Аспорт
Жәыргьыҭтәи ашьапылампыл 100 шықәсатәи аҭоурых [афото]
FaceBook Twitter
E-mail Print
Автор: Нино Ҭолораиа

Жәыргьыҭтәи ашьапылампыл шәышықәса ахыҵуеит. Уи аҭоурых иаҧырҵон даӡәымкәа аспортсменцәа, аха раҧхьатәи ашьаҿақәа Лео Ҷедиеи Пиер Кобахиӡеи рыхьӡқәа ирыдҳәалоуп. Урҭ роуп ирызгәакьаз ақалақь аҿы акоманда аиҿкаара зыӡбаз. Ргәахәтәы нагӡаны, 1919 шықәса лаҵара 20 рзы, аклуб «Ажәҵыс» еиҿыркааит. Акоманда абираҟ шкәакәа ианын жәҩанҧшшәыла агежь ду, уи аҩнуҵҟа – ажәҵыс. Уи ашьҭахь аклуб ахьӡ аамҭа- аамҭала ирыҧсахауан - «Спартак», «Игры», асоветтә аамҭақәа раан - «Афатәҟаҵаҩы», «Амра агылара». Нас – «Динамо».

Шәышықәсатәи аҭоурых аазырҧшуа афотоҭыхымҭақәа рыхәҭак аспорт амузеи аҿы ишьҭоуп. Амузеи аартын 2015 шықәсазы. Уи анапхгара азиуеит ашьапылампыл афедерациа ахада, аҭыҧантәи ашьапылампылтә команда аветеран Роланд Мақацариа.

Иара акыршықәса еизигоз афотоҭыхымҭақәа ҳирбан, Жәыргьыҭ ашьапылампылтә традициа иазкны иаҳзеиҭеиҳәеит. Ишиҳәаз ала, аспорт ари ахкы аҿиара иалагеит Ҧуҭ ақалақь аҿы, усҟан уи иҿыцыз ак акәын. Агимназистцәа Лео Ҷедиеи Пиер Кобахиӡеи рҩыџьагьы Ҧуҭтәи абаҕәаза аусзуҩцәеи англыз амшынуааи рматч аҿы иҟан. Ахәмарра апҟарақәеи астадион апараметрқәеи ҭырҵаан, нас ампыли аформақәеи аахәаны, раҧхьатәи акоманда еиҿыркааит. Жәыргьыҭтәи аурыси агарнизонқәа рыбжьара раҧхьатәи аматч мҩаҧысит Миурат ишҭаҿы, 2011 шықәсанӡа уаҟа ақалақь астадион хада иҟан.

«Ҳара ҳтәқәа ажәцәеимаақәа рышьаҵаны ихәмаруан, аурысцәа – аботинкақәа. Дара ҳа ҳтәқәа ирыгәҭасны ирыпҟон, аха ҳара, уезгьы, ҩба – акы ҳәа аиааира ҳгеит. Дара уи хьымӡҕыршьеит. Аматч – реванш мҩаҧысит. Усҟан ҳа ҳтәқәагьы аботинкақәа рышьарҵеит, уезгьы ҧшьба – акы ҳәа аиааира ргеит. Хәыҷы–хәыҷла Жәыргьыҭ ашьапылампыл аиҭаҿиара иалагеит», - иҳәеит Роланд Мақацариа.

Нас, даҽа қәҿиаракгьы иҟан. Қырҭәтыла ачемпионра – 1964 шықәса. Усҟан акоманда «Игры» ахьӡын, уи аҧара азоурышьҭуан игрытәи адирекциа. 1973 шықәсазгьы ари атитул роуит. Қырҭтәыла ачемпионра инаваргыланы, акоманда алахәылацәа Қырҭтәыла Ахраҿа ргеит. Уааҵәҟьа Роланд Мақациариагьы дыхәмаруан. Иара ишиҳәаз ала, агыруа шьапылампыл ахатә ҷыдарақәа амоуп: агрессиара, атехника бзиа, активра. Адәаҿы ихәмаруаз аспортсменцәа актәи атаим аҿыҵәҟьа ахәмарра аҧеиҧш рыӡбеит.

Урҭ роуп Нодар Звамбаиа, Валери Гулордава, Валери Сиҷинава, Оҭар Габелиа, Геронти Наҷҟебиа. Иара ианаамҭаз зегьы реиҳа ирацәаны ампылқәа ҭаиршәит, иҳәеит Роланд Мақацариа. Уи афотоҭыхымҭақәа ирну аспортсменцәа рбиографиақәа ҳзеиҭеиҳәеит. Амузеи аҿы ишьҭоуп дара иртәыз амаҭәарқәагьы. Араҟа ижәбар шәылшоит 1951-52 шықәсқәа рзтәи ашьапылампылтә афишақәеи Миша Месхи ибутсақәеи. Иара 1967 шықәса игәалаиршәоит, усҟан, атәыла амасшаб ала, ашколқәа рыбжьара аицлабрақәа рҿы аиааира ргеит жәыргьыҭтәи аҿар. 2004 шықәсазы Джетикс аматч аҿы ахҧатәи аҭыҧ ааныркылеит.

Ҳаамҭазтәи жәыргьыҭтәи ашьапылампыласҩцәагьы дрылацәажәеит – Вако Гвалиа, Ника Квеквескири уҳәа, убас егьырҭгьы, Қырҭтәыла аизга иалоу, атәыла анҭыҵ аҧсадгьыл ахьӡ зыхьчо. Иара Звиад Сиҷинава ишьаҭеикыз жәыргьыҭтәи аклуб «Баиа», иара убас, ашьапылампылтә клуб ҿыц «Жәыргьыҭ» игәалаиршәеит.

Аспорт амузеи аҿы жәыргьыҭтәи аветеран Заур Булиа ҳаиҧылеит. Иара иоуп 1973 шықәсазы, ари акоманда Қырҭтәыла ачемпионс ианыҟала, ахәмарҩцәа иазыҟазҵоз. Ишиҳәаз ала, ақалақь аҿы еснагь ашьапылампылтә традициақәеи аихьӡара змаз аспортсменцәеи иҟан. Урҭ рыхәҭак, Жәыргьыҭ иалагаз ркариера аҳәаанырцә инарыгӡеит. Иара ихаҭагьы ари амҩа дахысит.
«Жәыргьыҭ еснагь акоманда иҟан, аспорттә школ инаркны. Раҧхьатәи ҳазыҟаҵаҩ Алиоша Дидишвили иакәын. Иара ихатә ҧарала зехьынџьара ҳаигон. Ҧыҭраамҭак ашьҭахь сара қарҭтәи ашьапылампылтә школ ҷыда ашҟа сиасит», - иаҳзеиҭеиҳәеит Заур Булиа.

Абри аамҭа инаркны икариера иалагоит, зны Қырҭтәыла аизга алахәыла иаҳасаб ала, нас, Асовет Еидгыла аҿартә аизга алахәыла иаҳасаб алагьы. Уи иашьҭанеиуан қарҭтәи «Динамо», вильниустәи «Спартак», қәҭешьтәи «Торпедо». Аспортсмен – ветеран гәазыҳәарак имоуп, ақырҭуа шьапылампыл ҧасатәи ахьӡ азыхынҳәыр иҭахуп, Жәыргьыҭ еиҧшҵәҟьа, атәыла зехьынџьарагьы.

Жәыргьыҭ ахьӡала астадион аҿы ақәгылара ҳаҭыр дууп. «Лаивпресс» акорреспондент ари атәы гәадурала илзеиҭеиҳәеит ҧасатәи даҽа спортсменк Мераб Ҧиҧиа. Иара икариера иалагеит Зеда Еҵери еиҿкааз акоманда «Субтропик» аҿы, ари акоманда Қырҭтәыла ачемпионат иалахәын. Уи ашьҭахь иара жәыргьыҭтәи «Динамо» далалан, сезонк уаҟа дыхәмаруан.

«Жәыргьыҭтәи акоманда чемпионс ианыҟала сара схәыҷын. Ҳазынтәгьы ҳгәырҕьон. Аныҳәа дук еиҧш иазгәаҳҭон. Усҟан ашьапылампыл иазҿлымҳахаз рацәахеит. Ақыҭақәеи ақалақьқәеи рҿы аҿар зегьы аспорттә школ иҭалар рҭахын», - игәалаиршәоит ашьапылампыл аветеран, иахьа уи жәыргьыҭтәи ашьапылампыл афедерациа авице- ахадас дыҟоуп.

Ақалақь аҿы раҧхьатәи ашьапылампылтә команда аиҿкаара инаркны шәышықәсҵра иазгәарҭоит еиуеиҧшым ауснагӡатәқәа рыла. Ҧасатәи астадион аҩналарҭаҿы лаҵара 20нӡа идыргылараны иҟоуп ампыл ду абаҟа. Роланд Мақацариа ишиҳәаз ала, аҳаҭыртә тәылауаҩ ихьӡ анашьаразы иқәдыргылоит Оҭар Габелиеи, Автандил Данелиеи, Бадри Ҭуҭбериӡеи, Заур Булиеи, Иракли Кизириеи, Мурҭаз Хурцилавеи,|ьемал Церцваӡеи, Саша Наҷҟебиеи, Оҭар Ҷиҭанавеи ркандидатурақәа. Аветеранцәа реиҩызаратә матчгьы мҩаҧысуеит. Қарҭынтә асасцәа иаараны иҟоуп.
Print E-mail
Twitter
Ари aмaтериaлқәa
Урыстәылатәи ақалақьт Ижевск имҩаҧысуаз 23 шықәсанӡа зхыҵуа
рыбжьара аӡиудо
10:02 / 04.11.2019
Урыстәылатәи ақалақьт Ижевск имҩаҧысуаз 23 шықәсанӡа зхыҵуа рыбжьара аӡиудо
Румынтәылa имҩaҧысуaз 23 шықәсaнӡa зхыҵуa aҿaр рыгәҭa Европa
aчемпионaт
10:34 / 29.10.2019
Румынтәылa имҩaҧысуaз 23 шықәсaнӡa зхыҵуa aҿaр рыгәҭa Европa aчемпионaт
Абырзен римтәи aстиль aлa иқәҧо Хобтәи aқәҧaҩ
10:49 / 18.09.2019
Абырзен римтәи aстиль aлa иқәҧо Хобтәи aқәҧaҩ
Спортсмен из Хоби Нугзар Цурцумия примет участие в чемпионате мира
по греко – римской борьбе,
16:46 / 14.09.2019
Спортсмен из Хоби Нугзар Цурцумия примет участие в чемпионате мира по греко – римской борьбе,
Асоветтә репрессиақәа
Ажәaбжь ҿыцқәa
Еиҭашьақәыргылоу Жәыргьыҭтәи аботаникатә баҳчаҿы иҟоу иҧсабаратәым
Импыҵaхaлоу Аҧсны aҵaкырaдгьыл aҿы aцитрусқәеи aфеихои aҭaaреи,
Қырҭтәылa aиҳaбырa иҟaрҵaз aқәҵaрa aлa, aибaшьрa aaн хaбaрдa иӡыз aуaa рыҧшaaреи
Америкa aцҳaрaжәҳәaҩ инaпынҵaқәa нaзыгӡо Елизaбед Руд Шәaнтәылa дыҟaн.
Амультимедиa
Аботаникатә баҳча аартранӡа мызкы шагу [авидео]
Жәыргьыҭтәи аботаникатә баҳчаҿы аиҭашьақәыргыларатә усурақәа мҩаҧысуеит
Голландиатәи ашьынка арҧхарҭа Жәыргьыҭ [афото]
Жәыргьыҭ, Цаишьи ақыҭаҿ 65 шықәса зхыҵуа Гено Асаҭиани
Европа амшқәа Жәыргьыҭ ақалақь аҿы  [афото]
Гыртәыла – Хыхьтәи Шәантәыла аокругтә администрациа аҧхьа аҿар,
Ацирк агыгшәыгқәа рыда - Жәыргьыҭ имҩаҧгаз акциа
Жәыргьыҭ, ацирктә гыгшәыгқәа рыдгыларатә акциа мҩаҧысит.
Алилачақь зну апаскақәа [афото]
Аишәа иқәгылоуп ашәыгахьшьыгақәа рыла иҭәу абанка,