საზოგადოება
მოსწავლე დიპლომატი, რომელიც რუსეთთან ურთიერთობების კუთხით მუშაობაზე ოცნებობს [ვიდეო]
PLAYER_GET_VIDEOFLASH
მერაბ დოლბაია ახალგაზრდა დიპლომატია ხობიდან. პირველი საჯარო სკოლის მე-11 კლასის მოსწავლემ უკვე იცის მომავალ პროფესიასთან ერთად ისიც, რა საკითხზე სურს მუშაობა - ეს რუსეთის ფედერაციასთან საქართველოს ურთიერთობებია.

მერაბს სკოლის ბიბლიოთეკაში შევხვდით, სადაც მოგვიყვა, თუ როგორ ესტუმრა თანატოლებთან ერთად ბრიუსელსა და ჰააგას, ევროპის აკადემიური ცენტრის პროექტის ფარგლებში. აქ ისინი გაეცნენ ევროპარლამენტის და სასამართლოს მუშაობის პრინციპს. მოისმინეს ლექციები, რომელსაც პროფესიონალ დიპლომატად ჩამოყალიბების პროცესში გამოიყენებს.

სკოლის მოსწავლე აზრის გამოხატვას არ უფრთხის და საკუთარ თავში დარწმუნებულს, არც მომავალი გამოწვევები აშინებს.

მერაბი პოლიტიკით, ნატოს და ევროკავშირის თემით ჯერ კიდევ შარშან დაინტერესდა. იყო არაერთი პროექტის მონაწილე, სადაც ახალ ცოდნას და ინფორმაციას უზიარებდნენ. როცა ამ პროექტის შესახებ შეიტყო, ცენტრს დაუკავშირდა, გასაუბრება წარმატებით გაიარა და სხვა ახალგაზრდებთან ერთად, ევროპის ერთ-ერთ მთავარ პოლიტიკურ ცენტრში ჩავიდა.

ამბობს, რომ მისთვის ევროპა მშვიდობა და ქვეყნებს შორის კეთილმეზობლური ურთიერთობებია, რომელიც კი არ ცდილობს ვინმეს საკუთარი ტრადიცია და ღირებულებები წაართვას, რაც პრორუსული პროპაგანდის ნაწილია, არამედ სწორედ კულტურათა, ადათწესების მრავალფეროვნების შემონახვას, დაცვას და ისეთი საზოგადოების მშენებლობას გულისხმობს, სადაც ყველა ადამიანის უფლება თანაბრად იქნება დაცული.

მერაბ დოლბაია საქართველოს ხელისუფლებას რუსეთთან დამოკიდებულებას უწუნებს. ფიქრობს, რომ ის ზედმეტად რბილია, ამ დროს კი ჩვენ მეტი სიხისტე გვჭირდება:

„მე რასაც ვხედავ, საქართველო არის ძალიან ლოიალური ოკუპაციის მიმართ, რომლის წინააღმდეგაც ვერაფერს ვაკეთებთ. უნდა ვეცადოთ, რომ რუსეთთან დავალაგოთ ურთიერთობა არა ისე, როგორც მარიონეტულმა ქვეყანამ. გვაქვს ძალიან მნიშვნელოვანი გეოპოლიტიკური მდებარეობა თუნდაც რუსეთისთვის და საკმაოდ ძლიერ ძალას წარმოვადგენთ კავკასიაში. რუსეთი ვალდებული იქნება, რაღაც საკითხებში დათმობაზე წავიდეს“.

სამაგიეროდ, ახალგაზრდა დიპლომატს მოსწონს ის პოლიტიკა, რაც ხელისუფლებას აფხაზების და ოსების მიმართ აქვს. ფიქრობს, რომ მათთან დიალოგის ნებისმიერი შესაძლებლობა უნდა გამოვიყენოთ, თუნდაც კულტურის და სპორტის სივრცეები დაახლოებისთვის და ვუჩვენოთ, რომ - იცით, ჩვენ უკეთ ვცხოვრობთ, ვიდრე თქვენ რუსეთის მარიონეტობის ქვეშ.

მერაბ დოლბაიას თქმით, მიზნის მისაღწევად ერთადერთი სწორი იარაღი მშვიდობა და დიპლომატიაა, არა იარაღი და სისხლისღვრა. სკოლის მოსწავლე ნატოს და ევროკავშირის საინფორმაციო ცენტრის მოხალისეა. სჯერა, რომ მხოლოდ დასავლური ინტეგრაცია მოუტანს ქვეყანას განვითარებას, უსაფრთხოებას, რომ იოლად არავინ გაბედოს ტერიტორიული მთლიანობის ხელყოფა.

კლასის დამრიგებელი შორენა ჯაბურია გვეუბნება, რომ სწორედ ასეთი იმედისმომცემი ახალგაზრდებია საჭირო, საქართველოსთვის პრიორიტეტული საგარეო კურსის წარმატებულად შენარჩუნებისთვის. დარწმუნებულია იმაშიც, რომ მერაბი აუცილებლად იტყვის თავის სათქმელს სამომავლოდ, მთელ ამ ხანგრძლივ პროცესში.

მერაბ დოლბაია იგივე პროექტის ფარგლებში დეკემბრის თვეში ბაქოში გაემგზავრება, სადაც რუს თანატოლებს შეხვდება. პირისპირ დიალოგს ელოდება და მათთვის კითხვებიც მზად აქვს. აინტერესებს პასუხები რამდენიმე საკვანძო თემაზე. მაგალითად, რას ფიქრობენ ისინი საკუთარი ხელისუფლების დღევანდელ პოლიტიკაზე, საქართველოში ჯერაც დაუსრულებელ, მცოცავ ოკუპაციასა და აფხაზეთის და ცხინვალის რეგიონების პრობლემაზე.
| Print |  E-mail
FaceBook Twitter Google
სხვა მასალები ამ კატეგორიიდან






იყო და არა იყო განძი...

ამბავი, რომელსაც ახლა წაიკითხავთ, თითქოს ზღაპარს ჰგავს,
10:22 / 13.12.2018
იყო და არა იყო განძი...

ამბავი, რომელსაც ახლა წაიკითხავთ, თითქოს ზღაპარს ჰგავს,






ის, რაც ცხოვრებაში გადავიტანე, ამად ღირდა. ძალიან გავიზარდე.
დამოუკიდებლად დავდექი ფეხზე.
11:21 / 03.12.2018
ის, რაც ცხოვრებაში გადავიტანე, ამად ღირდა. ძალიან გავიზარდე. დამოუკიდებლად დავდექი ფეხზე.






მესტიის სოფელ ჭუბერში, სტიქიით დაზარალებული მოსახლეობა ამბობს,
11:43 / 21.11.2018
მესტიის სოფელ ჭუბერში, სტიქიით დაზარალებული მოსახლეობა ამბობს,






აფხაზეთიდან რუსეთში ციტრუსის აქტიური ექსპორტი ნოემბრის მეორე
ნახევრიდან იგეგმება.
18:24 / 13.11.2018
აფხაზეთიდან რუსეთში ციტრუსის აქტიური ექსპორტი ნოემბრის მეორე ნახევრიდან იგეგმება.
ლაივპრესის სტუდია
გადაცემა „პირისპირ ლაივპრესთან“ ქალთა მიმართ ძალადობის აღმოფხვრის წინააღმდეგ მიმდინარე 16 დღიან კამპანიას დაეთმო.
ვიდეორეპორტაჟი
დღის ფოტო
ცოცხალი ისტორიები
დემეტრე ლიპარტია - აგრარულ მეცნიერებათა დოქტორი
გრიგოლ დაგარგულია - აგვისტოს ომის რეზერვისტი
დიანა ქაჯაია - აბიტურიენტი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.