საზოგადოება
სენაკის სინაგოგის და ქართულ-ებრაული ურთიერთობების მცველი [ვიდეო/ფოტო]
PLAYER_GET_VIDEOFLASH
ოდესღაც სამი ათასი ებრაელიდან სენაკში დღეს მხოლოდ ერთი, სიმონ წიწუაშვილი ცხოვრობს. მან სინაგოგას ჩარაზული კარები გაგვიღო და გვითხრა, რომ თურმე სინაგოგაში ლოცვა მხოლოდ მაშინ ტარდება, როცა ჯამაათი, ანუ მინიმუმ 10 მამაკაცი შეიკრიბება.

გამოდის, რომ ეს ერთი კაცის სინაგოგაა, - ვთქვი ჩემთვის ჩუმად.

- არა რატომ, ეს ჩემი სინაგოგა არ არის მხოლოდ, ეს ჩვენი ურთიერთობების, დიდი ტრადიციების და კულტურის სიმბოლოა, რომელსაც გაფრთხილება სჭირდება, - მითხრა სიმონმა.

მან გვიამბო, როგორ დატოვეს სენაკი ქართველმა ებრაელებმა გასული საუკუნის 90-იან წლებში. მისი თქმით, სამოქალაქო ომის დროს, სამეგრელოში მცხოვრები ებრაელები არაფორმალური შეიარაღებული დაჯგუფებების განსაკუთრებული სამიზნე იყვნენ და მათი ისრაელში გამგზავრებაც ამ პერიოდიდან დაიწყო.

„უკანასკნელ მოჰიკანს მეძახიან. ჩემი და-ძმა, უფროსი ვაჟი, ყველა წავიდა. მე ვერ წავედი. ვიღაც ხომ უნდა დარჩეს, რომ აქაურობას, წინაპრების საფლავებს, სინაგოგას უპატრონოს. წარმოიდგინეთ, რომ ორი დედა გყავთ, ორივე გიყვართ, ერთი ბიოლოგიური, მეორე გამზრდელი, ასეა ჩვენთვის. ის ისტორიული მიწა გვიხმობს, მაგრამ ესეც გვტკივა, საქართველო ხომ ჩვენი გამზრდელი დედაა“, - გვითხრა სიმონმა.

მას სენაკში კიდევ ჰყავს 12 წლის ვაჟი და ფიქრობს, რომ გაიზრდება, ის თავად გადაწყვეტს სად იცხოვროს, საქართველოში, თუ ისრაელში.

სიმონმა გვითხრა, რომ ებრაელები ახლა პასექს აღნიშნავენ, თუმცა მალე ქრისტიანული დღესასწაული - აღდგომა მოდის, რაც მისთვისაც მნიშვნელოვანია, რადგან როგორც თვითონ ამბობს, მისი „მეგობრების დღესასწაულია“.

„ჩვენი პასექი ამ შაბათს ჩაივლის, შემდეგ ქრისტიანების აღდგომა დგება. ყველა ქრისტიანული დღესასწაულის წინ ლარ-ნახევრად ვყიდულობ 150 სმს-ს, ავიღებ უბის წიგნაკს, სადაც ტელეფონის ნომრები მიწერია და ვუგზავნი მილოცვებს ქრისტიან მეგობრებს. მე არ მიყვარს ადამიანი, რომელიც მორჩილებაშია, ჯობია სიყვარულში იყოს, სიყვარული ყველაზე დიდი მორჩილებაა, როდესაც გიყვარს, არ გემძიმება ცხოვრება, როცა არ გიყვარს, გემძიმება“, - გვითხრა სიმონ წიწუაშვილმა.

დამშვიდობისას, ისევ საგულდაგულოდ ჩარაზა სინაგოგას კარები. მან არ იცის, აქ ჯამაათი თუ კიდევ შეიკრიბება, თუმცა ყოველდღიურად ზრუნავს აქაურობაზე. სინაგოგაში ლოცვა ბოლოს, გარემონტებული შენობის გახსნის დღეს, 2014 წელს ჩატარდა.

1970 წელს აშენებული ებრაელების სალოცავი ფონდმა „ქართუმ“ მას შემდეგ გაარემონტა, რაც სიმონ წიწუაშვილმა ყოფილ პრემიერ-მინისტრს ბიძინა ივანიშვილს მიმართა.

მიმდინარე წლის 28 მარტს ქართულ-ებრაულ 26-საუკუნოვან ურთიერთობის ტრადიციას არამატერიალური კულტურული მემკვიდრეობის ძეგლის სტატუსი მიენიჭა, - ამის შესახებ სამართლებრივი აქტი საქართველოს კულტურული მემკვიდრეობის დაცვის ეროვნული სააგენტომ გამოსცა.
| Print |  E-mail
FaceBook Twitter Google
სხვა მასალები ამ კატეგორიიდან






ისტორიული წყაროებით, სამეგრელოს მთიან ნაწილში მეგრული ვაზის ჯიშებით
საუცხოო ღვინოს ამზადებდნენ,
17:01 / 25.09.2018
ისტორიული წყაროებით, სამეგრელოს მთიან ნაწილში მეგრული ვაზის ჯიშებით საუცხოო ღვინოს ამზადებდნენ,






მდინარეზე მოტივტივე ტრანსპორტი - ბორანი სამეგრელოში მხოლოდ სენაკშია
შემორჩენილი.
12:23 / 10.09.2018
მდინარეზე მოტივტივე ტრანსპორტი - ბორანი სამეგრელოში მხოლოდ სენაკშია შემორჩენილი.






ღომი სამეგრელოს გასტრონომიული კულტურის მთავარი კერძად ითვლება.
09:35 / 06.09.2018
ღომი სამეგრელოს გასტრონომიული კულტურის მთავარი კერძად ითვლება.






1901 წელს, სენაკში მცხოვრებმა აზნაურმა ვარლამ გვათუამ საქართველოში
პირველი ავტომანქანა ჩამოიყვანა.
09:41 / 03.09.2018
1901 წელს, სენაკში მცხოვრებმა აზნაურმა ვარლამ გვათუამ საქართველოში პირველი ავტომანქანა ჩამოიყვანა.
ლაივპრესის სტუდია
გადაცემაში „დისკუსია ლაივპრესში“ ზუგდიდში პარკირების გაუმართავ სისტემაზე ვისაუბრეთ.
ვიდეორეპორტაჟი
ცოცხალი ისტორიები
დიანა ქაჯაია - აბიტურიენტი
მონიკა თიგიშვილი - ტრანსგენდერი ქალი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.