საზოგადოება
უცნობი დღიურები ზვიად გამსახურდიაზე [ვიდეო]
PLAYER_GET_VIDEOFLASH
ზუგდიდელი ხათუნა დარასელია 19 წლის იყო, როცა სამოქალაქო ომის დროს მშობლებმა სამეგრელოს მთიან სოფელში, ჯაღრაში გახიზნეს. გოგონა მაშინ დღიურებს წერდა. 1993 წლის 13 დეკემბრით დათარიღებულ ჩანაწერში ვკითხულობთ, რომ სახლში, სადაც ხათუნა ცხოვრობდა, საქართველოს ექსპრეზიდენტი ზვიად გამსახურდია მიიყვანეს.

„ყველაფერი ისეთ ისტორიას ჰგავდა, ფილმებში რომ გინახავთ. პრეზიდენტი და მისი თანმხლები პირები არავის უნდა შეემჩნია. სოფელში მეზობლებს უკვირდათ, ჩვენი საკვამურიდან ღამითაც რომ ამოდიოდა ბოლი, მაგრამ დეიდაჩემი, ვის სახლშიც ვიყავით, ეუბნებოდა, რომ ბუხარი ჩემთვის ენთო. მეზობლებს რომ არ შეემჩნიათ ჩვენი ფანჯრიდან ღამით შუქი, ამიტომ ტელევიზორის მოციმციმე შუქზე ვწერდი. თუ დენი არ გვქონდა, ლამპის სინათლეზე ვწერდი“, - გვითხრა ხათუნამ.

ჩანაწერებში გადმოცემულია ზვიადთან შეხვედრით განცდილი უსაზღვრო ბედინერება. ჯაღრაში გატარებული ყოველი დღე მისთვის აქამდე ოცნებებში კი წარმოუდგენელი იყო. ის უმზადებდა საუზმეს, უსმენდა მის მიერ მოყოლილ ამბებს. დაახლოებით ერთი კვირა გაატარა პრეზიდენტთან და მის თანმხლებ პირებთან ერთად. მიიღო ავტოგრაფი წიგნზე  -„საქართველოს სულიერი მისსია“ .

„სიმართლე გითხრათ, იშვიათად ვფურცლავ. ახლა, ამ გადმოსახედიდან ძალიან კრიტიკულად ვაფასებ ჩემს ნაწერს. ზოგადად, როცა დღიურს წერ, ამას ხომ მხოლოდ შენთვის აკეთებ და არა საჯაროდ გამოქვეყნებისთვის. ახლა ცოტა მერიდება კიდეც, თუ როგორ მაქვს აღწერილი, როგორ ვტიროდი, როგორ ვნერვიულობდი და განვიცდიდი ყველაფერს. ეს არ არის მწერლის ენა, ეს უბრალოდ დღიურია, რომელიც ასახავს პატარა გოგონას შეხვედრას პრეზიდენტთან“, - ამბობს ხათუნა.

ჩანაწერები მან 2004 წელს, მეგობრების თხოვნით გამოსცა სათაურით „ფრაგმენტები კოლხური დღიურიდან“ და მათვე აჩუქა.

„მაშინ ვხვდებოდი, რომ მე ძალიან მნიშვნელოვანი ისტორიის ნაწილი ვიყავი, მაგრამ ეს რომ მისი სიცოცხლის უკანასკნელი დღეები იქნებოდა, არ მეგონა. უბრალოდ ვიცოდი, რომ ერთხელაც ყველა გაიგებდა, თუ როგორ გახდა საქართველოს პრეზიდენტი დევნილი თავის ქვეყანაში, და როგორ იმალებოდა სამეგრელოს ტყეებში“, - გვითხრა ხათუნამ.
| Print |  E-mail
FaceBook Twitter Google
სხვა მასალები ამ კატეგორიიდან






ციხეში გატარებული 17 წლის შემდეგ.
13:47 / 19.07.2018

ციხეში გატარებული 17 წლის შემდეგ.







საბჭოთა წარსული ბევრ გახმაურებულ საქმეს ინახავს. მათ შორის
ერთ-ერთია „მეგრელთა საქმე“, რასაც ადამიანების დაკავება-ტერორი
მოჰყვა.
14:19 / 18.07.2018
საბჭოთა წარსული ბევრ გახმაურებულ საქმეს ინახავს. მათ შორის ერთ-ერთია „მეგრელთა საქმე“, რასაც ადამიანების დაკავება-ტერორი მოჰყვა.






ზუგდიდმა ახალი დროშა და გერბი მიიღო, რომელზეც გამოსახულია
ღვთისმშობლის კვართი.
14:47 / 07.07.2018
ზუგდიდმა ახალი დროშა და გერბი მიიღო, რომელზეც გამოსახულია ღვთისმშობლის კვართი.






სამეგრელოს მუნიციპალიტეტების მერები მიუსაფარ ცხოველთა
17:48 / 04.07.2018
სამეგრელოს მუნიციპალიტეტების მერები მიუსაფარ ცხოველთა
ცოცხალი ისტორიები
დიანა ქაჯაია - აბიტურიენტი
მონიკა თიგიშვილი - ტრანსგენდერი ქალი
ქეთო ნინიძე - მეღვინე
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.