Аспорт
Сынтәа адунеи Европеи ичемпионцәахаз Гыртәылатәи аспортсменцәа [афото]
Автор: Нино Толораиа

Сынтәа Гыртәыла - Хыхьтәи Шәантәыла аиуит адунеи Европеи 16ҩык ачемпионцәа еиуеиҧшым аспорт хкқәа рҿы. Џьоукы раҧхьаӡа акәны жәларбжьаратә азхаҵара роуит, егьырҭ уаанӡагьы имаҷымкуа ақәҿиарақәа рыман, аха уезгьы, раҧхьаӡа акәны аиааира ргазшәа рықәҿиарақәа ирықәгәырҕьон. Сынтәа ақәҿиара ду зауз аспортсменцәа даҽазнык ҳарзааҭгылап.

Нугзар Ҵурҵумиа 21 шықәса зхыҵуа Хобтәи ақәҧаҩ иоуп, сынтәантәи ашықәс ақәҿиара ду изаанагеит. Иара, адунеи Европеи ачемпионатқәа рҿы, инеизакны, 4 медалк иоуит ихатә ақәратә категориаҿы, иара убас, адуцәа рыбжьарагьы. Иқәыҧшу аспортсмен, абҵаразы Бухарест имҩаҧысуаз аицлабрақәа рҿы, адунеи ачемпионс дҟалеит. Афинал аҿы иара аурыс ақәҧаҩ Витали Кабалоев даҵаирхеит. Уаанӡа, рашәарамзазы, Европа ачемпион ититул ианашьан.

Нугзар Ҵурҵумиа гәахәтәык имоуп, аолимпиатә медал иоур иҭахуп. Убри азыҳәан, ихы дамеигӡакәа аусура даҿуп. Иара абри зегьы еиҭеиҳәеит „Лаивпресс“ акорреспондент данлацәажәоз.

Сынтәа иҵегьы ҩыџьа аспортсменцәа Хоби амуниципалитети Қырҭтәылеи рыхьӡ шьҭырхит. Армрестлинг аҿы, 21 шықәсанӡа ақәратә категориаҿы Европа ачемпионс дҟалеит Даҭуна Џьишкариани. Аспорт абри ахкы аҿыҵәҟьа 18 шықәсанӡа зхыҵуа аспортсменцәа рыгәҭа адунеи ачемпион ититул иоуит Гулад Букиа.

2018 шықәса иқәҿиаран Сенактәи ақәҧаҩ Гьаргь Чхикваӡе изгьы. Иара, аҿартә олимпиатә хәмаррақәа рҿы ахьтәы медал зауз раҧхьатәи Қырҭтәылатәи спортсменуп. Аргентина, Буенос - Аирес имҩаҧысуаз аицлабрақәа рфинал аҿы 17 шықәса зхыҵуа ақырҭуа спортсмен аҟиргиз Елмирбек Садиров даҵаирхеит. Ақәҩаҧ „Лаивпресс“ акорреспондент ишлеиҳәаз ала, иҧсҭазаара зегьы аспорт иазикуеит, иҵегьы изныкымкуа атәыла ахьӡ шьҭихырц азыҳәан.

Сенаки инхо Қарҭлос Очигава раҧхьатәи ақырҭуа спортсменуп агреплинг ҳәа захьӡу аспорт хкы аҿы ахьтәы медал зауз. Иара Милан имҩаҧысуаз адунеи ачемпионат аҿы аиааира игеит.
Жәыргьыҭ иҟоу Риҟе ақыҭаҿ инхоит Европа ичемпионцәахаз аишьцәа. Польша имҩаҧысуаз аҿартә аицлабрақәа рҿы Гоча Чхеиӡе ашьҭқәыцәаараҿы 139 кьыла шьҭихын, араӡнытә медал игеит, иаҵасны ашьҭыхраҿы 174 шьҭыхны, инеизакны 313 кьыла еизиган, аҩ-категориак рҿы ахьтәы медалқәа игеит.


Иара иашьа Иракли Чхеиӡе Европа ачемпионс дҟалеит. Ақырҭуа спортсмен ашьҭкәыцәаараҿы (163, 167, 170) аҽазышәарақәа рыхҧагьы ихы иархәаны, ахьтәы медал игеит. Иара иаҵасны ашьҭыхраҿгьы қәҿиарала дықәгылеит, 202, 209, 216 кьыла шьҭыхны, актәи аҭыҧ ааникылеит. Ҩхкеицлабраҿы инеизакны 386 кьыла шьҭихын, ахьтәы медалқәа хҧа игеит.

Аштанга ашьҭыхраҿы Европа ачемпионс дҟалеит урҭ раб иашьеиҧа Гьаргь Чхеиӡегьы.

Жәыргьыҭтәи акаратист Илиа Габрава макьана бжьышықәса роуп ихыҵуа. Аха иакымкуа жәларбжьаратә ҧхьахәқәа иоухьеит. Сынтәа иара, Ҭырқәтәыла ахҭнықалақь Сҭампыл имҩаҧысуаз адунеи ачемпионат аҿы шотокан карате аҿы ахьтәы медал игеит. Иара убас, Илиа, Варна имҩаҧысуаз аицлабрақәа рҿы Европа ачемпионс дҟалеит.

Илиа Габрава иеиҧшҵәҟьа, адунеи ачемпионс дҟалеит жәыргьыҭтәи аспортсмен Саба Маниа, иара Ҭырқәтәыла имҩаҧысуаз ачемпионат далахәын. Иара убас, жәларбжьаратә аицлабрақәа рҟынтәи ахьтәы медалқәа рыла ихынҳәит Ута Ҧониавеи Иракли Ҷурҕулиеи.


Давиҭ Самушиагьы сынтәатәи ашықәс ақәҿиара ду изаанагеит. Иара армрестлинг аҿы адунеи ачемпионс дҟалеит. Афиналтә аицлабраҿы ақырҭуа спортсмен аерман ақәҧаҩ Врез Седракиан даҵаирхеит.

Румынтәыла аҳҭнықалақь Бухарест имҩаҧысуаз адунеи ачемпионат аҿы жәыргьыҭтәи асамбист Бесарион Берулава актәи аҭыҧ ааникылеит. 82 кьыла акапантә категориаҿы еицлабуаз ақырҭуа спортсмен адунеи ачемпион Сергеи Кириухин даҵаирхан, ахьтәы медал игеит.

Аҵаҩцәа рыбжьара Европа ачемпионс дҟалеит 14 шықәса зхыҵуа Саба Тҟебучава. Болгариа имҩаҧысуаз аицлабрақәа рҿы ақырҭуа боксиор украинатә спортсмен даҵарханы, ахьтәы медал игеит. Абри ачемпионат аҿыҵәҟьа, 65 кьыла акапантә категориаҿы ахьтәы медал иоуит Иракли Џьанелиӡегьы.

Қырҭтәыла амилаҭтә олимпиатә комитет алахәылацәа, ашықәс анҵәамҭазы, еиуеиҧшым аноминациақәа рҿы жәларбжьаратә азхаҵара змоу аспортсментцәа рыгәҭа иреиҕьу аадырҧшит. Аиааирагаҩцәа дреиуп Хобтәи аспортсмен Нугзар Ҵурҵумиа. Иара „ашықәс аҧшаамҭа“ ихьӡарҵан, „Аолимпиатә гәыҕырҭа“ аҧхьахә ирҭеит.

Акомитет аӡбра ала, ашықәс иреиҕьу иқәыҧшу спортсменс дҟалеит 17 шықәса зхыҵуа Сенактәи ақәҧаҩ Гьаргь Чхикваӡе.

Аҿар ишырҳәаз ала, сынтәа ироуз ақәҿиарақәа гәызҭаҵагас ирзыҟалеит. Иаҳа рхы иақәгәыҕуа иалагеит. Урҭ ажәа шьҭарҵеит ҳаҧхьҟагьы ирылшо зегьы шыҟарҵо жәларбжьаратә аицлабрақәа рҿы Қырҭтәыла хьыӡрашәа иҵегьы изныкымкәа адырҳәаларцаз.
| Print |  E-mail
FaceBook Twitter Google
Ари aкaтегориa иaҵaнaкәa егьырҭ aмaтериaлқәa






Жәыргьыҭ, кикбоксинг aзы aреспубликaтә турнир «Колхидaтәи Ахрaҿa»
мҩaҧысит.
12:53 / 20.11.2018
Жәыргьыҭ, кикбоксинг aзы aреспубликaтә турнир «Колхидaтәи Ахрaҿa» мҩaҧысит.






Хобтәи aқәҧaҩ Нугзaр Ҵурҵумиa aдунеи aчемпионс дҟaлеит. Иaрa
Бухaрест имҩaҧысуa
14:26 / 16.11.2018
Хобтәи aқәҧaҩ Нугзaр Ҵурҵумиa aдунеи aчемпионс дҟaлеит. Иaрa Бухaрест имҩaҧысуa






Жәыргьыҭтәи aспортсмен Дaвиҭ Сaмушиa aрмрестлинг aҿы aдунеи
aчемпионс дҟaлеит.
10:35 / 23.10.2018
Жәыргьыҭтәи aспортсмен Дaвиҭ Сaмушиa aрмрестлинг aҿы aдунеи aчемпионс дҟaлеит.






Жәыргьыҭтәи aкикбоксиор Дaвиҭ Қириa aурыс спортсмен Анaтоли Моисеев
дaҵaирхеит.
10:31 / 07.08.2018
Жәыргьыҭтәи aкикбоксиор Дaвиҭ Қириa aурыс спортсмен Анaтоли Моисеев дaҵaирхеит.
Аполитикa
Гaлaa aaмҭaлa aнхaрa aзин зыршaҳaҭуa aгәрaргaгa зырго, мaмзaргьы мaп зaцәыркуa
Автор: Ҭaмaр Зaнҭaрaиa

Аҧхынрaз Аҧсны иқәынхо aуaaҧсырa рыхәҭaк aaмҭaлa aнхaрa aзин зыршaҳaҭуa aгәрaргaгa рыҭaрa иaлaгеит, aри aпроцесс уaжәгьы инaгӡоит. Адокумент
Де-фaкто aиҳaбырa Игры aцҳaҿы aҽыуaрдын aмикроaвтобус aлa ирыҧсaхыр рҭaхуп
Автор: Ҭaмaр Зaнҭaрaиa

«21-тәи aшәышықәсa ҳҭaгылоуп, aхa уезгьы, aҽыуaрдын aлa ҳныҟәоит. Егьуҳәaргьы, ҳaргьы ҳуaaми. Аиҳaбырa иҳaцхрaaуaм, ҳaргьы, ҳaмҧсындaз ҳәa, иҳaлшо
Аҳәсa aполитикaҿы Жәыргьыҭтәи aҿырҧштәы aлa
Автор: Ҭaмaр Зaнҭaрaиa

Агендертә зҵaaрaқәa рзы aус зуa иҳәынҭқaррaтәым aиҿкaaрaқәa рдыррaқәa инрықәыршәaны, Қырҭтәылa aхaлaнaпхгaрaтә aкқәa рҿы aнaпхгaрaтә ҭыҧқәa
Аредaқтор ибжьгaрaлa
Автор: Нaнa Хубутиa

Аҭоурыхтә хыҵхырҭaқәa ишырну aлa, Гыртәылa aшьхaрaҿы aгыруa aжьхкқәa ирылхны
Автор: Нaнa Хубутиa

Аӡиaстә трaнспорт - aпaрaм Гыртәылa aҵaкырaдгьыл aҿы Сенaки мaцaроуп иaaнхaны иaхьыҟоу.
Иaхьa aҿaр, aбульвaр иaҧну aҵaкырa aҭелқәa рылa ихкaaны, aсоветтә режим aхaaн иршьыз aуaa ирызку aинформaциеи,
Автор: Нино Ҭолорaиa

Жәыргьыҭ, aмҿы иaлху aжәытә ҩнык гылоуп, ҧaсa уaҟa Акaки Ҷaнтуриa дынхон.