მორაგბე გოგონები დარჩელიდან [Video]
ზუგდიდის მუნიციპალიტეტის სოფელ დარჩელში, პირველი საჯარო სკოლის
ბაზაზე რაგბის გოგონათა გუნდი ფუნქციონირებს.
ერთი თვეა, რაც ისინი სპორტის ამ სახეობით არიან დაკავებული. კვირაში
ორჯერ, 45-45 წუთის განმავლობაში დარბაზში, კარგ ამინდებში კი ეზოს
პირობებში მის წესებს, ელემენტებს ეუფლებიან, ბურთთან ურთიერთობას.
მათ რაგბის კლუბ „ზუგდიდის“ მთავარი მწვრთნელი წვრთნის, რომელიც
პარარელურად დარჩელის სკოლაში სპორტის პედაგოგად მუშაობს. ვახტანგ
კორკელიას თქმით, სურდა სტერეოტიპი დაერღვია, რომ გოგოებისთვის რაგბი
უხეში სპორტია. ამბობს, რომ ბიჭებისგან განსხვავებით, ისინი „თაჩ
რაგბს“ თამაშობენ, რაც გამორიცხავს მოწინააღმდეგის ბოჭვას, უხეშ
კონტაქტს, არამედ გულისხმობს ორი ხელით შეხებას და ბურთის
გადაცემას.
„რაგბის კლუბი „ზუგდიდი“ 2013 წლიდან ჩამოყალიბდა. სწორედ დარჩელის სკოლიდან ჩაეყარა საფუძველი ამ სპორტს. პირველი მერცხლები ჩვენი სკოლის მოსწავლე მორაგბეები არიან. აქედან გაჩნდა იდეა, ჩამოყალიბებულიყო გოგონათა გუნდი. გაკვეთილის 45 წუთი გამოვიყენე იმისთვის, რომ ბავშვებისთვის შემეყვარებინა ეს სპორტი“, - უთხრა „ლაივპრესს“ ვახტანგ კორკელიამ.
დღეს რაგბს დარჩელში 5-6 კლასის მოსწავლე გოგოები ეუფლებიან. თუ მოთხოვნა იქნება, მწვრთნელი მის შემოღებას უფრო მაღალ კლასებშიც გეგმავს. აპირებს გაფართოვდნენ, რისთვისაც სხვა სკოლის გოგოების ჩართვის კუთხით იმუშავებენ აქტიურად.
„დაგეგმილია ჩვენთან სკოლაში მოვიდეს ეროვნული ქალთა ნაკრები გუნდი. ეს ერთგვარი სტიმული იქნება ამ ბავშვებისთვის, ახლოდან გაიცნობენ და პატრა მასტერკლასსაც ჩაუტარებენ“, - აღნიშნა მწვრთნელმა.
სკოლის დირექტორმა მარინე ცარციძემ გვითხრა, რომ რაგბი საქართველოში ძალიან უყვართ, უყვართ მათ შორის ბავშვებსაც, ამიტომ პედაგოგის ინიციატივა, შემოეღოთ გოგოებისთვის სპორტის ამ სახეობის გაკვეთილები, გაიზიარა:
„ვეუბნები, თუ კარგად ისწავლიან, მათი წარმატების მაჩვენებელი მაღალი იქნება, მე ყველანაირად დავეხმარები. ვაფინანსებ, როცა ბიუჯეტი მაძლევს ამის საშუალებას, როცა გადიან სადმე. მინდა რომ წარმატებები მოვიპოვოთ“.
დირექტორის თქმით, მართალია დარბაზი ცუდ მდგომარეობაშია, თუმცა ჰპირდებიან, რომ პრობლემა მოგვარდება.
თავის მხრივ, მორაგბე გოგონებს სპორტის ეს მიმდინარეობა მოსწონთ და ერთგვარი აზარტით ეუფლებიან მას.
რაც შეეხება რაგბის კლუბ „ზუგდიდს“, აქ ასამდე ბიჭი ირიცხება სხვადასხვა ასაკობრივი კატეგორიის. ავარჯიშებენ მეორედან მეშვიდე კლასამდე მოსწავლეებს დარჩელში, წალენჯიხასა და ზუგდიდში წლოვანობა უფრო მაღალია, სოფელ ორულუში კი მეთერთმეტე კლასელებიც მისდევენ რაგბს.
კლუბს ჯერ ბიუჯეტი არ აქვს, თუმცა მომავალი წლისთვის დაფინანსებას ჰპირდებიან. დღეს მათ რაგბის ფედერაცია, ზუგდიდის მუნიციპალიტეტის გამგეობა ეხმარება სხვადასხვა ინვენტარით. ბურთებით ამარაგებენ, გასვლითი შეხვედრებისთვის ტრანსპორტირების თანხას გამოუყოფენ. კლუბს სამი ლიცენზირებული პედაგოგი ჰყავს.
„რაგბის კლუბი „ზუგდიდი“ 2013 წლიდან ჩამოყალიბდა. სწორედ დარჩელის სკოლიდან ჩაეყარა საფუძველი ამ სპორტს. პირველი მერცხლები ჩვენი სკოლის მოსწავლე მორაგბეები არიან. აქედან გაჩნდა იდეა, ჩამოყალიბებულიყო გოგონათა გუნდი. გაკვეთილის 45 წუთი გამოვიყენე იმისთვის, რომ ბავშვებისთვის შემეყვარებინა ეს სპორტი“, - უთხრა „ლაივპრესს“ ვახტანგ კორკელიამ.
დღეს რაგბს დარჩელში 5-6 კლასის მოსწავლე გოგოები ეუფლებიან. თუ მოთხოვნა იქნება, მწვრთნელი მის შემოღებას უფრო მაღალ კლასებშიც გეგმავს. აპირებს გაფართოვდნენ, რისთვისაც სხვა სკოლის გოგოების ჩართვის კუთხით იმუშავებენ აქტიურად.
„დაგეგმილია ჩვენთან სკოლაში მოვიდეს ეროვნული ქალთა ნაკრები გუნდი. ეს ერთგვარი სტიმული იქნება ამ ბავშვებისთვის, ახლოდან გაიცნობენ და პატრა მასტერკლასსაც ჩაუტარებენ“, - აღნიშნა მწვრთნელმა.
სკოლის დირექტორმა მარინე ცარციძემ გვითხრა, რომ რაგბი საქართველოში ძალიან უყვართ, უყვართ მათ შორის ბავშვებსაც, ამიტომ პედაგოგის ინიციატივა, შემოეღოთ გოგოებისთვის სპორტის ამ სახეობის გაკვეთილები, გაიზიარა:
„ვეუბნები, თუ კარგად ისწავლიან, მათი წარმატების მაჩვენებელი მაღალი იქნება, მე ყველანაირად დავეხმარები. ვაფინანსებ, როცა ბიუჯეტი მაძლევს ამის საშუალებას, როცა გადიან სადმე. მინდა რომ წარმატებები მოვიპოვოთ“.
დირექტორის თქმით, მართალია დარბაზი ცუდ მდგომარეობაშია, თუმცა ჰპირდებიან, რომ პრობლემა მოგვარდება.
თავის მხრივ, მორაგბე გოგონებს სპორტის ეს მიმდინარეობა მოსწონთ და ერთგვარი აზარტით ეუფლებიან მას.
რაც შეეხება რაგბის კლუბ „ზუგდიდს“, აქ ასამდე ბიჭი ირიცხება სხვადასხვა ასაკობრივი კატეგორიის. ავარჯიშებენ მეორედან მეშვიდე კლასამდე მოსწავლეებს დარჩელში, წალენჯიხასა და ზუგდიდში წლოვანობა უფრო მაღალია, სოფელ ორულუში კი მეთერთმეტე კლასელებიც მისდევენ რაგბს.
კლუბს ჯერ ბიუჯეტი არ აქვს, თუმცა მომავალი წლისთვის დაფინანსებას ჰპირდებიან. დღეს მათ რაგბის ფედერაცია, ზუგდიდის მუნიციპალიტეტის გამგეობა ეხმარება სხვადასხვა ინვენტარით. ბურთებით ამარაგებენ, გასვლითი შეხვედრებისთვის ტრანსპორტირების თანხას გამოუყოფენ. კლუბს სამი ლიცენზირებული პედაგოგი ჰყავს.