომტრიალში როგორმე
მოვახერხოთ გადაადგილება, მარჯვნივ, მარცხნივ, წინ თუ
უკან..მნიშვნელობა აღარ აქვს..
მოვაჭრეები მყიდველთა ნაკლებობაზე მეწუწუნებიან, მოქალაქეები პროდუქტების ღირებულებაზე. ეროვნული კურსის გაუფასურება, მთავრობის „არასწორი პოლიტიკა“, დაბალი პენსია, ეს ის პრეტენზიებია, რაც ხალხის მხრიდან სახელმწიფოს მისამართით ყველაზე ხშირად მესმის.
მოვაჭრის ხელში თავდაღმა დაკიდული გოჭები პოტენციური „პატრონის“ მოლოდინში განწირული ხმით ჭყივიან. ინდაურები და ქათმები უხმოდ მობუზულან.
გოჭის ფასი საშუალოდ 55 ლარიდან იწყება და 120-130 ლარამდე ადის. მომცრო ზომის ინდაურის შეძენას მყიდველი 35 ლარად შეძლებს. უფრო მოზრდილებს 45, 60. 78, 80 ლარად შეხვდებით.
ქართულ საახალწლო სუფრას ხაჭაპურის გარეშე თითქმის ვერსად ნახავთ. ამისთვის ჭყინტი ყველი დაგჭირდებათ. ერთი კილოგრამის შეძენა 13-14 ლარის ფარგლებში მოგიწევთ. სულგუნი 18 ლარი ღირს, შებოლილი ყველი კი 19.
სუფრისთვის ტრადიციულად აუცილებელია გოზინაყიც. მსურველებმა ერთ კილო თაფლში 10, ლიტრში 15 ლარი უნდა გადაიხადონ, რაც 5-ით მეტია შარშანდელ ღირებულებაზე. თუმცა ეს ყველაფერი არ არის. მხოლოდ თაფლით ვერაფერს გახდებით. კიდევ ნიგოზის ყიდვა მოგიწევთ.
„ნიგოზის ასაღები ფასი 27 ლარია და მე 30-ად არ გავყიდო? 200 გრამსაც ყიდულობენ, ჭიქასაც ყიდულობენ. უჭირთ. ეს 35 ლარიანია. ყველა ვერ იყიდის“, - მიხსნის გამყიდველი.
გზას საქონლის ხორცის დახლებისკენ განვაგრძობ. სადღესასწაულოდ ფასმა ორი ლარით მოიმატაო მითხრეს. დღეს მისი შეძენა 12 ლარად შეგიძლიათ.
საახალწლო სუფრის სამარხვო ელემენტი თევზია. ზღვის პროდუქტის ღირებულება 3 ლარიდან იწყება და 30,45 ლარსაც აღწევს, სახეობის მიხედვით.
მომატებულია სურსათზე ფასებიც საშუალოდ 10, 5 თეთრით.
მოქალაქეების თქმით „ცხოვრება გაძვირდა“, ამიტომ უჭირთ, განსაკუთრებით სადღესასწაულოდ პროდუქტების შეძენა. ბევრმა ვერ იყიდა ის, რაც სურდა, ზოგიერთმა მეტ-ნაკლებად მაინც შეძლო. მიუხედავად ამ ყველაფრისა, ამბობენ, რომ დღეს ღამით ყველა ოჯახში საახალწლო სუფრა გაიშლება.
„ვემზადებით. ვიკლებთ რაღაცას და კარგი განწყობით ვხვდები. როცა იცი, რომ ყველაფერი ნაყიდი გაქვს, ხასიათი გიკეთდება. საშუალოდ 150-200 ლარამდე დამიჯდა. როცა საქონელი სახლში გყავს, ქათამი, მაშინ გეყოფა“, - გვითხრა სვეტლანა მელიქიანმა.
ნავაჭრით დატვირთული მოქალაქეები ბაზრის შემოსასვლელში ირევიან. ხელს გააყოლეთო ჩიჩილაკი, კანფეტები, შოკოლადები იაფად, - მოვაჭრეები ერთმანეთის ხმის გადაფარვას ცდილობენ. დახლებზე სათამაშო ბიბილოაშლილი, დეზებიანი მამლები გაფხორილან ამაყად. მათი დრო ახლოვდება - რამდენიმე საათში საქართველო ახალი, 2017 წლის დადგომას იზეიმებს.
მოვაჭრეები მყიდველთა ნაკლებობაზე მეწუწუნებიან, მოქალაქეები პროდუქტების ღირებულებაზე. ეროვნული კურსის გაუფასურება, მთავრობის „არასწორი პოლიტიკა“, დაბალი პენსია, ეს ის პრეტენზიებია, რაც ხალხის მხრიდან სახელმწიფოს მისამართით ყველაზე ხშირად მესმის.
მოვაჭრის ხელში თავდაღმა დაკიდული გოჭები პოტენციური „პატრონის“ მოლოდინში განწირული ხმით ჭყივიან. ინდაურები და ქათმები უხმოდ მობუზულან.
გოჭის ფასი საშუალოდ 55 ლარიდან იწყება და 120-130 ლარამდე ადის. მომცრო ზომის ინდაურის შეძენას მყიდველი 35 ლარად შეძლებს. უფრო მოზრდილებს 45, 60. 78, 80 ლარად შეხვდებით.
ქართულ საახალწლო სუფრას ხაჭაპურის გარეშე თითქმის ვერსად ნახავთ. ამისთვის ჭყინტი ყველი დაგჭირდებათ. ერთი კილოგრამის შეძენა 13-14 ლარის ფარგლებში მოგიწევთ. სულგუნი 18 ლარი ღირს, შებოლილი ყველი კი 19.
სუფრისთვის ტრადიციულად აუცილებელია გოზინაყიც. მსურველებმა ერთ კილო თაფლში 10, ლიტრში 15 ლარი უნდა გადაიხადონ, რაც 5-ით მეტია შარშანდელ ღირებულებაზე. თუმცა ეს ყველაფერი არ არის. მხოლოდ თაფლით ვერაფერს გახდებით. კიდევ ნიგოზის ყიდვა მოგიწევთ.
„ნიგოზის ასაღები ფასი 27 ლარია და მე 30-ად არ გავყიდო? 200 გრამსაც ყიდულობენ, ჭიქასაც ყიდულობენ. უჭირთ. ეს 35 ლარიანია. ყველა ვერ იყიდის“, - მიხსნის გამყიდველი.
გზას საქონლის ხორცის დახლებისკენ განვაგრძობ. სადღესასწაულოდ ფასმა ორი ლარით მოიმატაო მითხრეს. დღეს მისი შეძენა 12 ლარად შეგიძლიათ.
საახალწლო სუფრის სამარხვო ელემენტი თევზია. ზღვის პროდუქტის ღირებულება 3 ლარიდან იწყება და 30,45 ლარსაც აღწევს, სახეობის მიხედვით.
მომატებულია სურსათზე ფასებიც საშუალოდ 10, 5 თეთრით.
მოქალაქეების თქმით „ცხოვრება გაძვირდა“, ამიტომ უჭირთ, განსაკუთრებით სადღესასწაულოდ პროდუქტების შეძენა. ბევრმა ვერ იყიდა ის, რაც სურდა, ზოგიერთმა მეტ-ნაკლებად მაინც შეძლო. მიუხედავად ამ ყველაფრისა, ამბობენ, რომ დღეს ღამით ყველა ოჯახში საახალწლო სუფრა გაიშლება.
„ვემზადებით. ვიკლებთ რაღაცას და კარგი განწყობით ვხვდები. როცა იცი, რომ ყველაფერი ნაყიდი გაქვს, ხასიათი გიკეთდება. საშუალოდ 150-200 ლარამდე დამიჯდა. როცა საქონელი სახლში გყავს, ქათამი, მაშინ გეყოფა“, - გვითხრა სვეტლანა მელიქიანმა.
ნავაჭრით დატვირთული მოქალაქეები ბაზრის შემოსასვლელში ირევიან. ხელს გააყოლეთო ჩიჩილაკი, კანფეტები, შოკოლადები იაფად, - მოვაჭრეები ერთმანეთის ხმის გადაფარვას ცდილობენ. დახლებზე სათამაშო ბიბილოაშლილი, დეზებიანი მამლები გაფხორილან ამაყად. მათი დრო ახლოვდება - რამდენიმე საათში საქართველო ახალი, 2017 წლის დადგომას იზეიმებს.