საზოგადოება
დედა ხანას სადღესასწაულო რიტუალი - ქრისტეს ქადა [ვიდეო]
FaceBook Twitter
E-mail Print
ქრისტიანულ დღესასწაულებს საქართველოს კუთხეებში სხვადასხვა ტრადიციით ხვდებიან. მაგალითად, სენაკში მცხოვრები ასირიელები შობა-ახალ წელს ქადას აცხობენ და ეკლესიაში მიაქვთ.

სენაკში ამბობენ, რომ საუკეთესო ქადას 86 წლის ხანა მაზრაშვილი აცხობს. ჩვენც განთქმული ქადის დასაგემოვნებლად მას ვესტუმრეთ.

შობა-ახალი წლის დღესასწაულებზე სტუმრების მიღების შემდეგ, დიასახლისს მხოლოდ რამდენიმე ნაჭერი ჰქონდა შემონახული. ფაფუკი, პრიალა ზედაპირით, რომბისებურად დაჭრილი ნაჭრები გამოგვიტანა, რომელსაც ჩვენებურ ქადასთან არაფერი აქვს საერთო. ის უფრო სააღდგომო პასკის ცომს წააგავს, თუმცა არც პასკაა.

დედა ხანას, ასე ეძახიან მას სენაკში, ვთხოვეთ ჩვენთან ერთად მოემზადებინა ქადა, თუმცა მან თქვა, რომ ქადის გამოცხობას ისეთი შთაგონება სჭირდება, რასაც ვიდეოკამერასთან სახელდახელოდ ვერ მოახერხებს.

„ეს იესო ქრისტეს ქადაა. უძველესი რეცეპტია. დედაჩემმა მასწავლა. მასაც წინაპრებმა ასწავლეს. საგანგებოდ ვემზადები მის გამოსაცხობად. დილის 6 საათზე ვიწყებ ცომის მოზელას. სამლოცველოში ლოცვებს ვკითხულობ. ქადის რეცეპტი ბევრს ჩავაწერინე, მაგრამ მეუბნებიან, რომ არ გამოსდით ჩემნაირი. აქ ინგრედიენტები არ არის მთავარი, სიყვარულით უნდა მოამზადო, ღმერთისა და მოყვასის სიყვარულით და გამოგივა“, - გვითხრა ხანა მაზრაშვილმა.

დედა ხანამ გვიამბო, რომ სენაკში მისი წინაპრები მე -19 საუკუნეში დასახლდნენ. ბაბუა მღვდელი ჰყავდა. ქრისტიანული რიტუალების და შრომის სიყვარული მშობლებისგან მიიღო. მისთვის ქრისტიანობისა და ცხოვრების მთავარი ფილოსოფია, გაჭირვებაში მყოფი ადამიანის დახმარება და სიკეთის კეთებაა.

„ხუთი შვილი, შვილიშვილები და შვილთაშვილები მყავს. საზღვარგარეთ ცხოვრობენ და ფინანსურად მეხმარებიან. მათ გამოგზავნილ ფულს ჩემს პენსიასაც დავუმატებ და გაჭირვებულებს ვაძლევ. ადრე პურს ვაცხობდი და ცხელი პური მიმქონდა ღარიბებისთვის, მაგრამ ახლა სახსრები მტკივა და ვეღარ ვზელ ცომს, ვყიდულობ ხოლმე. ეს არის ჩემი პროფესია, რომ სხვებს დავეხმარო და ბედნიერი ვარ ჩემი შრომით“, - გვითხრა დედა ხანამ.

მას გასულ წელს „სენაკზე მზრუნველის“ წოდება მიანიჭეს. დედა ხანა მადლობას უხდის თანაქალაქელებს პატივისცემისთვის, თუმცა ამბობს, რომ მისთვის ჯილდო მნიშვნელოვანი არ არის.

დამშვიდობებისას მან სამლოცველოში შეგვიყვანა და არამეული საგალობელი შეასრულა ჩვენთვის, თან დაგვპირდა, რომ „ქრისტეს ქადას“ ჩვენთან ერთად სააღდგომოდ მოამზადებს.

Print E-mail
Twitter
სხვა მასალები
ერნა პეპანიანი 21 წლისაა და წალკაში, სოფელ დაშბაშში საოჯახო ბიზნესს
მართავს.
18:32 / 04.11.2022
ერნა პეპანიანი 21 წლისაა და წალკაში, სოფელ დაშბაშში საოჯახო ბიზნესს მართავს.
თეა ადიკაშვილსა და დარეჯან ცირამუას თბილისიდან 28
კილომეტრში,
02:06 / 02.09.2022

თეა ადიკაშვილსა და დარეჯან ცირამუას თბილისიდან 28 კილომეტრში,

გიგა დოღონაძეს ქუთაისის ცენტრალურ არქივში შევხვდით.
17:45 / 25.06.2022
გიგა დოღონაძეს ქუთაისის ცენტრალურ არქივში შევხვდით.
22:08 / 15.04.2022
"როცა საზოგადოებას ნაკლები ინფორმაცია აქვს, დეზინფორმაციას მარტივად იჯერებს.
კორონავირუსი

საბჭოთა რეპრესიები

ვიდეო
პატარა “სანტები” თანატოლების დასახმარებლად [ვიდეო]
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
ისევ მშივრები, ისევ ქუჩაში - მოქალაქეთა აქტივიზმით გადარჩენილი სიცოცხლეები [ვიდეო]
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
პირველი მეგრულენოვანი ანიმაცია - ხობელი ანიმატორის სტუდია დიდი გეგმებით [ვიდეო]
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
სკოლის ნათხოვარ შენობაში დაწყებული ჩხოროწყუელი მოსწავლეების ბრძოლა უკეთესი გარემოსთვის [ვიდეო]
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.