სპორტი
ზუგდიდში ამერიკული ფეხბურთის კლუბი შეიქმნა [ფოტო]
ზუგდიდში ჩამოყალიბდა ამერიკული ფეხბურთის კლუბი „Western Bad Boys“, რომელიც 16 წლიდან ახალგაზრდებს იწვევს სპორტის ამ სახეობის დასაუფლებლად. იდეა ზუგდიდელ ირაკლი ბუკიას გაუჩნდა, რომელმაც სპორტის ამ სახეობაში მწვრთნელობის კურსები გაიარა და მეგობრებთან ერთად კლუბის ჩამოყალიბებაც მოახერხა.

როგორც მან „ლაივპრესს“ განუცხადა, სულ ერთი თვეა რაც დაფუძნდნენ და უკვე დიდი ინტერესი გამოიჩინეს ახალგაზრდებმა სიახლის მიმართ. მეგობრების დახმარებითა და სოციალურ ქსელში კლუბის გვერდზე გამოქვეყნებული ინფორმაციის შემდეგ, კლუბში გაწევრიანდნენ მოზარდები სამეგრელოს სხვადასხვა მუნიციპალიტეტიდან.

„Western Bad Boys-ის“ დამფუძნებელი უფრო დიდ საინფორმაციო კამპანიასაც გეგმავს. ირაკლი ბუკია ამბობს, რომ აპირებენ შეხვედრებს ახალგაზრდებთან საგანმანათლებლო დაწესებულებებში, ასევე ბროშურების დარიგებას.

„ნებისმიერ მსურველს შეუძლია მოგვმართოს. ისინი ვარჯიშებს გაივლიან და თუ დააკმაყოფილებენ კრიტერიუმს, რა თქმა უნდა მოხვდებიან გუნდში. სწავლება უფასოა. ჩვენ ფინანსური მხარდაჭერის და სპონსორების ძიებაში ვართ. აქ საუბარია ელემენტარული დაფინანსების მოპოვებაზე, რომ ფორმები გვქონდეს, თორემ ხელფასებს არავინ ითხოვს“, - ამბობს ირაკლი ბუკია.

ამჟამად კლუბის წევრები ზუგდიდის მერიის მიერ გამოყოფილ ონარიის უბნის სტადიონზე ვარჯიშობენ. მწვრთნელს მიაჩნია, რომ ამერიკულ ფეხბურთს საქართველოში დიდი პოტენციალი აქვს, რისი დასტურიც არის რეგიონებში მისი განვითარების სწრაფი ტემპი.

„ამერიკული ფეხბურთი განსხვავებულია თამაშის სტილით. ერთი შეხედვით წააგავს რაგბს, თუმცა სრულიად განსხვავებული წესები აქვს. ფეხბურთთანაც ამ მხრივ არანაირი კავშირი არ აქვს. მე ვიტყოდი, რომ ქართველებს მარტივად შეგვიძლია ავუღოთ ალღო და ამას ადასტურებს ისიც, რომ 2-3 წელიწადში უკვე თითქმის ყველა რეგიონში ერთი კლუბი მაინც არის. რეჟიმი სჭირდება, მებრძოლი ხასიათი სჭირდება, რაც გვაქვს. როცა წესებს მიხვდები, სანახაობრივადაც ძალიან ლამაზი სპორტია“, - ამბობს მწვრთნელი.

ამერიკული ფეხბურთი აშშ-ში ჩამოყალიბდა მე-19 საუკუნეში. ის სპორტის ყველაზე პოპულარული სახეობა ქვეყანაში 1972 წლიდან გახდა, მას შემდეგ, რაც ამ კომპონენტში გაუსწრო ბეისბოლს. ამჟამად ამერიკულ ფეხბურთს 80-ზე მეტ ქვეყანაში თამაშობენ.

საქართველოში ამერიკული ფეხბურთის ფედერაცია 2011 წლის ივნისში შეიქმნა, რომელიც გაწევრიანებულია ევროპის ამერიკული ფეხბურთის ფედერაციაში. მესამე წელია რაც ტარდება სპორტის აღნიშნულ სახეობაში ჩემპიონატი, რომელშიც ჩართვას დაახლოებით ერთ წელიწადში გეგმავს ზუგდიდის გუნდი. კლუბის შესახებ ვიდეომასალას „ლაივპრესი“ უახლოეს მომავალში მოგაწვდით. მასალაში გამოყენებული ფოტოები ეკუთვნის ამერიკული ფეხბურთის ზუგდიდის კლუბს.
| Print |  E-mail
FaceBook Twitter Google
სხვა მასალები ამ კატეგორიიდან






ბერძნულ-რომაული სტილით მოჭიდავე, 17 წლის გიორგი ჩხიკვაძე (60 კგ)
ახალგაზრდული ოლიმპიურ თამაშების ჩემპიონია.
13:01 / 13.10.2018
ბერძნულ-რომაული სტილით მოჭიდავე, 17 წლის გიორგი ჩხიკვაძე (60 კგ) ახალგაზრდული ოლიმპიურ თამაშების ჩემპიონია.






ზურაბ ლოგუა ზუგდიდის მერიას ახალგაზრდებისთვის სპორტული მოედნის
მოწყობას სთხოვს.
12:44 / 14.09.2018
ზურაბ ლოგუა ზუგდიდის მერიას ახალგაზრდებისთვის სპორტული მოედნის მოწყობას სთხოვს.






საქართველოში მოქმედ ფეხბურთის სამ მსაჯ ქალს შორის ერთი 20 წლის
ხობელი გოგონა ვიკა სახურიაა.
16:40 / 31.08.2018
საქართველოში მოქმედ ფეხბურთის სამ მსაჯ ქალს შორის ერთი 20 წლის ხობელი გოგონა ვიკა სახურიაა.






ზუგდიდელმა კიკბოქსიორმა დავით ქირიამ რუსი ანატოლი მოისეევი
დაამარცხა.
00:49 / 06.08.2018
ზუგდიდელმა კიკბოქსიორმა დავით ქირიამ რუსი ანატოლი მოისეევი დაამარცხა.
ლაივპრესის სტუდია
გადაცემაში „დისკუსია ლაივპრესში“ ზუგდიდში პარკირების გაუმართავ სისტემაზე ვისაუბრეთ.
ვიდეორეპორტაჟი
ცოცხალი ისტორიები
დიანა ქაჯაია - აბიტურიენტი
მონიკა თიგიშვილი - ტრანსგენდერი ქალი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.