საზოგადოება
კოლხური ბზის მცველის რჩევები ბზის დასაკალმებლად [ვიდეო/ფოტო]
PLAYER_GET_VIDEOFLASH
17 წლის სანდრო ნარსია, რომელიც კოლხური ბზის გადარჩენაზე უკვე რამდენიმე წელია მუშაობს, „ლაივპრესის“ მკითხველს ბზობის დღესასწაულზე რეკომენდაციებს აწვდის.

გარემოს ახალგაზრდა დამცველი ამბობს, რომ მნიშნელოვანია თითოეულმა მოქალაქემ უნიკალური კოლხური ბზის გადარჩენაში წვლილი შეიტანოს და მცენარის დაკალმებაზე იზრუნოს. მით უფრო, როგორც სანდრო გვიხსნის, ეს რთული პროცედურა არ არის.

სანდროს სიტყვებით, უნდა ავიღოთ არანაკლებ ერთი წლის, ჯანმრთელი ბზის ბუჩქიდან დაახლოებით 12-15 სმ სიგრძის ტოტი, რომელიც არ არის დაზიანებული მავნებლებისგან და არ აქვს სოკოვანი დაავადებები. წინააღმდეგ შემთხვევაში, დიდი ალბათობით მცენარე გაიზრდება დაავადებული და საბოლოო ჯამში ვერ გაიხარებს.

დასაკალმებლად გამოდგება იმ ბზის ტოტებიც, რომელიც ბზობის დღესასწაულზე იყიდება. მხოლოდ, ასეთ შემთხვევაში როგორც გარემოსდამცველი ამბობს, აუცილებელია ტოტი 1-2 დღით წყალში მოვათავსოთ, რადგან რეალიზაციამდე გაცილებით ადრე იჭრება და ხშირად ზედმეტად გამომშრალია.

„დასაკალმებლად უნდა ავიღოთ ტოტი, რომელიც არის სრულიად ჯანმრთელი, რომელსაც არ აღენიშნება სიმპტომები, რომ არის ბზის ალურასგან (მავნებელი) დაზიანებული. რაში გამოიხატება ეს: არ უნდა იყოს ბუჩქზე აბლაბუდები, შავი ფერის ფეკალური მასები, მწვანე შეფერილობის მწვანე ზოლებით მატლი და პეპელა ფრთებზე, თეთრი შეფერილობის შავი დაბოლოებებით“, - ამბობს სანდრო ნარსია.

მისი განმარტებით, შერჩეულ ტოტს ვაცლით ქვედა წყვილ ფოთლებს და ვუტოვებთ მხოლოდ რამდენიმეს, შემდეგ კი მიწით სავსე პატარა თასში დაახლოებით 5 სმ-ის სიღმეში ვათავსებთ. კარგია თუ გამოვიყენებთ დასაფესვიანებელ ხსნარს.

„ბზა უნდა მოვრწყათ რეგულარულად, მას არ უნდა გამოუშრეს ნიადაგი. კარგ გარემოპირობებს თუ შევუქმნით, დაახლოებით 2 თვეში დაფესვიანდება. შედეგად კი ვიქნებით გმირები და გადავარჩენთ კოლხურ ბზას“, - ამბობს სანდრო.

ის საკუთარი ბზის კორმებს ბზობის დღესასწაულზე თბილისში ყიდის. გარდა ამისა, მოზარდისგან ნერგების შეძენა ადგილზეც, ან სოციალური ქსელის საშუალებითაც არის შესაძლებელი.

სანდრო ნარსიამ სანერგე მეურნეობის მოწყობა 2015 წელს დაიწყო. თავდაპირველად მან სახლის სარდაფში სანერგე მეურნეობა მოაწყო, სადაც კოლხური ბზის 200 ტოტი დააკალმა და 1300 მარცვალი დათესა.
| Print |  E-mail
FaceBook Twitter Google
სხვა მასალები ამ კატეგორიიდან






ისტორიული წყაროებით, სამეგრელოს მთიან ნაწილში მეგრული ვაზის ჯიშებით
საუცხოო ღვინოს ამზადებდნენ,
17:01 / 25.09.2018
ისტორიული წყაროებით, სამეგრელოს მთიან ნაწილში მეგრული ვაზის ჯიშებით საუცხოო ღვინოს ამზადებდნენ,






მდინარეზე მოტივტივე ტრანსპორტი - ბორანი სამეგრელოში მხოლოდ სენაკშია
შემორჩენილი.
12:23 / 10.09.2018
მდინარეზე მოტივტივე ტრანსპორტი - ბორანი სამეგრელოში მხოლოდ სენაკშია შემორჩენილი.






ღომი სამეგრელოს გასტრონომიული კულტურის მთავარი კერძად ითვლება.
09:35 / 06.09.2018
ღომი სამეგრელოს გასტრონომიული კულტურის მთავარი კერძად ითვლება.






1901 წელს, სენაკში მცხოვრებმა აზნაურმა ვარლამ გვათუამ საქართველოში
პირველი ავტომანქანა ჩამოიყვანა.
09:41 / 03.09.2018
1901 წელს, სენაკში მცხოვრებმა აზნაურმა ვარლამ გვათუამ საქართველოში პირველი ავტომანქანა ჩამოიყვანა.
ლაივპრესის სტუდია
გადაცემაში „დისკუსია ლაივპრესში“ ზუგდიდში პარკირების გაუმართავ სისტემაზე ვისაუბრეთ.
ვიდეორეპორტაჟი
ცოცხალი ისტორიები
დიანა ქაჯაია - აბიტურიენტი
მონიკა თიგიშვილი - ტრანსგენდერი ქალი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.